[ الأكثر اثاره ]
وبعد مضى عده شهور
ريم:يمه يمه يممممه
ام فواز:وش ووش فيه ليه تصارخين (بخوف)
ريم:دقو علي يقولون طلعت لي وظيفه ولأزم بكره أقدم بعض الأوراق
ام فواز:مبرووك تستاهلين كل خيريابنيتي
بدق على ابوك ابشره
تدق ام فواز
ابو فواز وينك
ابوفواز: عند ابوعبد الرحمن وش فيك تقل احد يلأحقك وش صاير
ام فواز:ابشرك ريم توظفت
ابوفواز:مبروك مبروك
اناجايكم الحين وجايب لك {البشاره}
ابوعبد الرحمن:فرحن معك
وش السالفه
ويعلمه ابو فواز بالخبر
بعدها استاذن
في بيت ابوعبد الرحمن
مني: ألوه ألف مبروك ريموه والله فرحت لك من قلبي
ريم:الله يبارك فيك
مني:ماتدرين وين عينوك
ريم:قالواهاتي اوراق واستفسري عن الأ تبين عند الأختيار والتوزيع
منى:الله يوفقك خوذي امي بتبارك لك
يوم السبت الساعه
7:30
ريم تركب السياره وعلأمات اليأس على وجهها
ابوفواز:وش صار خلصتي اوراقك
ريم:تبكي بصوت واطي يبه مابي خلأص وتتكلم وتشهق
ابو فواز:يابنيتي وش فيك علميني ماطلع لك شي
ريم:…..لأ طلع لي تعاقد بس موديني بأخر الدنيا حطيني في الخرج
ابو فواز:…يحله ربك توكلي علي الله
ابو فواز من داخله رافض بس يأبي يفكر
ابوي ريم بس انتى ولأ معك أحد
ريم:الظاهر فيه بنات انا ماسألت بس سمعت وحده تقول وشلون اترك اعيالي وحده تقول زوجي جاء نقله بتبوك مادري هن يرفضن ولأ يوافقن
في البيت ام فواز:هاه وش صار ياريم؟!
ابوفواز:روحي نامي ياريم
وانا افهم امك وقال لأم فواز السالفه
وطلعت ريم لغرفته
ام فواز:لأ ماراح أعرض بنتي للخطر ترفض الوظيفه ولأ يصير يصير
ريم:أغلقت جوالها ونامت
منى:تتصل تبي تشوف وش صار مع ريم ويعطيها مغلق
ريم تفتح جوالها الظهر وتلقي موجود كل اتصالأت ريم
وتروح تدق على منى معها انتظار
رن رن رن رن
ريم:هلأ منى ادق عليك معك انتظار
منى:أحرقتيني ليه قافله جوالك بشوف وش صار معك
ريم:تبكي وتسرد السالفه لمنى
مني:توكلي علي الله واستخيري والخير يكتبه لك الله
ريم:الأ يقهرني اني أحس بالظلم انا تقديري ممتاز تخيلي وتجي وحده تقديره مقبول تقول هذا اوراقي انا من طرف[…………]ويفزون لها ويخلصون اوراقها وين طلع مكان توظيفه في الرياض وبنفس حيهم
منى:لأحول ولأقوه الأ بالله يابنت الحلأل انتي وسطتك ربي توكلي عليه وهو ينصفك
ريم حست براحه بعد ماكلمتها منى ونزلت للصاله
ام فواز:خلأص ياريم اتركي هالوظيفه ويعوضنا الله
ابو فواز:وش تقولين انتي
لأياريم وانا ابوك لأتشيلين هم انا بوديك واجيبك لأحد مانلقي حل
أم فواز:………
ريم:الله يخليك لي يارب
تمضي الأيام ثقيله علي ريم (وابرار وغديرونهي) زميلأتهاالأ معه بنفس المدرسه
كل وحده يودونها أهلها ابرار صديقه ريم وماهي متزوجه وغدير عندها ولد وبنتين ونهى متزوجه توي
في بيت ابوعبد الرحمن:
يمه عبد الرحمن تعال ابي ارسلك لبيت خالك
توديهم حق
عبد الرحمن:اي حق يمه الحين خليها بعد صلأه المغرب
