رحت ما علمتني وين أنت ساري.؟
في غيابك ما لخلق الله حضور
وفي حضورك مالهم بالبال طاري
لـيــه مـا تـخـتـال يا بدر البدور
والقصايد لك وصيفات وجواري
لك بـنات الفـكر ربات الـخـدور
يكشفن الثامهن والجرح عاري
جعل قلب ما ملاه الصدق نور
عند وجه الريح مايلقى مزاري
التغاضي عجز لا طال القصور
ليه أداري؟ وأنت عني منت داري
الزمن قصير … والدنيا تدور
كل يوم يضيق في عيني مداري
صاحبي محتاج لك شعر وشعور
وأحتياجي شي ما كان أختياري
من متى والغصن يختار الطيور
من متى والبال يختار الطواري.؟
لا تسمي صمتي البارح .. غرور
أنكساري خلف هالصمت امتواري
في غياب الشمس وش ذنب الزهور
و المطر لا شح وش ذنب الصحاري
اللقا لحظات .. و الغيبه شهور
تقصر الخطوات ويطول أنتظاري
لو قريت المنكتب بين السطور
ما كتبت لغلطة العمر أعتذاري
صمت هالمينا مثل صمت القبور
ما رسى مركب ولا لاحت صواري
راقت لي
للشاعرمتعب التركي
اتمنى تنال رضاكم
دمت بكل خير وموده
تحية وتقدير لمرورك الرائع
كم اسعدنب تواجدك الكريم بمتصفحي
ويزيد من سروري ان تنال القصيده رضاك
وهذا من ذوقك وحسك الراقي بالكلمة يعطيك العافيه
اتمنى لك مزيد من التوفيق والتألق
تحياتي وتقديري لك
شكر وتقدير لحضورك الرائع
يسعدني مرورك الرائع بمشاركتي
ممازاد من اشراقها يعطيك العافية
اتمنى لك من الله التوفيق
تحياتي وتقديري