عيوني تباكا كنـّـها مارد الميـّـاح
تصب العباير عبرةً ترّدف العبره
على أمي .. عسى مجري المباكير والارياح
يعافي بدنها بيده الأمر والدبره
على صدرها بشويش يامشرط الجراح
لاصار إنه يتـعـِب جسمها غزة الإبره
يادكتور بيدك روح ماهي مثل الارواح
محاكيك ماعنده جلاده .. ولا صِبّره
ترى وده إنـّـه قبل ماتجرح أمه راح
على المقبره من ساعته ويـّــحفِـر قبـّره
عساني فدى ماطا تعبها وهي ترتاح
واخذ ضيمها… هداجة الصوت والنبـّره
غدى بيتها من بعـّدها كن فيه أشباح
خواطر هله مكسورتن به ومنجبـّره
عسى الله يردك فيه وتعـِمـّـه الأفراح
ويرّجع على خبري وانا أرّجع على خـُبـّره
وعسى اللي مابر بوالدينه وقام وطاح
على شانهم بين العرب ينقـّـصِـر شـِـبره
ما ألوم المـِفارِق لا أشتحن والجريح إن صاح
ولا قول ياصُغره عليها وياكـُبـره
اقول ان عيوني دمعها مارد المياح
تصب العباير عبرةً من ورى عبره
عسى الله يردك فيه وتعـِمـّـه الأفراح
ويرّجع على خبري وانا أرّجع على خـُبـّره
كلمااات مؤثره وتلامس الأحساس
أسأل الله العظيم أن يشفي والدتك شفاء لايغادره سقمآ
وأسأله من عظيم لطفه وكرمه و ستره الجميل أن يشفيها و يمدها بالصحة و العافية وترجع لكم مثل أول وأحسن…
اللهم أميييييييييييييييين
عسى ربي يشفي امك ويرده البيت في تمام الصحه
يشفيها ويشفي كل مريض
راق لي طرحك
واثرت في نفسي ابياتك
تسلم يدك ويسلم قلمك البار
وفالك الطيب
قمة الجماااااااااااااااال أعجبتني كثيرا
أسأل اللي خلقني وخلقك انه يشفيها ويعافيها ويحميها من كل شر ومكروه ولو باقي وجع فيها يرسله لي لأنها أم وعيالها يبونها ربي يحفظها لكم
والله انك ولد عم تنحط على الجرح يبرى مااجور
وتستااهل تقيم مني