مشكله اسريه عويصه اختي الكبيره تعاني من اهلي .يارب اصلح حالنا

بسم الله الرحمن الرحيم
اولا :احب اعلمكم ان اختي ط§ظ„ظƒط¨ظٹط±ظ‡ متزوجه رجال من غير قبيلتنا
طبعا زوجها كان عسكري وراتبه جيد وبداية حياتها لابأس بها معاه
بعدما جابت مولودها الاول بدأت معاناتها
زوجها اصحابه سيئين واهل مخدرات وحشيش وبلاوي
ونسوان …استغفر الله العظيم
فصلوه من عمله
صار يمارس معاها انواع والوان التعذيب
جابت مولودتها الثانيه
وحنا ماندري عن شي عن خراب زوجها لانها مخبيه واذا شكينا جابت اعذار تقنعنا فيا
المهم الموضوع هذا شي ثاني يبغاله صفحه ثانيه
الله اكبر ياقلبها اللي عاني معاناة والله المستعان ..وبعدها عرفنا وصارت مشاكل
المهم بعد 6 سنوات تقريبا زوجها بدأ يترك المسكرات بعد مشاكل مع اهلي واهله
ورجع يتعالج منها ويترك اصحاب السوء الحمد لله
تعافي لكن الله لايبتلين من اثار الحشيش والبلاوي صار رجال ثاني يارب لايبتلينا صار غبي ومايعرف يتخذ قرارات وشخصيته مره ضعيفه مع الناس ..بس بالبيت لا شديد عليهم
توظف بواب صار راتبه اظن 3000
والحين صار عندهم 4 عيال الله يحفظهم
هذا تعريف بسيط لحياة اختي
ابوي رجال مريض شايب يعاني من حسد ومس وامراض روحيه ..عصبي جدا
امي حياتها شقيه وعمرها بالستينات عصبيه جدا وشخصيتها قويه
وهي وابوي اذا جلسووو مع بعض نتعب منهم انواع القسوه والحده في التعامل …
المهم
امي وابوي يميلون لخواتي وعيالهم الي متزوجين من اقاربنا
ودايم يكلمونهم ويتواصلون معهم وياخذون عيالهم
واذا طلعوا طلعات يعزمونهم
يعني مره مهتمين فيهم
واختي ط§ظ„ظƒط¨ظٹط±ظ‡
عيالها مالهم محبه
واذا جو على بيت اهلي عاملوهم برسميه
وامي تصارخ اذا وحده فيهم خربت شي
همه صراحه اشقياء
بس الاحظ اهلي يتنرفزون منهم باي شي
اختي حست
بس سكتت
صاروا هنا اخواني تعملهم مع عيالها
بالذات الولد تعامل قاسي
وكثير يحاسبونه على اخطاءه
وهو ضعيف شخصيه مايقدر يقول لهم شي
لكن يحب يرسل رسايل يهزؤهم بالجوالات وهالشي يغيظ اخواني
المهم ولد اختي الثانيه اللي متزوجه ولد عمي وهو اكبر عيال خواتي يميلون له اكثر وكأنه اخوهم
لاحظت اختي هالشي وسكتت بالبدايه ..لكنها ثارت في النهايه
وصارت تتحسس مننا
انا عني اعاملهم بكل حنيه
واشفق عليهم
لكن اذا اخطأوا اعلمهم
واختي وثقت فيني
وبالنهايه ولدها صار ماخذ موقف سيء عن اهلي
وللاسف انه حصل موقف عادي بيني وبينه هزأته فيه علشان بس يتعلم ولأول مره اتعامل معاه كذا
لكن اقول لكم ان ثقت اختي فيني خلتني اتعامل معاه كذا
طبعا الموقف بنظري عادي ومايحتاج انه يسوي شوشره بهالقد
كبروه عندهم الله يهديهم وظنوا اني مع اهلي ضدهم
اعتذرت
اعتذرت
اعتذرت
ثم بينت لهم قصدي
وذكرت اختي بثقتها فيني
لاكن للاسف بدون فايده
..الان اختي قطعت علاقتها بي تقريبا ..
..ولدها واخته يتواصلون معاي بالواتس وانا متواصله ..
اخواني واخواتي لازالوا يتعاملون تعامل قاسي مع ولدها
المهم بالنهايه اختي قالت عباره لهم بالواتس
انا فقيره وزوجي خبل وعيالي من ابناء قبيلة غير قبيلتكم
عشان كذا انتم تكرهوني وتكرهون عيالي …كبيره منكم !!!!!
ثم قطعت علاقتها بنا كلنا
ولدها صار ياخذ موقف من أي شخص فينا
واحيان يسب اخواني وخواتي بالواتس لاي سبب يزعجه

انا متألمه جدا لحالهم
ماقولكم ا ناهلي مره مايحبونهم ..هم يحبونهم ..بس يتعاملون معاهم بشوية جلافه ..وهم حساسين ..

