>>أبوي أجا قبل ظٹظˆظ…ظٹظ† من ظپظ„ط³ط·ظٹظ† لو تدرا
بقلو يابا كيف حالك إتشردق وغص بالعبرة
قلي يا إبني أظن إنو معك من حالنا فكرة
لكني لقيت العكس وعذرت إمك على الحسرة
يا ريت إني ما خلفتك ولكن شاءت القدرة
بديت أندم لأني إرضيت اطاوعكم بهالسفرة
وبدأ يروي وكأنو بلال بتعذب تحت صخرة
حالي كيف يا ولدي مثل فارس بلا مهرة
هيرتزل جاب دباباته وهدمت دارنا الذكرى
وبحقدو خلع اّلزيتون ما خلاّ ولا شجرة
وتركت أختك مع الجرحى وإبن عمك مع الأسرى
وإمك زغردت لأخوك وللشهداء والثورة
وأخوك إستشهد ووصى وداعتك أختك الصغرى
لا تنسى تجيبلها مريول تروح المدرسة تقرا
حالي كيف ياولدي مثل فارس بلا مهرة
عساك بتذكر التينات واللوزات والصبرة
وعساك بتذكر الخروب وزيتوناتنا الخضرا
مسح دمعات عن خدو إعتدل وتوسد بنهرة
قلي ياإبن إفدي المسجد الأقصى وافدي قبة الصخرة
والقيامة حطها بعينيك وافدي المهد والعذرا
ما بتسمع كسر العظام بعزف ع الوتر جفرا
وانتوا بترقصوا ع الجرح ما فيش إحساس بالمرة؟
ما بدنا قروشكو خبوها للسهرات والشعرة
وليلى بتسكب الكاسات وقيس بيحتسي الخمرة
إنحسبتوا أسيادنا وصرنا بنحرث أرضكم سخرة
إن شئتوا بتبعثوا قرشين باقي فضلة السفرة
وبعض قروشكم وصلت لشيخ الحي والحضرة
تفاجأنا بظرف ظٹظˆظ…ظٹظ† صارت خُشتو عمرة
وخلع ثوب الورع واصبح مثل فرعون بالكشرة
ووزع جزء ع أزلاموا وقال إتجاوزوا الفقرا
وبالصدفه دري موسى بعد ما خفت الغبرا
وصاح الناس يا موسى إنقذنا جوعنا إستشرى
ولع غيظهم لما دري موسى ودعوا السحرة
وصاروا يساوموا موسى على التمرات والجمرة
بسيطة إحنا تعودنا وأخذنا بال فقر دورة
لكن …..
موسى جاي يافرعون مايخلي بلحيتك شعرة
حالي كيف يا ولدي مثل فارس بلا مهرة
صاروا بيدفنونا أحياء قبل نموت بالحفرة
وإنت جايي تعشمنا بدولة تعين السفرا
بكفي نوم يا عربان شدوا خيلكوا الضمرة
وصيحوا بهيبة الفرسان واحكوا الحق… لو مرة
قبل هاليوم هاجرنا ونزحنا مرة اخرى
ومتأكد إذا ما صحيتوا والله فيها من الوطن هجرة
وساعتها إن لفينا هون
أكلنا لحومكم خضراء
بتقلي ليش ياولدي علينا تشد د النبرة
لأنو الشجرة المابتثمر وخشبها مسوس وناخر
بنقطعها وبنحرقها ووراها مية ألف عثرة
الجنة ما بنقبلها إذا فيها هوان وذل
ودار العز نسكنها لوإنها جهنم الحمرة
شاعر وكاتب فلسطيني
