هزني الشـــوـوق لك والشوق غــٍـلآاااب =

ياليت ما كان في الدنيا فراق اثنين
ولا في الأحاسيس قولة كم أنا مشتاق ..

الشوق غلاب واهل الشوق مظلومين
تذبل سنين العمر وتموت كالاوراق ..

تضحك مع الناس لكن ضحك مجروحين
وداري الدمع حتى تحرق الأحداق ..

ذابت مع الليل أنفاس الرجا المسكين
والصدر يكسر ضلوعه كثر ما هو ضاق ..

قصيدة الشوق محتاره على شطين
تغرب بها الشمس لكن ما بها اشراق ..

كل القوافي بها آهات مخنوقين
ونفخة الحزن ما تتعب لها أبواق ..

يا شوق مني وخذ لك كل شي ضعفين
واترك بقايا حنيني زاد للعشاق ..

الياس بينه وبينك يا الأمل شبرين
واثنينهم مثل درهم في الفلا برّاق ..

يا طير الاشواق قبّلهم على الخدين
واشكي لهم كل شوق(ن) زلزل الأعماق ..

عن حلم خطته أقلامي مع صبرين
عن حلم ملفوف من حوله قسى الأطواق ..

الشوق غلاب واهل الشوق مغلوبين
لا نامت العين ما نامت لهم أشواق ..

القصيده للشاعر ..
محمد المطري .. ميلاد اليماني