ام عبدالرحمن:ياوليدي اليوم ابوك جاب ذبيحه للثلأجه ورفعت منها لبيت خالك يد وجنب وأبيك الحين توديه
عبد الرحمن:ابشري يمه لعيونك بروح بس مره ثانيه قولي لناصر
ام عبد الرحمن:عفيه عليك ياعل يومي قبل يومك
عبد الرحمن:الله يعطيك طوله العمر وطلع لبيت خاله
عبدالرحمن:باب الرجال مفتوح بس مافيه سيارات وين الناس
علي.. علي.. ينادي وين راح هذا
طلع علي وترك الباب مفتوح نساه
عبد الرحمن دخل الديوانيه لقاها شبه معفوسه
اشوى وتدخل ريم بيدها مكنسه كانت تنظف
{هنا المفاجأه}
عبد الرحمن طالع بوجه
ريم ماتحركت من مكانها مصدومه
وبعد استيعاب هربت داخل
وهي مرتبكه
عبدالرحمن:أنبهر بجمالها ماكان مصدق ومايدري هي ريم ولأفاطمه
وطلع وركب سيارته
لحضو رجع بكيس اللحم للبيت
ام عبد الرحمن:ليه رجعت بالكيس
عبد الرحمن:هاه مافيه أحد بالبيت
ام عبد الرحمن:لحضه خلى ادق على ام فواز
ام عبد الرحمن: مساء الخير يام فواز وينك مانتي بالبيت
ام فواز:والله رحت اودي فاطمه للمستشفي
ومافيه احد غير ريم
ام عبد الرحمن:عسى ماشر
ام فواز:تعرفين هالدوخه الأ تجيها والدكتور يقول سليمه الحمد لله
ام عبدالرحمن: الحمد الله وماتشوف شر مع السلأمه
عبد الرحمن:وش فيه يمه
ام عبد الرحمن:تقول ودات فاطمه تعبانه
عبد الرحمن:يعني الأ في البيت ريم (بصوت واطي)
ام عبد الرحمن:وش تقول
عبدالرحمن:لأ ماقول شي وطلع
ناصر نازل من غرفته يبي يطلع
ام عبد الرحمن:ناصر يمه ودى هالكيس لبيت خالك
ناصر:انشاءلله يمه وطلع
عبد الرحمن:
كان شاردالذهن ويفكر بريم انا وش جاني ليه مشغول فيها معقوله حبيتها
طق طق طق
عبدالرحمن :ادخل
سعاد:امي تناديك تعال تعشى
عبدالرحمن:بس مابي شبعان
سعاد:كيفك وطلعت سعادمن الغرفه
عبد الرحمن:سعاد سعاد تعالي ابيك
سعاد:نعم
عبد الرحمن:تعالي بسولف معك{بمكر يبي يسأل عن فاطمه علشان يوصل لريم}
سعاد:يالله وش عندك قول
عبدالرحمن:وشلون بنت خالي فاطمه سمعت انها تعبانه
سعاد:فال الله ولأ فالك مافيه غير اشوى دوخه
عبد الرحمن:اسفين ضربنا علي الوتر الحساس
طيب ريم وشلونها مع دوامها
سعاد:لأتسألني غير عن فاطمه ريم خذ أخباره من منى وبعدين وش جأك على بيت خالي مساعد كل هذا اسئله
عبد الرحمن:اقلبي وجهك الشرهه على الأ يسولف معك
سعاد:أعصابك بطلع
عبد الرحمن:يكلم نفسه
انا وش جاني أكيد حبيتها
لأ لأ بس حب استطلأع أقول مالي غير الله ثم منى
من اليوم الثاني عبدالرحمن:منى تعالي أبيك
منى:خير انشألله
عبد الرحمن:مادري وش أقول بس بغيتك بخدمه
منى:أبشر بعزك
عبد الرحمن:كفو والله
بس امس رحت بيت خالي مساعد بوفواز
منى:ادري ان خالي مساعد هو ابو فواز وش فيك مرتبك تكلم
عبد الرحمن:هاه..لأ بس لقيت المجلس مفتوح ودخلت انادي علي ومارد فجأه طلعت ريم بوجهي وانا انحرجت أخاف تأخذ مني موقف ابيك تعذرين لها
منى:هذا السالفه
بس لأتعيدها مره ثانيه وانابكلم ريم
تدق منى على ريم وعبدالرحمن واقف
