بعد استعمالى للحاجات دي…شعري بقي الحمد لله فيه فراغات بتتملى وبيلمع لمعه جميله جدا وريحته حلوه كمان تعالو نبتدي بقي
دا الشامبو يا بنات…اشمه شامبو سكالا وهو بالكرياتين
وانا جايبه تقريبا ب 22 جنيه هو بحاجه وعشرين يعنى مش غالى اوى
ومكتوب على ضهره made in brazil
ابقو اتاكدو اما تجيبوه عشان هو مش مصري
انا جايباه من العابد مول لو تعرفوه بس هتلاقوه اكيد في اى سوبر ماركت كبير او اى محل تجميل كبير بردو
شوفو هو سعره مش غالى بس والله والله انا عملت شعري كيرياتين قبل كدا بعد غسل شعري بدا وعمله حمام كريم كان فيه نفس لمعة الكريايتن
الحاجه التانيه بقي
عملت خلطة حمام كريم سهله ومش مكلفه خالص والله
جبت دا
دا حمام كريم فاشكو غنى عن التعريف طبعا..بس انا جبته بالصبار وجبت من عند العطار ب 2 جنيه بودرة توم حطيت نص الكميه
وعشان الريحه
حطيت عليه دا
حمام كرريم فاتيكا…اكتر حمام كريم قريت عنه ع المنتدي هنا وماكنتش بافكر اجيبه عشان رخيص
وللامانه بقي هو مش ريحه حلوه بس لا بيدي لمعه فظييييعه ونعومه جميله جدا للشعر
انا جبت منه العلبه الصغير خالص اللى مش فاكره ب 8 تقريبا او 15 والله ما فاكره بس مش هتزيد عن كدا وكان مكتوب عليه مايد ان ايمارات
وخلطت ال2 حمام كريم ونص كيس بودرة التوم مع بعض وعملت شعري حمام كريم بعد ما غسلته بالشامبو وبجد بقيت مش مصدقه النتيجه…والله يا بنات شعري كان ناعم جدا جدا على نعومته وكان التقصيف مش باين خالص وكان الشامبو مديله كثافه كدا كأنى شعري تقيل بجد حتى جوزي خد باله وقالى شعرك جميل انهارده
وصفه سهله جدااااا لا هنحط خل على لمون ولا غيره
هو كله مشوار للصيدليه ونخطف لرجلنا للعطار وقضيت علي كدا
صحيح اما تحطي حمام الكريم بالوصفه دي هتحسي بسنة حرقان في جلد شعرك دا عشان التوم بينشط البوصيلات وهتحسي بالفرق اما الحتت الفاضيه تتملى
اه صحيح فاشكول كان ب 48 جنيه
وقولت اقولكو وافيدكو زي مادايما بتفيدونى
