عساكم دفيانين ان شاءالله
جبتلكم اليوم طريقتي في الفلافل
اولا اسويها ط¨ط§ظ„ظƒط´ط±ظٹ طعمها لذيذ
وبالفرن خفيفه ع المعده وصحيه ان شاءالله
المقادير واضحه في الصوره ان شاءالله
كيس كشري تقريبا 500 غرام
بطاط مسلوق حبتين وسط
بصله وسط
كمووووون
ملج
بيكربونات صودا نص ملعقه صغييييره
(اذا ما كان عندي استبدله بالبيكينك بودر)
حبه بيضه
3 ملا عق زيت
كزبراخضر+كرات+بقدونس اذا حبيتو اي خضره(بصراحه انا اجفف خضار واستعملهم وقت الحاجه)
اول شي انقع الكشري من الليل
والصبح افركه شوي تطلع القشره فوق
اغسله لين ما تطلع القشره عنه
وافرمه بفرامة اللحم مع باقي المكونات اللي في الصوره
وهذا بعد الفرم
وهني دهنت صحن الفرن وحطيته فيه
وبعد ما طلعته وقصيته وقدمته مع صوص الطرطور(مكونات الصوص طحينيه+ماء+حبة ثوم+عصير ليمون+رشة ملح)
بصراحه يا بنات طعمه وريحته نفس اللي كنت اسويه بالزيت
وسويت معاه حمص
مكوناته المظبوطه =4 كا سات حمص مسلوق+نص كاسة طحينيه+نص كاسه عصير ليمون+ثوم علي حسب ما تحبين وملح
وللامانه انا اضيف 3 ملاعق زبادي
وهني هالحبايب مجتمعين مع بعض 
واتمني ان شاءالله تعجبكم وتجربوه
ملحوووووووووظه(اذا تبين تحطين الفلافل في الفريزر مش مطبوخه لا تحطين البيكربونات والبيض لان لازم قبل التحمير بدقائق يضاف )