منى:بكلم البنيه بسالفه وبعدين ابلغ اعتذارك ممكن
عبد الرحمن:خلأص انابغرفتي اذا كلمتي رد علي
منى بلغت ريم اعتذار عبد الرحمن وبررت موقفه تقبلت ريم وقالت انانسيت السالفه
بس عبد الرحمن مانسى قاعد يفكر فيه
مرت اسابيع وفي يوم من الأيام
رن رن رن رن
فواز:الوه عبد الرحمن الف مبروك
عبد الرحمن:وشو عليه
فواز:اسم تعيينك طالع بالجريده وبالخرج
عبد الرحمن:انت صادق فواز
فواز:شف جريده الجزيره حقت اليوم
عبدالرحمن:الله يبشرك بالخير
فواز:خلأص نبي مفطحه تعزمنا بالبر مع الشباب
عبدالرحمن:ابشر مع السلأمه ابشر اهلي
{ابوعبد الرحمن ومريم كانوا قاعدين بالصاله}
يبببببه….يببببه….يمه..يمه
بصوت فجر البيت عبدالرحمن
ام عبد الرحمن :بسم الله وش صار
ابو عبد الرحمن:يارب سترك وش فيه
تطلع منى وسعاد وناصر من غرفهم للصاله وش فيه
عبد الرحمن:ابششركم توظفت بصوت متقطع من الركض
ابوه :مبروك الف مبروك
ناصر:الف مبروك
مريم:الله يوفقك
سعاد:من الأ بلغك عز الله ان أخباره تونس
عبد الرحمن:فواز ويطالع لمنى ويبتسم احرجها
منى:مبروك وهي مستحيه
ابو عبد الرحمن:وين وظفوك وش طلع لك
عبد الرحمن:بالخرج مجال التدريس ونعمه من الله
الجزء الخامس:
ريم:وش اسوي ياعلي جوال فواز مغلق
علي:بكره نبلغه
وبعد نص ساعه يحضر فواز
ريم:اهلين فواز انا اقول ماهي عاده تقفل جوالك
علي:ماشاء الله مأخذ اجازه
فواز:اشتقت لكم وقلت اجي
سلم على ابوه وامه وفاطمه كانت نائمه هادها التعب وسهر معهم وبعدين تفرقو للنوم
طلع فواز
علي:ليه ماقلتي له
ريم:جاء تعبان خله بكره ولو ان الموضوع مايأجل
قام متأخر فواز وريم على أعصابها تنتظره
فواز:ريم وش فيك
ريم:هاه مافيني شي علي تكلم قول شي
علي:بس …بصراحه ريم تبيك بموضوع
فواز: من قعدت افطر وانتم تناغزون وش فيه
ريم:تعال بكلمك بغرفتك على راحتي
وطلعت ريم وفواز
ريم:بصراحه منى انخطبت وتقدم لها مسئول كبير ومحترم ابو عبد الرحمن شبه موافق
فواز:لحضه لحضه اشوي اشوي عليه
ريم:……
فواز:وش رد منى
ريم:منى ماقالت لي سعاد تعلم فاطمه ومنى مستحيل تقولي حتى لو هي تبيك لأن عندها كبرياء حتي لو على حساب مشاعرها
فواز:….ساكت مصدوم
وتطلع ريم:اذا بغيت شي انا عند علي تحت
فواز:يفكر مستحيل تكون لغيري وبعد تفكير عميق
فواز:ريم ريم تعال ابيك
ريم:وش عنده فواز ينادي
علي:تلقينه يفكر بفكره مجنونه
ريم:هلأ فواز
فواز:ادخلي وقفلي الباب
ريم تدخل وش عندك
فواز:عطيني رقم منى
ريم:ايش اسفه ماقدر
فواز:صدقيني بحل الأمور
ريم:منى ماتردعلي رقم غريب
فواز: طيب فهميها انتي قولي لها اي شي
ريم:صعبه اشوى خلني افكر
فواز:تكفى ريم عطيني جوالك مافيه وقت للتفكير وانا احل الموضوع بالعقل
ريم: بعد تفكير اوكي بس ماتحرجني معها خذ جوالي
وتطلع
صادق علي يوم قال عند فواز فكره مجنونه
فواز:يتصل علي منى
رن رن رن رن
مأحد يرد يحاول مره ثانيه
وترد منى
منى:هلأ ريم
فواز:…..