صدقوني ..حاولت اصلح وضع اخواني وخواتي ..كلمت امي وابوي واخواني وخواتي عصبوا علي ..وقالوا اننا نحبكم كلكم ..كل اللي طلبته منهم انهم يحنون على اختي ط§ظ„ظƒط¨ظٹط±ظ‡ وعيالها بالذات انهم فقاريه وابوهم ضعيف شخصيه …بس صدقوني الحكي مع اهلي ماينفع ..
ساعدوني
اختي ماخذه مني موقف
وماتبغى تسامحني
واهلي كلهم وعلاقتهم معااها..كيف اقدر اصلحها .. احس ميؤوس منهم
على فكره ..اخواني وخواتي يقولون ولدها مو متربي ومنافق كيف تبونا نسامحه .. وهو صح عنده شوية نفاق ..لكن مدري كيف الامور معقده مو عارفه كيف اصلحها بالذات ان كل واحد راكب راسه عنيدييييييييييييييييييييين
ساعدوني …………..
++++++++++++++++++++++++++++
المشكله الثانيه

اختي ط§ظ„ظƒط¨ظٹط±ظ‡
ووزوجها الفقير الضعيف الشخصيه ..
عايشين بشقه ارضيه واحد معطيهم مؤقتا قديمه جدا جدا وتسبيكها ومجاريها مدري كيف جايه تخيلوووا نص البيت طفحت عليهم المجاري الله يعزكم اللي هو قسم الرجال كله …فصاروا مقفلين البيبان ومحد يستخدمه ..لهم 7 سنوات اظن على ذالحال
ولايستقبلون ظيوف تخيلووووا
بس حنا يااهلها نجيها فيه طبعا قبل تتقطع العلاقات
راتب زوجها يقولون 3000 طبعا بواب ..مدري هو صدق والا اقل ..
طبعا حياتهم صعبه صعبه صعبه
عليهم ديون مايبقى من راتبهم سوى 900 ..هذا اللي ظهر لي ..طبعا ينتهي قبل نص الشهر
وعيالها لهم احتياجاتهم
طبعا .. كان زوج اختي الثاني يتصدق عليهم ..ويعطي عيالها هدايا توصل لدرجة الجوالات
بس الحين وقف مساعداته ..لانه يمر بأزمه ماليه

اختي والله مو قادره تشتري علبة الشامبو تخيلوووو
شعرها بشرتها ملابسهم حالتهم …….تبكين لهم

ساعدوني بنات كيف اقدر اساعدهم
قلت باكلم الضمان عنهم
بس صاحبتي تقول لاتتعبين مايقبلونهم لان زوجها معاها ؟!!
ابوي كلمها من قبل تطلق منه …بس هي ردت صعبه عشان العيال ؟؟
همه متعففين مره
قدمت بالجمعيات
مايعطونهم شي تخيلووووووووا
والله خير وبركه يطلع منهم دجاجه ؟؟؟
بنفسها تحكيلي ..تقول رحت اخر مره لعل يعطوني شي ..عطوني دجاجه تاريخه منتهي
تقول العامله اجنبيه
تقول بكيت عندها ..قلت شسوي بذي منتهيه ..قالت احمدي ربك عليها ..
اختي ردت على العامله ..حسبي الله عليكم ..ردت العامله عليها حسبي الله عليك انتي !!!!!!

تدرون ليش اختي حسبت عليها ؟!!!!!!!!!!!

لان كشفنا خيانات الجمعيه ..الاجانب اللي من جنسياتهم لهم الاولويه في الصدقات وخيرات الجمعيه !!

والسعوديين ..لهم البقايا !!

حسبنا الله وكفى

المهم نسوان بنات
فيه جهه حكوميه ارفع لها عن احوال اختي وعيالها
لاني ماحكيت لكم كل شي
والا عندي مواقف لها تبكي القلب قبل العين
لكن طولت