مواقف محرجه من الاطفال – لكن مضحكه

تقول وحده من الأمهات .. كنت معزومة على حفل عشاء فأخذت ابنتي الصغيرة معي ، فلما جلسنا حول

البوفيه ظنت انه مطعم وقالت بصوت عال :
(هذا الأكل بفلوس ولا ببلاش؟ )
فضحكوا عليها الحاضرات.

********************

والثانية …. جانا ضيوف وجابوا معهم هديه للمولود الجديد فكان ابني يريد فتحها

فقلت له ( اصبر حتى يذهبوا ) صار يدخل ويطلع ولما مل الولد من الانتظار دخل وقال بصوت مرتفع ….
( خلاص أبفتحها شكلهم بينامون عندنا !!!! )

********************

وقالت وحده بعد … ذهبنا في زيارة لعمات زوجي ، وحده منهم كبيرة في السن قلت لولدي حب رأسها فرفض وقال : ( ريحة راسها خايسه !!!)
– يقصد الحناء- عاد شوفوا الإحراج اللي صار لي …!!!

********************

كما قالت.. جتـني وحده من صديقاتي وكانت ملامحها تشبه دول شرق أسيا فجلست بنتي تطالعها بقوه ، و لما قلت لها عيب ردت وقالت ( شكـلها شغالة).

********************

هذه من جد يبغالها بالشنطه على رأسها…أخذت من أختي شنطه ورحنا لحفله ومعنا بنت أختي ولما وصلنا وخلعت عبايتي شافت بنت أختي الشنطه وقامت تسحبها بقوة وهي تقول
( حقت ماما هاتيها ) !!!
وأنا أحاول أسكتها … !!!

********************

و وحده تقول .. زوجي كان عنده ضيوف على العشاء وحطيت العشاء كله لهم وكان ولدي يبي يتعشى قلت له: إذا خلصوا الرجال بنتعشى.. رحت أصلح لهم الشاهي .. راح ولدي دخل على الضيوف وقال لهم
( لا تخلصون العشاء لأنا بنتعشى أنا وأمي بعدكم ) !!!
شوفوا وجه أبوه وقتها ….!!!

:082:
********************

وحده تقول …. بنتها دايم تحرجها بنقل الكلام قدام الناس – هذا عيب اللي يحش بالناس – تقول : مره كنت أكلم صديقتي بالهاتف وكنت أقولها عن وحده من جاراتي وإني ما أطيقها دمها ثقيل وإذا جت تجلس عندي بالساعات في بيتي وتحب الكلام الكثير ومره دق الباب وطلعت جارتي قلت لها : تفضلي وجتها بنتي الصغيرة وقالت بصوت عالي :
( يمه هذي جارتنا اللي دمها ثقيل واللي إنتي ما تحبينها !!! طيب ليش تدخلينها البيت ..!!!)
تقول الأم : صار وجهي مية لون ….!!!!
ويوم سمعت جارتي هذا الكلام زعلت وطلعت من البيت ….!!!

تقول أخرى …. هذا موقف حصل لي ومع أقاربي : كنا بنصلي المغرب .ه في إحدى الاستراحات وكان أمامنا طفلين , الأول يقول للثاني : أنا اسم أمي فاطمة , ايش اسم أمك انتا ؟؟؟؟ يرد عليه الولد الثاني وهو اصغر منه بكثير( اسم أمي ماما !!! ) وهاتـك ضحك وحنا نصلي استغـفـر الله ما قدرنا نمسك الضحكة .!!!

في المدرسة … كانت المعلمة تشرح لطالبات الصف الثالث الابتدائي عن وسائل الاتصال الحديثة مثل الهاتف والتلكس والبريد الجوي والفاكس فرفعت إحدى
الطالبات الصغيرات يدها وقالت: أبله حنا عندنا فاكس في البيت عند جدتي

وتستعمله كل يوم….!!

فشجعتها المدرسة على إكمال حديثها وقالت: وكيف تستخدمونه؟؟؟

فقالت الطفلة: تدهن به

البنت بالطبع كانت تقصد فكس ….!!!!!