منى: الوه ريم ردي
فواز:انا فواز مو ريم
منى:بأستغراب فواز ليه ريم فيها شي
فواز:انا متصل بموضوع يخصنا وبدون مقدمات تسمعيني للأخر
ريم:أتفضل
فواز:انا عرفت بموضوع خطبتك وانتي عارفه اني شاريك وأحبك وبتأكد اذا تبيني
اليوم بعد صلأه العشاء اخطبك واذا ماتبيني الله يوفقك بس تأكدي انى راح اشيل فكره الزواج من راسي
لأني ماحبيت غيرك
منى:…..
فواز:لأتذبحيني قولي اي شي اواقفل الخط اعرف انك رفضتني
منى: تكلم نفسه فيه أحد يرفضك
فواز:بصراااخ ردي علي قولي شي واذا رافضه الله يوفقك
منى:لأ لأ تفهمني غلط
فواز:ابي ردك الحين ولأبطلع الشرقيه واكمل اجازتي بعيد عن جروحي
منى:فواز…
فواز:كملي بس قولي ابيك تكفين وقفلي هذا اذا انك تبيني
منى:….
فواز:خلأص مالي نصيب مع السلأمه
منى:…
فواز:بس عرفت ردك الله يوفقك
منى:فواز
فواز:عيون فواز تكلمي
منى:ابيك وقفلت الجوال
فواز:ماهي معقوله ماني مصدق
ويطلع من غرفته لأمه يمه يمه
ام فواز:خير وش فيك
فواز:اليوم تخطبيني لي منى
ريم:وش صار
فواز:انتي احلي اخت بالدنيا
وافقت وافقت
ريم:مبروك مبروك
ام فواز:انت صادق كل مره اقول ابفرح بك وتقول بعدين فواز:انا جاد قولي لأبوي
ام فواز تبشر ابو فواز
ابوفواز:منى خوش بنيه خلأص نروح بعد صلأه العشاء الله يتمم بخير
"بيت ابو عبد الرحمن"
ابو فواز:حنا اليوم جأيين نخطب لولدنا فواز بنتك منى وش قلت يابو عبد الرحمن
ابو عبد الرحمن:فواز رجل ويستاهل كل خيرنسأل البنت ونشوف
وتقهوو وطلعوا
ابو عبد الرحمن:والله يام عبد الرحمن مادري وش اسوي بصراحه اصدموني بطلبهم
ام عبد الرحمن:ام فواز دائم تلمح لمنى بس ماهو شي رسمي
ابو عبد الرحمن :والرجل الأ متقدم لها
ام عبد الرحمن:منى ماتبيه
وبعدين الأ نعرفه أحسن من الأ مانعرفه
ابو عبد الرحمن:خلأص شاوري منى
منى وافقت وصارت خطبه رسميه وحددو الملكه بعد اسبوعين والزواج بعد عيد الفطر
الجزء السادس:
فواز:ماني مصدق
ريم:أخذت الأ براسك والله من حظك
فاطمه:بصوت تعبان اي والله امي داعيه لك
فواز:ولأأحد مدحني كلكم طايرين بمنى
ام فواز:والله ياوليدي حتى هي من حظها
فواز:يابعد راسي الله يخليك لي
فواز صارت علأقته مع منى رسميه
بس منى خجوله تتكلم معه عن طريق الرسائل
وفواز منجن نفسه يسمع صوتها وهي تعاتبه وهي تناقشه بس منى خجوووله
فواز:يكتب رساله لمنى مكتوب فيها
يادفي روحي تناسيت كثير
وانتظرتك ترسل لوهوسلأم
ماسألت ياترى عايش بخير
اوخذاني الموت من وسط الزحام
ياترى حبي وسط قلبك كبير
او بقايا حب صارت من حطأم
حيل أحبك لو يصير الأ يصير
حب صادق عمره مايصبح كلأم
تم أرسال الرساله
منى:تفتح جوالها وتبتسم
يالله صادقه ريم يوم قالت رومنسي
ترددت ترسل رساله وقررت ترد
نفس الشعور اللي تحسه وتطريه
في داخلي نفس المشاعر والأحساس
الشوق فيني لوتعداه وتحصيه تتعب ولأ حصلت للشوق مقياس
لو شفت قلبي كيف يرفع لك يديه
عرفت قدرك غير عن باقي الناس
تم أرسال الرساله
فواز:قراءالرساله وطار من الفرحه ردت عليه منى ويقراء الكلمات ويعيدها فقرر يدق عليها لقاه مغلق
