الغلا

كل ذعذع هوا الغربي وفز الشوق يمه
صابني مثل ارتعاش الطيب اللي ينغزابه

مايرد الشور لخت ولايرد الشور لمه
مايرده غير لمعاند صلف راس وصلابه

كل هذا الحبيب الجمر والموت دمه
فيه شئ من التواضع وان تواضع لك تهابه

لي ثمان سنين ورده من بساتينه اشمه
ماذبحني كود شم الورد لابطيت وشرابه

قلت للقيفان عينه؟قلت خده؟قلت فمه؟
قالت القيفان حار الوصف في لولو تشابه

قلت اجل معذورقالت بالشعر ناده وسمه
قلت غني يالقصيده للغلا عشق وصبابه

مودماني الترف خاله بعد والغنج عمه
كل من شافه يمين الله يب يحسب حسابه

له قوام لا عرضلي ليتني اقدر والمه
والله اني لمسكه لين الرضا يعلن جنابه

العمر جنه يقولون البشر والنار همه
والغلا إماسكن بقصى الحنايا وشتبابه