********************

إحدى الأمهات اعتادت أنها ترى ابنها الصغير يطارد الدجاجات ويدخلها إلى محلها ويحرص على إبقاء الديك في الخارج وعندما سألته عن السبب قال:
( ذولا حريم ما يطـلعـن من البيت ويشوفن الرجال….!! )

:041:
********************

أيضاً في المدرسة … طفلة في الروضة كانت تعبث بأنفها أثناء الحصة ….

فانـتـقدتها المعلمة وقالت لها استعملي المنديل عيب اتسوين كذا .. فأجابت الطفلة :

(لا مو عـيـب !! بابا يسوي كذا !!!!)

************** في مرة ذهبنا للسوق لنشري بعض الاغراض ، وعندما توقفنا في أحدى المعارض مرت أخت من امامنا – أسأل الله

أن يعافيها ولا يبتلينا – أسأل الله لها العافية – الحمد لله الذي عافانا مما ابتلاها – عرجاء وإذ بإحدى بناتي تنادي بأعلى

صوتها : بابا .. بابا شوف الحرمة ترقص ، طبعا أنا وجهي طماطم مادريت وين أحط وجهي من الاحراج ، بعدها

مشيتها بسرعة وفهمتها ..والحمد لله عدت على خير

** وفي مرة ذهبنا لزيارة الوالد الله يحفظه في المنزل لكي نطمأن عليه بعدما خلع كامل أسنانه في المستشفى ، وفي أثناء

يلاعب ط§ظ„ط§ط·ظپط§ظ„ كعادته قام يحاول يعض يد ابنتي وهي تتهرب وتصارخ .. لاجدو .. لاجدو.. بعدها قام ولد اخوي الصغير

منفعل وضايق من الصياح وقال لها : ياهبله ماعنده أسنان خلاص أسنانه ماتت خليه يعضك ..

** وفي يوم من الايام كنت مرهقا جدا ، وقمت من النوم متكاسلا وما توضأت وتوجهت مباشرة للمسجد لأداء أذان العصر

، وبعد انتهائي من الاذان جاء إلي أحد الاخوة من المصلين يسلم علي ، وفي أثناء الحوار كل ما نظر لوجهي يبتسم !!

كل مانظر لوجهي يبتسم ، طبعا انا قلت في نفسي يظهر لأجل إني ماغسلت وجهي أصبح شكلي مضحكا ..

المهم طلعت للبيت وإذ بزوجتي تنظر لوجهي وماتمالكت نفسها من الضحك ، وتقول لي : أحد شافك ،

قلت : خير ، قالت : روح شوف وجهك ، وفعلا توجهت للمرآة وإذ بي أرى ألوانا من الشباصات مربطة على لحيتي ..

حينها تذكرت الفاعلة التي كانت تمشط وتلعب بلحيتي قبل أن أنام .. وقلت في نفسي : توووبه ..

بالنسبه لاقوى موقف كان ولدي الصغيرعمره 4سنوات (اهو بطيعته يحب اغراضه والعابه مايحب احد يلمسهم وكل شي يشوفه يقول هذا مثل مالي وهذا مثل امي وابوي واختي كانه يتفاخر وباصرار لازم يوري الناس) المهم:تكشخ وراح مع ابوه عشاء عزيمه عنده جده وكان قاعد بالوسط وكان الديوان متروس طبعا التلفزيون شكبر شاشته والافجاْه تطلع دعاية <اولويز ذو الاجنحه> جاااان يصرخ بصوت عالي بابا شوف هذا مال امي وابوه من الاحراج قام يتصدد بيغير السالفه والايقعد يحلف والله يابابا هذا حق امي والدوانيه كلها بتشوف شنو اللي مال امه التفتو وقعد يضحكون لووووول جان يطقه ابوه اطراق وحلف ماياخذه مره ثانيه

طيب حلو و ان شاء الله دائما تضلي مبسوطه يا رب