منى كانت متوقعه انه يدق علشان كذا اغلقته تقول خلى يشتاق لي باقي عن الملكه يومين
جاءيوم الخميس يوم الملكه
في بيت ابو عبد الرحمن
منى بغرفتها ومرتبكه وحالتها حاله
تدخل مريم وسعاد على منى بعد ماطلعت الكوافير
سعاد مندهشه!!!! واواواوا قمر الليله
مريم:ماشاءالله اقراء الأذكار يامنى
منى:عن جد أعجبكن
سعاد :الله يستر على فواز اذا شافك وش راح يسوى
مريم:الله يحفظك انتى حلوه بدون زينه
طق طق طق طق
ام عبد الرحمن:اسم الله على بنيتي كلها حلى
يالله يابنات انزلن فواز واهله حضرو
سعاد تنزل بسرعه ولهانه على فاطمه
ريم طالعه لمنى تواجه سعاد نازله على الدرج
ريم:اشوي اشوي ماحد يلأحقك
سعاد:هلأ ريم اطلعي لحبيبتك منى مرتبكه انا بنزل اشوف فطوم
ريم:الله يوفقهم..وتطلع لمنى
طق طق طق طق طق
مريم:اتفضل
ريم:مساء الخير
منى ومريم:هلأ
ريم:ماشاء الله يامنى صايره بدر الليله الله يستر على اخوي اذا شافك
منى تبكي ومريم وريم يهدنها
ريم:يالله يامنى ننزل تحت الحين يجي فواز
مريم: زين ياريم انزلي مع منى انابدخل غرفتي وطلعت مريم
ريم:منى وش فيها مريم مافيه موسيقه الشريط
منى:تعرفين مريم
وانزلت ريم ماسكه يد منى على صوت الشعر والشموع
الكل كان منبهر بجمالها
منى حلوه وزاد حلأها بالمكياج الهادئ وشعرها الأسود الناعم فستانها كان عنابي وكان مظهر بياضها
وقف فواز يطالع وقلبه خايف
مسك يدها فواز وجلسها وبدات الزغاريد
لبسها العقد وهو يتأملها ولبسها الدبله ويد منى ترجف
ريم:ألف مبروك الله يوفقكم
منى:…..منزله راسها
فواز:الله يبارك فيك
ام فواز:الله يوفقكم
ام عبدالرحمن:تمسح دموعها الله يوفقهم
رن رن رن رن رن
هلأ ابو عبد الرحمن انشاءلله مع السلأمه
تغطن ابو عبد الرحمن وابو فواز والأعيال جايين
يدخلون ويباركون لفواز ومنى
عبدالرحمن:مبروك مناوي ارفعي راسك بشوف أختي حبيبتي
فواز:حدك ياعبد الرحمن الأول لك والثانيه لي
يضحكون فواز وابو عبد الرحمن
ناصر:لأ يافواز ازيدك من الشعر بيت هذا حبيبه العائله كلها ويرفع وجه منى لأتنحرجين الله يوفقك
منى:تسلم
ابو فواز:الله يوفقكم يالله نستأذن
عبدالرحمن:كان يتمنى يسمع صوت ريم وكأن سرحان
ناصر:تقل جازتلك الجلسه عند الحريم امشي خلي فواز ومنى يأخذون راحتهم
فواز:عقبال مانفرح لك ياعبدالرحمن
ناصر:انشاءالله يفتح لي الطريق
وطلعوا للمجلس
علي:بدري ليه تأخرتم
ناصر:والله الجلسه عند الحريم فله وبعدين يالله سحبنا عبدالرحمن مابغا يطلع
علي:هههههه يمكن له حبايب داخل بمزح
عبدالرحمن:والله رايقين اروح عند ابوي وخالي احسن لي
ناصر:هههههه قويه ياعلي
علي:أعجبك …تعال قولي وش أخبار فواز
ناصر:أول مادخلنا تغير وجهه بعدين فلها سوالف
في صاله الحريم ~~~
تركوا فواز ومنى لحالهم
ام عبد الرحمن:هاتي العصير ياسعاد
سعاد:لحضه يمه كانت مندمجه بالسوالف مع فاطمه
ريم:انااجيبه ياخاله سعاد اذا شافت فاطمه ماتحرك
تدخل المطبخ ريم تأخذ العصير
فجااااه
يدخل عبدالرحمن مع باب الملحق الخلفي
شاف ريم للمره الثانيه
انفشلت ريم وتغطت بالشال حق فستانها
عبدالرحمن:.!!!!السلأم عليكم ماعليه مادريت ان فيه احد
ريم:….
