ازيكم يااحلى عرايس ف احلى قسم
النهارده بقدملكم ليله من اجمل الليالى ليله اى عروسه هتعدى عليها
وبنات كتييييييييييييييير بيتمنوا يعيشوها
ليله الحنه
وطبعا ليله الحنه يعنى الليله اللى قبل الفرح بيوم
يعنى اخر ليله ف بيت اهلنا اللى اتربينا فيه وعيشنا احلى ايامنا
بس ده ميمنعش اننا هنروح لبيت ازواجنا وهنعيش ايام احلى واحلى بأذن الله
وبين المرحلتين هنلاقى ليله الحنه
هى علامه فاصله بين حياه عيشناها وحياه هنعيشها
المهم من غير رغى
ليله الحنه ف مصر فى حجات لا خلاف عليها فى اى بلد واى محافظه
زى الحنه
يعنى لازم هنلاقى الحنه وهنلاقى بنات بتتحنى
وهنلاقى بنوته بتحتفل وسط اصحابها ووسط اهلها
ده لاخلاف عليه
الحجات التانيه بقى بتختلف من بلد لاخر ف طريقه الاحتفال بيها وطقوسها
الموضوع ده هحاول اجيب معظم الحجات اللى بتحصل ف الحنه
نبدأ اليوم من اوله
لازم بيت العروسه يكون متضبط ومتزين سواء بزينه ولمبات من بره
او من جوه ب بلالين او زينه
وكمان ممكن نعمل كوشه صغننه عشان لما العريس ييجى العروسه تقعد فيها
او ممكن كرسيين شيك زى دول وبس
وممكن العروسين يتصوروا بوستر ظريف زى ده
ويتحط ف كورنر ف البيت
هو والجيست بوك عشان صحباتك يكتبولك كلمتين للذكرى
وبيتم من بدرى اعداد العشا اللى هيتقدم يومها…
فى ناس بتدبح دبايح وتعمل عزومات كبيييره وبتجيب طباخين وقلق وطبعا مش كل الناس كده
وفى ناس بتعمل عزومه صغيره فيها اصناف لحوم وصوانى وكده
وفى ناس بتعمل نواشف وبيتزات وبيبسي
وفى ناس بتعمل جاتوه حلويات وحاجه ساقعه وعصاير
وفى ناس بتوزع بونبونى وبس
ومجموعه اخرى بتتكفل بعجن الحنه
ودى طريقتها للى ميعرفش
المكونات :
ربع كيلو ط§ظ„طظ†ط© خضراء مطحونة ناعم
عصير ليمونه (حامضة )
ثلاثة أعواد قرنفل
ملعقة صغيرة سكر
الطريقه:
في قدر صغير سخني عصير الحامض مع القرنفل بحرارة متوسطة
واتركيهما يغليان لمدة دقائق قليلة .
بعد ذلك ارفعي القدر من على النار وصفي الحامض بواسطة مصفى.
