مالي على كتمانها عنك حيله
الصبر في بعض الاحاسيس قتال
والبوح في بعض المواقف فشيله
لو كل مايطري على البال ينقال
ماكنت أحس أن الثقيله ثقيله
أبطيت أكافح ضيقت البال بالبال
وأدفع بلا هجوسها كل ليله
لين أقبلت من السحابه بهمال
تشفي غليل الي تزايد غليله
رعادها خيل تدابك وتختال
وبراقها لمع السيوف الصقيله
طاحت ولا أوفق من حلياك منزال
وسع فضا صدرك لغيض المخيله
يابدر يابدر يابدر ماني عال لو صحتي عال
شفني من الصدمات نفسي عليله
أشيل حملا لو يشنلنها جمال
الله وماله غير تصبح نثيله
أرمي من هموم الزمن واسحب أدبال
وأنزل عن الجوكر وغيري يشيله
من كثر ماشفت بحياتي من أنذال
بديت أحس أن النذاله فضيله
ماطاح من عيني رجل طاحوا رجال
ورجال يابن حنين ماهي قليله
أقرب من الي قالهم ضمن ماقال
راكان ابن حثلين راع الجزيله
هذا ولد عم وهذا ولد خال
وهذا رفيق ماندور بديله
سبحان من هو يابدر بدل الحال
وحط الجفا بين الخليل وخليله
هذا الزمن يبغي له لسان دلال
من يستحي هالوقت وعزتي له
وقت غدابه الراعي راعي دلال
كلن على طاريه ينفض شيله
من كان ساسه لرداء مضرب أمثال
اليوم يحسب من كبار القبيله
المال يابن حنيف ملعون أبو المال
ذل العزيز وعز ناس ذليله
مما راق لي
لو كل مايطري على البال ينقال
ماكنت أحس أن الثقيله ثقيله
أبطيت أكافح ضيقت البال بالبال
وأدفع بلا هجوسها كل ليله
لين أقبلت من السحابه بهمال
وصال المحال
تحيه وتقدير لهذالطرح الراقي
ابيات جدا رائعه اختيار موفق
وانتقاء يدل على ذوق يعطيك العافيه
اتمنى لك التوفيق
تحياتي
مالي على كتمانها عنك حيله
الصبر في بعض الاحاسيس قتال
والبوح في بعض المواقف فشيله
تسلمي أختي كلماات رائع
وجميله ابدعتي لنا من منطلق قصيده وضعتيهاا
أجمل التهاني لشخصكي
عبيرالشوق