عبدالرحمن:مبروك ملكه فواز
ريم:الله يبارك لك
عبدالرحمن:عقبالك
ريم:…….
عبدالرحمن:ماعليك امر قولي لأمي نبي تمر
ريم:انشاءلله وتطلع
عبدالرحمن:اشوى ان ناصر ماهو فيه كان ابوي ارسله وطافتني هالفرصه
ريم:عمه الباب الأ يمن الملحق يطق
ماقلت الموقف استحت
ام عبد الرحمن:سعاد قومي شوفي وش يبون
سعاد:اكيد ناصر هذاطلباته زوجي أعيالك يمه خلى نرتاح
نرجع لفواز ومنى
فواز:يرفع راس منى ليه ماتخليني اشوف الحلى والله قمر
منى:تسلم بصوت واطي
فواز:ماسمع عيدي
منى:…..تبتسم
فواز:حرااام عليك بسمع صوتك
فديت هالضحكه
منى:اقول تسلم لي
ريم تدخل أحم أحم نحن هنا
فواز:كان تأخرتي اشوي ماصدقت أسمع صوتها
ريم:تأخرنا حبيبي ولأ مانت ناوي تروح كلها كم شهر وتصير عندك يالله مشينا
فواز:روحي الحقك اشوي
ريم :لنا الله وتطلع
فواز:تأمرين على شي ياحياتي
منى:سلأمتك
فواز:اكلمك الليله الحين كل شي صار رسمي
منى: انشاءلله
فواز:مع السلأمه ياقلبي
منى:هلأ
في بيت ابو عبد الرحمن
سعاد:ازعجتونا بس هاتوا هاتوا
ناصر:ماطلبنا شي
عبدالرحمن:بس طلبنا تمر ابوي ارسلني يوم تطلع ياناصر
سعاد:ريم جتنا تقول الباب يطق ويوم جيت لقيت عبدالرحمن بالمطبخ ليه مأخذت التمر امي مجهزته على الطاوله
عبد الرحمن:مانتبهت يقول بقلبه شفت الريم ونسيت كل شي أخيه عليه دخلت وفشلت البنيه حتي هي مستحيه ماقلت اني طلعت بوجهها بس والله انهاملأك تقل اميره الليله
ناصر:خلأص ياسعاد راح نجيب لك عشره من الخدم لأتزعلين
سعاد:تترياق ادري اروح انام عند منى احسن لي
عبدالرحمن:يمه وين مريم ماشفتها
ام عبد الرحمن:الله يوفقها ماتحب هالسوالف تعرفها
عبدالرحمن:يابخت الأ يأخذها امه داعيه له بليله القدر
الجزء السابع:
مرت شهور وتم زفاف فواز على منى
عاشوا أحلى الأيام
سعاد: الوه هلأ فاطمه وش أخبارك وش أخبار منى
فاطمه:ماعليها مبسوطه امد تشتاقين لها
سعاد:ماتخيلين احس بفراغ كبير حتى غرفتنا أحسها فاضيه من غيرها
فاطمه:الله يسعدهم كلها كم اسبوع ويجون
سعاد:ياليت والله البيت من دونها طفش وكل ماضاق صدري راحت لغرفه مريم عاد تعرفين مريم تنحط على الجرح ويبراء
فاطمه :ماتخيلين وش قد أحب مريم صدق الله اذا احب عبد احبه خلقه يابخت من يأخذها
سعاد:والله صادقه…. نسيت أسألك ليه مادومتي اليوم
فاطمه:الصداع الأ ذبحني أحس اني ماني مع العالم وأحس احيانآ بغيبوبه بس تري ماقلت لأمي أمانه سعاد لأ تقولين لها تعرفين أمي ماتنام اذا درات
سعاد:مايصير لأزم تأخذين فحوصات لأتهملين نفسك
فاطمه:وش دعوه ماهي لدرجه الخطوره بعدين كل مستشفي خاص راحنى له كل فحوصات سليمه وبعدين امي علي بالها خف التعب مارجع لي علشان كذا مرتاحه
سعاد:تكفين يافاطمه روحي مستشفى حكومي أضمن لك
فاطمه:والله انك موسوسه مثل أمي بس أمانه لأتقولين لأحد
