.تأخرت في الزواج . والحمد لله تزوجت وتأخرت في الحمل ولله الحمد

السلام عليكم ورحمة الله وبركاتة خواتي الغاليات ….. آسفه ابتعدت فترة بس والله ابتعدت عن الدنيا كلها صرت من الشغل لين البيت ومن البيت للشغل …. وطول يومي اشتغل واشغل وقتي طول اليوم لين ما أحس بالتعب بجسمي كله واخر شي استسلم للنوم ودمعتي على خدي ….. اليوم حسيت بضيقه كبيرة وما قدرت اقول حق أي حد بالي احس فيه …. طبعا دايما من خوفي وألمي من الناس والله الناس ما ترحم حتى اقرب الناس ما يرحمون …. اليوم بالشغل الله رزق وحدة من البنات الحمل ما شاء الله ربي يتمم عليها ان شاء الله ….وهي ما شاء الله متزوجة عقبي بفترة طويلة ….. بس القهر لما اشوفبعين البنات وهمساتهم اللي تجرح القلب ….. اني للحين ما حملت …..آآآآآآآآآآآآآآآآآآآآآآآآآه انكسر قلبي ….. صرخت بداخلي حزن وهم كفايه الهم اللي بقلبي …. يا ربي سامحني …. بس قلت ليش ؟؟؟؟؟ أنا لا ما حملت ….. اللهم لا اعتراض تعوذت من الشيطان الف مرة بس دموعي نزلت احرقت خدي حزن …………….. آآآآآآآآآآآآآآآآآآآآآآآه والله حزن …… قعدت افكر وافكر …… الحمد لله من طفولتي كنت دلوعة ابوي ربي يحفظة ويطول بعمرة والله ابوي الوحيد اللي احس انه يدعي لي بالذرية الصالحة ويتمنى انه يشوف عيالي بالرغم من انه ما يقولي ولا كلمة بس كفايه طبيته ونظرة عينه ….. ولما أمي احرجتني واختي وجرحوني وقالوالي روحي عالجي علشان تحملين ….. صحت وزعلت وأبوي اللي وقف معاي …… بنات …… خواتي الغاليات … من فترة طرحت موضوع ان زوجي كان يبغيني افحص مرة ثانية .. وقالت لي الدكتورة اسوي اشعة الصبغة حق الرحم ….. وكنت خايفه من الالم وادعي ربي اني احمل ولا اسويها ….. بس اللي صار ان الدكتورة هالمرة اصرت ان زوجي يسوي كل التحاليل ورفضت اني كل مرة انا اسوي كل التحاليل ….. واللي طلع من تحاليل زوجي انه عنده ضعف في حركة الحيوانات المنوية ….. والله ثم والله لما عرفت انهرت قلت لا لالالالالالا بس بعد حمدت ربي وشكرته وربي يعلم الغيب اللهم لا اعتراض ….. وصار زوجي انطوائي وحزين وابتعد عن لدرجة احس فقد الثقه برجولته مع انه والله ما شاء الله مافيه اي شي …. وقعدت ادوي جرحي وقبل ادوي جروحة واحاول معاه …. واللي صار أن الدكتورة قالت لي مافي غير تجربين الحقن المجهري لان الضعف عند زوجك مب عندك …. وتضايقت ….. والشيطان وسوس في قلبي قلت ليش غيري يحمل طبيعي وأنا لا ….. يا رب سامحني بس النفس ضعيفه اللهم لا اعتراض ….. ورحت علشان نسوي الحقن المجهري عند دكتورة ممتازة وان شاء الله الشهر الجاي نبتدي …. بس اللي ودي اعرفه لما فكرت انا تأخرت في الزواج بالرغم من كثر الل ياخطبوني …… …… اللي ابي اقوله احس كل شي اخذه بصعوبة ….. ادري بتقولين انه انسانه مؤمنة ….. بس الشيطان والعياذ بالله …. بنات ساعدوني ….. انصحوني ……. قلبي مجروح
والسلام ختام ..
أختكم روحي قطرية