اول شي يا حلوين انا كنت اعاني من هادي المشكله بصراحه واحب اعرض عليكم الشي اللي خلاني دحين لو اتنفس بوجه اللي قدامي ما يشم منى شي انا عانيت كثير ودورت على الحل كتير ولكن بيوم من الايام كنت ادور بالنت ولقيت موضوع يقول انو ط±ط§ط¦طظ‡ الفم قد تكون بسبب اللتهاب الجيوب الانفيه وهي تقع فوق منطقه الحاجب هادي المنطقه المفروض انها فارغه او بها القليل من السائل على ما اظن مو اكيد انا مانى دكتوره بس حسب افاده الدكتور ليا.
طيب الاعراض؟
اول شي صداع قوي فوق الحواجب ونزول سؤائل من الانف على الحلق مباشره وهوا دا الشي اللي يسبب الرائحه كثره مرور السوائل على الحلق وغيرها طبعا
وطيب كيف العلاج؟
اول شي الدكتور عملي اشعه
ثم سالنى يا بنتى تسمعي كويس لانو المرض دا ياثر على السمع والشم قلت له ايوة اسمع كويس قالي تشمى كويس قلت ايوة طيب ايش اعطانى من دوا قالي مضاد حيوي ودواء يمنع الحساسيه بالخشم للي يحسو ان الخشم مليئ بالغبار زيي وبخاخ انف هدا مره رهيب اسموsalinoseهدا يتبخ في الخشم وتمددي على طول عشان ينظف الخشم تنظيف ينزل السوائل كلها ويتم اخراجها عن طريق الفم واهم حاجه قالي الفكيس كيف نستخدم الفكيس هوا انك تغلي المويه وتحط الفيكس شويا ربع ملعقه صغيره وتغطي راسك بالمنشفه ومعاها القدر يكون مواجه لوجهك وتسنشق هدا البخار مرتين في اليوم وبعدها قالي تعالي بعد اسبوع
رحت بعد اسبوع وعملت اشعه تانيه
وقالي اهم شي لا تتعرضي للمكيف ولا تشربي سوائل بارده
ايوة وعملت الاشعه وقارن بين الاثنين وقالي مره كويس استفدت كتير حتى انو قالي خشمك مايل يا بنت مع المرض هيا انتبهى لنفسك بس بعد العلاج الحمدلله والله ولا ريحه ولا غيرها اصلا انا كنت مو متوقعه انو ط§ظ„ط³ط¨ط¨ حيكون من الانف ولا خطر على بالى كنت احسب معدتي واسناني والله رحت دكتور اسنان وعالجت لثه وعالجت المعده ولا حسيت بالفرق بس دحين وربي ما عندى مشكله بس لو حسيت بالغبار في خشمي اخد الفيكس او البخاخ حق الخشم والحمدلله بس ليا رجعه للدكتور عشان اتطمن على نفسي الموضوع الان عدا عليه قرابه 6 شهور
ولا تنسونى بالدعاء يا حلوين للشفاء الوالده ورحمه ابويا الميت
والله يرحم ابوك ويوسع في قبره