سعاد:زين بس أوعديني اذا تعبت تروحين
فاطمه:أوعدك
سعاد:تداومين بكره علشان تسليم الكتب
فاطمه:انشاءلله
سعاد:يالله مع السلأمه اشوفك بكره
فاطمه:على خير انشاءلله
يدخل عبد الرحمن الصاله
عبد الرحمن:مساء الخير
سعاد:هلأ مساء النور وينك مالك صوت بالبيت
عبد الرحمن يقعد على الكنب ويفك زر ثوبه : اهه والله تعب دوام تعرفين في أخر الرياض وزحمه سيارات
سعاد:اي والله الله يعينك تذكرني بمأساه ريم تقول فاطمه تجي تحط راسها حتى الغداء ماتغدى
وتقوم سعاد للمطبخ تجيب الأكل لعبد الرحمن
عبدالرحمن:تعال وين رايحه
سعاد:بجيب لك الأكل
عبد الرحمن:اشوي…قولي الأ كنتي تكلمينها فاطمه
سعاد:ايوه قلت أسأل عن منى وعن فاطمه كانت غائبه اليوم
عبدالرحمن:قولي لي ريم مصره على التعاقد والروحه للخرج
سعاد:أكيد رزقها وبعدين خالي واقف معها
عبد الرحمن:وهي متأقلمه معها أحد من صديقاتها
سعاد:اشوي اشوي علي وش هالأسئله عن ريم
عبدالرحمن:ضفي وجهك هاتي الغداء
سعاد:بعد ماعطيتك الأجابات طيب ياعبود
ناصر ينزل من غرفته
ناصر:السلأم هاه كيف الدوام اليوم
عبدالرحمن:وعليكم السلأم
الدوام مثل كل يوم
ناصر:الله يعينك ..أقول تطلع معنا القنص يوم الخميس
عبدالرحمن: لأوالله ماقدر عندي شغل من معكم
ناصر:علي ولد خالي وأخوينا نواف وسلطان العنزي وطلأل الحربي وسامي الشمري وخالد العنزي
عبدالرحمن:والله فله بس نواف ماظني أعرفه
ناصر:ذاكرتك مئه مئه هذا يطويل العمر يعرف طلأل وقال بطلعه معنا قلنا أوكي
عبد الرحمن:لأروحو استنسوا تكفي ياناصر انتبه وانت تقنص ترى عليك طلعات أعرفك
ناصر:لأتصير مثل أمي
بس تصدق ماحب أمسك السلأح وقدامي أحد تقدر تقول خواف
عبدالرحمن:من خاف سلم
ناصر:انا بطلع لعلي تبي شي
عبدالرحمن:سلملي عليه
ناصر يبلغ ويطلع براء البيت
بعد أسبوع بالضبط يوم الأربعاء تجي منى وفواز
تجي منى لبيت أهلها والجميع كان ينتظرها
ابو عبد الرحمن:هلأ منى والله لك وحشه البيت فاضي من دونك
منى:تسلم يبه بحسك دائم
ام عبد الرحمن:هلأ ببنيتي وش أخبارك وشلون فواز
منى:هلأ بك يمه كلنا بخير
سعاد ومريم طايرات من الفرحه يضمن منى ويبكنى
ام عبد الرحمن:وش هالفال الحمدالله ماعليها عند اهلها خلأص بكاء
ويجلسون بغرفه الجلوس منى وخواتها وامها وضحك وناسه
منى:هذا لك يالغاليه جلبيه واللون أدهم<عنابي غامق> على قولتك والخاتم أختاره فوازلك
ام عبدالرحمن:ياملأ العافيه عز الله انها حلوه
منى:مريم هذا قران بعلبه مخمليه وهذا عطر لك كل ماقريتي ادعي لي
مريم:عشتي ماقصرتي أحلي هديه الله يسعدك
منى:وهذا للدلوعه سعاد
سعاد:الله التيور كشخه عن جد ذوق تسلمين يامناوي
ام عبد الرحمن:منى يابنيتي وخالتك شريت لها
منى:افا يمه انا تربيتك انسى خالتي
ام عبدالرحمن:اهم شي خالتك تبدينها قبلي وحقها تعطينهيها كامل ولأ تعزلينها عن ولدها ولأ تطلعين سوالف بيتك يابنيتي