في وعاء ضعي الحناء والسكر ثم اضيفي لهم اليمون الدافئ
و اخلطيه جيدا حتى يذوب السكر وتحصلي على مزيج سائل
بعد ذالك ضعي الحناء في كيس بلاستك وقصي طرفه
وبأمكانك استخدام علبه خاصه للنقش الحناء موجوده عن العطارين
تابعوووونى
او تتعمل فكره تورته الحنه وتتزين بالشموع والزينه
وشفت طريقه تورته الحنه دى حبيت انقلهالكم
أولا الادوات المستخدمة :
طبعا احضري الحنة 1 كيلو او 2 كيلو
صينية استانليس كبيرة مدورة
3 صواني فرن متدرجي الاحجام
صابون مبشور 4 الوان مختلفة
6شمعات كبيرة ملونة
الطريقة :
اعجني الحنة بماء وضيفي عليها خل لتثبيت اللون واجعلي قوامها متماسك
ثم احضري صينية استانليس صينية تقديم الطعام مدورة
واحضري 3 صواني فرن مدورين احجامهم متدرجة
ثم ضعي اكبر صينية على الصينية الاستانليس الكبيرة ثم ضعي الحنة على الصينية من الخراج وغطي الصينية كلها بيدك بالحنة ثم ضعي فوقها الصينية الاصغر منها وضعي عليها الحنة ثم ضعي فوقها الصينية الثالثة وضعي عليها الحنة ثم احضري لقمة التورتة حلة صاج صغيرة اصغر حلة في الطقم او علبة بالاستيك مدورة ذي علبة الحلاوة الطحينية وضعيها على قمة الحنة وضعي عليها الحنة وغطي كل اجزاء الصواني بالحنة جيدا كي لا تظهر الصواني
ثم ضعي الصابون المبشور ورشيه على الحنة بتنسيق مع الالوان
وبعدين ضعي الشمع كما في الصورة
نيجى بقى لعروستنا
لازم تجهز عشان تكون قمر الليله دى
يعنى فى بنات بيروحواالكوافير وبتحجز وتعامل كأنها عروسه عادى
وبتحجز فستان
ومعاه بدى طبعاااااا
وتعمل ميك اب مميز
ولفه طرحه شيك
وفى بنات بتعمل تسريحه بسيطه لنفسها بدون الحاجه لكوافير
وميك اب خفيف وخلاص
و بتلف لنفسها لفه طرحه سيمبل
وبتلبس فستان رقيق
وطبعا ده فى حاله ان مفيش رجاله ف البيت يعنى هى وقرايبها البنات وصاحباتها
اما لو العريس جه او قرايبه طبعا هتلبس الطرحه والبدى
و ممكن عبايه روشه زى دى
وعالمغرب كده يبدأ البيت يزدحم بالاهل والاحباب
تابعوووووووووونى
فى ناس بتجيب show للحنه
ودى بتكون حنانه
بتحنى البنات وصاحباتها ومعاها ملابس وفقرات مختلفه للحنه والعروسه بتبدل فيهم
السارى الهندى
الزى السودانى
ولو العروسه مش هتجيب شو الحنه ده عشان متتكلفش ممكن
تجيب حاجه واحده منهم
ممكن السارى الرقيق ده
و رسم الحنه ممكن اى بنوته شاطره تقوم بالمهمه
واشكال رسم الحنه كتييير
وانا بفضل الرسومات الرقيقه
ع كف الايد
او القدم او جانب الرجل
او عالكتف
او عالوسط
بيبقى تحفه لما العروسه تلبس بدى استوماك وجيبه جينز او برموده جينز زى كده
وممكن عالظهر زى كده
ودى هتبقى تحفه للحجات الحمالات والكب كمان
هييجى عريسنا بقى يكمل احتفال مع عروسته
بعدها بقى بتيجى زفه تحت البيت ممكن تكون زفه خيل والعريس والعروسه يركبوا الحصان او الحنطور مع بعض
وممكن تكون زفه مزمار
او ممكن تكون ف البيت فرقه دى جى
وتبدأ فى تنظيم فقرات حلوه
وبعدها يتم تقديم العشاء للضيوف
تابعووووووووونى
وبعد انتهاء الليله الجميله دى بتبدأ العروسه تفكر ف حاجتين
يومها الطوييييل بكره والحياه والمسؤوليه اللى هى داخله عليها
وتانى حاجه بيتها وحضن اهلها اللى هتفتقدهم لما تتجوز
وميمنعش من بعض الدموع من الطرفين العروسه واهلها
بس ف الاخر اللى بيغلب شعور الاتنين بالفرحه
شعور الاهل ان بنتهم كبرت وبقت عروسه ورايحه بكره بيت جوزها
والشعور التانى شعور العروسه انها هتبقى هى وجوزها حبيبها ف بيت واحد وهيبدأوا حياه ورحله عمر مع بعض
وانها هتكون مامى كمان
والتجربه اكيد تستحق
وف الختام
يارب تكون الليله عجبتكم وعقبالنا وعقبال كل البنات اللى لسه متجوزوش يارب
الموضوع حصررررررررى
ولو عجبكم قيموه يا قمرات
ننتظر جديدك