كيفكم يا أحلى صبايا بدي أقدملكم فتة الجاج طيبة كتير من اكثر الأكلات اللي بحبها وان شاء الله تنال أعجابكم
بسم الله نبدأ
المقادير:
نصف جاجة كبيرة
رغيف خبز صغير
فصين ثوم كبار مهروسين
ملعقة كبيرة ونصف خل ابيض
ملعقة كبيرة بهارات مشكلة
ملعقة صغيرة سماق
عصير ليمونة كبيرة ونصف
كاسة الا ربع رز صن وايت(منقوع ومغسول)
شوية شعيرية
نصف كيلو لبن روب
ملح
صنوبر وبقدونس حسب الرغبة
الطريقة:
نقطع الخبز مربعات وابنقلي بالزيت حتى يشقر وبنصفو بصينية بايركس حجم صغير
[ثم نسلق الجاج نضع على مية السلق بصلة صغيرة ورقة لوري (غار) وحبتين هيل
لما بنشيل الزفرة بنحط البهارات المشكلة بنخلي 40 دقيقة ثم بنسحب الجاج من العظم وبنفتفتو على الخبز
ثم بصحن بنحط الثوم المهروس مع الخل مع الليمون مع 5 ملاعق كبيرة من مرقة سلق الجاج(هاي الخلطة هية اللي بتعطيها طعم مميز) ونضعهم جانبا
بعدين بنعمل الرز
بنحط شوية زيت وبنحط الشعيرية بنضلنا نحركها حتى تشقر بنحط الرزوبنحط مي وملح وبنفلفلو عادي
هيك بنكون محضرن كل شي قبل ما تحطي الأكل على السفرة بربع ساعة بترشي خلطة الليمون والخل اللي عملناها على الجاج وحاولي توزعيها على كل الصينية
[
بعدين بترشي السماق
بعدين بتفردي الرز
بعدين بتحطي اللبن وبتزيني بالصنوبر والبقدونس
ماشاءالله ولا قوة الا بالله
وهاي كمان صور علشان أشهيكم أكثر( شريرة صح)
جربوها يا بنات طيبة كثير واللي بتجربها ترديلي خبر ان شاءالله
وي سؤال انا بالخدمة اختكم توتو ام محمد
بس لازم من الرز ؟
ولازم نووع معين من الرز؟
لازم من الشعريه؟
وايش نوعها ماعرفها ياليت تردي لانها شكلها مره لذيذمشاءلله
تسلم الايادي وشاكرين تعبك
المشاركة الأصلية كتبت بواسطة حياة11 
بس لازم من الرز ؟
ولازم نووع معين من الرز؟
لازم من الشعريه؟
وايش نوعها ماعرفها ياليت تردي لانها شكلها مره لذيذمشاءلله
تسلم الايادي وشاكرين تعبك
اهلين حبيبتي الله يسلمك
لازم حبيبتي الرز بامكانك تستعملي نوع ثاني بس بفضل رز صن وايت لانو بيكون متماسك اكثر من البسمتي بهاي الطبخةوالرز مع الشعيرية اطيب جربي
والشعيرية استعملي اي نوع مثلا شعيرية الامارات
وجربيها طعمها احلى بكثير من شكلها وان شاءالله بتعجبك
واي سؤال ثاني عيوني انا بالخدمة
انشااللله اجربها وادعيلك
مشكوره قلبوووووووووو