إليكى سيدتى الجميلة أهم النصائح للعناية بالبشرة

بشرتك هى مرآة بتعكس جمالك وعشان كدة جيبالك نصائح مهمة جدا أنا عارفة أكيد كتير مننا عارفها بس قولت أفكركم بيها ويارب دايما تكون موضوعاتى مفيدة وأكون دايما بقدملكم كل ما هو جديد فى عالم المرأة عشان تفضل دايما حواء هى النص الحلو فى الحياة

*-*_*-* ط¥ظ„ظٹظƒظ‰ ط³ظٹط¯طھظ‰ ط§ظ„ط¬ظ…ظٹظ„ط© أهم ط§ظ„ظ†طµط§ط¦ط­ ظ„ظ„ط¹ظ†ط§ظٹط© بالبشرة*-*_*-*

1: إهتمى بنظافة بشرتك ودة بإستعمال المنظف الخاص بنوع بشرتك والبشرة الدهنية والمركبة إبتعدى عن الغسول الكريمى ودايما إستعملى الغسول الجيل أما البشرة العادية والجافة إستعملى الغسول الكريمى لأنه بيزيد الترطيب لبشرتك

2: إستعملى صنفرة scrub مرتين فى الاسبوع ودة لتنشيط خلايا البشرة وتقشير طبقات الجلد الميتة وتحفيز البشرة على التجديد و صاحبة البشرة الدهنية تستعمل صنفرة بالنعناع أو الشاى الأخضر روووووعة

3: إستعملى ماسكات طبيعية تناسب إحتياجات بشرتك وإختارى ماسك مضمون ونتايجة كويسة وواضبى عليه والماسك مرتين فى الاسبوع وأى حاجة طبيعية لو <<<<<ما فاديتش ما بتضرش>>>>

4:إبتعدى عن المنتجات الرديئة الرخيصة وإحرصى دايما على شراء المنتجات عالية الجودة وماركة جيدة good brand وحاولى تبتعدى عن كريمات التفتيح وإستبدليها بماسك طبيعى أحسن وللضرورة يبقى تستعملى كريم مضمون عالى الجودة oly & oriflame البشرة الدهنية تستعمل كريمات خالية من الدهون oil free

5: فى الصيف ماتنسيش تستعملى كريم عامل حماية ضد الشمس sunblock وتكون درجة الحماية عالية spf وهتلاقيها مكتوبة على المنتج وجمبها رقم…ودى علامة لدرجة الحماية وكل ما كانت أعلى دة طبعا أفضل زى مثلا….spf15 & spf20

6:قللى من إستعمال الميكياج make up لتجنب الضرر الملحق لبشرتك وإحذرى من النوم والميكياج على بشرتك لأن دة ليه أضرار كتيرة على بشرتك وعشان كدة إستعملى مزيل للميكياج REMOVER MAKE UP

7:والاهم من كل دة…. رضا الله عز وجل والذى ينعكس على بشرتك بالنور والجمال

أتمنى يكون الموضوع عجبكم وعلى فكرة الموضوع مش منقول ولا حاجة دى خلاصة معرفة وقولت أفيدكم بيه وموضوعاتى كلها بإذن الله هتكون جديدة وتفيدكم إن شاءالله ومستنية ردودكم

وما تنسوا تدعووووووووولى

ممنوع وضع الإيميلات