احلئ كيك مستعجل وسهل جداااا

بسم الله الرحمن الرحيم ..

مساء/ صباح ♥ النور عالكـ،ـل ..

في ليلة من الليالي وقت الفجريه >> ماتحل الإبداعات إلا بهالوقت خخخخ

انا وأختي اشتهيينا حلااا .. رحت للمطبخ فكيت الدولاب ..
اشوف شنو المتوفر .. حصلت " كيك شوكولاته بيوتي كويكر+حليب بوني+ظرف دريم ويب+ كريم كراميل"
وبالثلاجة "جبن كيري"

خبزت الكيك بالفرن بالطريقة المكتوبة على الكرتون " استخدمت صينية أصغر حجم " والباقي عملت كب كيك

صبيت ربع المقدار طبعاً على حسب حجم الصينية .. وانتي ضاعفي الكمية لحجم أكبر ..
بعد ماتجهز حطيها على جنب تبرد .. و اخلطي المقادير بالخلاط الكهربائي " 1حليب بوني+ 1 ظرف لكل من دريم ويب+ كريم كراميل"
" 4 حبات جبن كيري"
صبيها على الكيك ودخليها الفريز تتماسك ..
زينتها بالجالكسي المبشور وصفيت حلاوة المالتريز وخطوط الهيرشي ..

النتيجة .. حلا بارد مثل الآيس كريم ولذيذ ..
هذرتي واجد لكن تصليحه مره سهل

تفضلـلوا الصور ..

هذا الصينية ..
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 604×456 و بحجم 69KB.

صحني مع أختي .. صلحت قهوة فرنسية الرفاعي "بالبندق"

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 604×470 و بحجم 69KB.

وهذا شكل الكب كيك ..