منى:يمه الأ مارضاه عليك مارضاه عليها
وهذا يمه هديه ابوي عود أصلي عطيهياه
يدخل ناصر وانا مالي شي هلأ بمناوي توى نور البيت
منى:هلأ بك وشلونك وشلون الطلعات
ام عبد الرحمن:البر مايوقع عنه رايح جاي
ناصر:انتي تسأليني وامي تجاوب عني
البنات هههههههههههههههههه
منى:شف نويصر اعطيك هديتك وتترك القنص
ناصر:طلبتي المستحيل
منى:مافيه فائده شف وش رايك بالعطر رجالي مركز١٠٠%
ناصر:الله هذا العطرالا ابي ادور عليه بس ماعرف اسمه
منى:انا اقول لك انت اعجبتك رائحة عطر مع صديق فواز وقلت لفواز جبلي اسمه قال لك فواز انشاءلله وماعلمك علشان يجيبه لك
ناصر:اي والله انا اقول ماهو غريبه رائحته ماتقصرين انتي وفواز نردهالكم بالأفراح
يدخل عبدالرحمن ويلقي اهله مجتمعين
عبد الرحمن:حيالله الغاليه ياهلأ بمنى
منى:هلأ عبود وشلونك
عبدالرحمن:بخير الله يسلمك
انا وجهتى ابوي براء قلت له وين تبي تروح قال اجيب ذبيحه لفواز ومنى عشاء الليله قلت منى جت قال ايه بالبيت
منى:لأ لأ يسوي عشاء انا ادق عليه
ام عبدالرحمن:لأتدقين تعشو عندنا الليله وام فواز والبنات
منى:مادري عن فواز قال اجيك الساعه سبعه مايقدر يمكن مرتبط
منى تتصل على ابوها
منى:الوه ..هلأ يبه لأتسوي عشاء ماني غريبه
يقطاعها ابو عبد الرحمن
أول ماتدخلين البيت وماعشيك
منى:لأ بس فواز تعبان مايقدر يجي
ابو عبدالرحمن:ليه وش فيه
منى:من جينا وخالي تعبان علشان فاطمه متأزم معها التعب
ابو عبدالرحمن:انا عنده قبل يومين ماعليه
منى:مادري بس خالي وفواز ماراح يجون
تقطاعهم ام عبد الرحمن
ياربي مادريت متى هالكلأم
سعاد:فاطمه غائبه لها يومين بس كلمتها تقول اشوى الدوخه وقلت أخاف اعلمك تتعبين
ام عبدالرحمن:الحين قم ودني ياناصر
منى:فواز اشوي يجي ونروح كلنا
عبدالرحمن:انا بوديك يمه بس اشوي
منى:ماعليها الحين بس ريم ماتداوم علشان خالي وأخذت عذر اسبوع
عبدالرحمن:الله يعينهم
ناصر:عبدالرحمن…ليه ريم ماتروح معك كلكم بنفس المكان
عبدالرحمن:يازينك وانت ساكت
وين المحرم
ناصر:خذ مجموعه مدرسات وانقلهن الراتب اثنين
عبدالرحمن:ليه للدرجه انا مادي
منى:عبود أخذتنا السوالف هذا هديتك طقم كباكات وأقلأم ماركه
عبد الرحمن:ماقصرتي تسلمين
وتروح منى وام عبد الرحمن تزور أخوها وفاطمه تطمن عليهم
شافت أخوها ماعليه بس تعبان نفسيآ علشان فاطمه
ام فاطمه كانت شاحبه والتعب هادها
وترجع ام عبد الرحمن للبيت وهي تدعي لهم ان الله يفرج همهم
سعاد ومريم:يمه وشلون فطوم
امها:الله يشفيها تعبانه
سعاد:انا بكره بروح لها
مريم:الله يشفيهانطلع لها بكره انشاءلله
فهو حقا رائع ومتميز …
كعــآدتك دوما التميز ..
لآحرمت من جميل ابدآعك ..
دآم نبض قلبك ..
تقبلي مروري
دمت ودام عطائك
ودائما بأنتظار جديدك الشيق
لك خالص حبي وأشواقي