3كوب دقيق/نص كوب لبن دافئ/بيضه/رشة ملح
قطعة خميره بيره بحجم عين الجمل (نتيجتها فى المخبوزات بحس انها احسن من الخميره الفوريه)
م ص سكر/م ص بيكنج بودر(بحب اضيفها مع المخبوزات بتخليها هشه اكتر)
وكمان مع المقادير دى ضيفت 2 م ك زيت
الطريقة :
الاول ندوب قطعة الخميرة مع م السكر فى اقل من ربع كوب ميه دافيه ونسيبها لحد ما تعمل فقاقيع وتعلى فى الكوبايه
نخلط الدقيق والملح والبيكنج والبيضه مع بعض وبعدين نضيف الخميره ونبدأ نزود لبن شويه شويه ونعجن لحد ما يبقى عندك عجينه متماسكه مش بتلزق وتكون قاسيه شويه (وده لاننا لسه ما حطيناش الزبده ولا الزيت)
بعد كده بتاخدى العجينه دى وتفرديها على الرخامه
شوفى ازاى العجينه يابسه
وتحطى عليها الزبده كده
الزبده لازم تكون طريه
وتطبقى العجينه عليها بالشكل ده
وترجعيها تانى فى الطبق اللى بتعجنى فيه وتعجنى فيها تانى
هتلاقى العجينه بدات تفرول منك هى كده وتفضلى تعجنى فيها
كويس
تستمرى فى العجن لحد ما العجين تشرب الزبده كلها كويس وتبقى عجينه طريه ومش بتلزق فى اليد ولما تبقى كده تحطى معلقتين الزيت وتعجنى
خدى بالك كل ما تعجنى اكتر بتدى نتيجه احسن
لحد ما توصلى ان العجينه بتمط معاكى وده دليا نجاحها
تغلفيها بالاستريتش وتسبيها فى مكان دافى لحد ما تخمر
وده شكلها بعد ما اختمرت
تفرديها على الرخامه لسمك رقيق نص سم او سم بالكتير
تقسميها مثلثات وتحطى الحشوه على الحرف كده
تلفى كل مثلث بالشكل ده
ترصيهم فى صينيه مدهونه او مفروشه بورق زبده
وتسبيها تخمر تانى من نص ساعه لساعه الا ربع
بعد ما تخمر وتعلى تدهنى الوش بالبيض المربوب باللبن
وتحطى حبة البركه او سمسم
تدخليها الفرن اللى مسخناه قبل كده على 200د فى الرف اللى فى النص واول ما تحمر من تحت ولعى الشوايه عليها لما الوش يحمر
وده شكلها بعد ما خرجت من الفرن
وده شكلها من الداخل
منقووووول
كل الشكر لك
تقبلي أرق تحياتي
حنين
