قصة روعة

******

عائله احمد

احمد : اخو عبدالرحمن ,, عمره 46,, كان عايش بكندا و توه راجع منها و بيستقر بالشرقيه
و عنده بنت و ولد

شعاع : زوجته ,, و عمرها 42 ,, كانت طوول الوقت خناق و هواش مع زوجها و السبب عيالها ما كانت تيبيهم يتربون بهذا الكم من التحرر لانها تربت في بيئه منغلقه و كانت مررره ملتزمه وهي اللي كانت ماسكه البيت من الضياع !
ياسمين ( جاسمين كما تعودت ان يناديها الكل في كندا ):عمرها 18 ,, شكلها شكل اجنبي اخذت شكلهم و ستايلهم!!,, كانت تحب تطلع و ترجع و ما احد يسألها و يين رحتي و وييين جيتي و ابوها مخليييها على راحتها دايم يقوول خلوها تعيش عمرها ماهي عايشته الا مره بس امها ناشبه بحلقها .

تركي : و عمره 21 ,, كان شكله و ستايله اجنبي اكثر من اخته لان امه معطيته الحريه بحكم انه ولد !!!
كان ونعم التربيه رافع راس ابوه ,, تصرفاته ما كانت تصرفات واحد لسه صغير ,, دايم يروح يشوف شغل ابوه ,, شايل حمل كبير عن ابوه

*****

بيت عبد الله
عبدالله : الاخ الاصغر بينهم , عمره 44 ,, كان مره ملتزم بس متسامح, فماكان فيه علاقه قويه بخوانه المتحررين
كان عنده 4 بنات و ولد و زوجته متوفيه , كان يحبها مرره فمابغى يتزوج بعدها
عائشه : 20 سنه , تدرس شريعه بكليات البنات
عبد اللطيف : توأم عائشه , كان مرره حكر و عليه حركات بدووويه !

سميه : 18 بثالث ثانوي , بمدرسه تحفيظ القران شرعي
هدى : 16 , بأول ثانوي مع اختها بالمدرسه بس كانت دايم تغار من اختها الكبييره بسبب جمالها و علاقاتها مع صديقاتها .
البتول : 12 . امها ماتت و هي تولدها ,, عشان كذا هي دايم تحس انها هي السبب في موت امها !!
*****

**الفصل الاول**
( صدمه لن انساها )

رسيس كانت قاعده تكلم بجوالها : يالله حبيبي لازم الحين اروح اغير ملابسي عشان اروح المدرسه
…..: طيب حبيبتي لازم امر علييك اشوفك اليووم
رسيس : لا وشو تمر علي مهبول انت ؟؟ اليوم ابوي بيكون موجود في البيت !!خلاص انا اذا طلعت من المدرسه بدق عليييك و نتغدى برى
….: اوكي حبيبتي يالله توصين على شي ؟؟
رسيس : لا .. يالله باي باي
..: باي
*****
غيرت ملابسها و نزلت تحت تفطر قبل ما تروح المدرسه
رسيس : صباح الخير .. اوووووه اليوم حبيبي ابوي عندنا و ما احد قالي ( تكذب لان امها دايم تقولها اذا ابوهم بيجي عشان تعدل حركاتها لان امها مالها خلق يقلب عليهم الدنيا و يبدأ يقارن عيال مرته الاولى ببنتها اللي ما عرفت تربيها !!)
الوالد : هلا بحبيبت قلبي رسيس .. كيفك حبيبتي كيف المدرسه معاك ؟؟
رسيس : تمام الحمد الله ما ناقصني الا وجودك
اعطتها امها نظره عشان ما تحن على ابوها يجي يسكن عندهم لانها تبي حريتها ما تبي زوجها يقعد لها بكل طلعه !!
امها : معليه حبيبتي دام هو دايم يزورنا ومو مقصر علييينا بشي
الوالد : طيب حبيبتي اناا طالع الحيين تبين اوصلك معاي ؟؟
رسيس : اييه لو سمحت
ركبو السياره ركب معاها ورى لانه هو ما يحب يقعد قدام
سألها : حبيبتي اذا انتي قاصر عليك شي او اذا تبين شي قولي لي لا تستحييين ( حاس بالذنب )
رسيس : يووه بابا معقوله ينقصني شي و انتي معي .. الله لا يحرمني منك
*****

في بيت احمد
احمد : شوفي اليوم لازم تروحين معانا بيت اخوي و الله فشله من زمان ما رحنا لهم
شعاع : انت خذ العيال و روح انت تعرفني انا ما احب قعدت الاختلاط
احمد عصب و وقف : وش اختلاط و خرابيط انت عارفه ان هذا اللي تعودنا علييه بلا تخلف و امشي معاي
شعاع : و اذا كانت هذي عاداتكم انتوا انا لييه تجبرني عليييها
احمد وهو طالع : شوفي يا شعاع اليوم بتروحين معاي يعني بتروحين لا و الله يجيك شي لايسرك و لا يسرني
طلع و ما اعطاها فرصه ترد عليييه
طبعا هاذي الهوشة كانت قدام عيالها و ما تكلموا ولا كلمه لانهم كانوا يحبون ابوهم اكثر وكانت امهم بنظرهم متخلفه و معقده !!
ياسمين : يا ماما يا حبيبتي لازم كل مررره تسوين فييها مشكله ؟؟
تركي كان ساكت و ما تكلم بس ما خلته امه
شعاع : قوووول انت بعد تكلم
قعدت تهزه و تصارخ : لييييه ساكت ؟؟؟؟
بس هو بعد امه عنه و قلبه يعوره ما كان راضي على اللي يصير بأمه
تركي بنظره فيها حنان : يا يمه انتي عارفه ان الحرمه لازم تطييع زوجها مو هذا الي الله و رسوله أأمرونا فييه ؟؟ …. و ضمها بقووة على صدره منكسر خاطره عليييها وهي قعدت تبكي من قلب لانها ملت من ظلم ابوهم

*****
الظهر و رسيس مع صديقاتها توها طالعه من المدرسه و رايحين يتغدون برى
دقت على طارق
طارق : اهلا اهلا
رسيس : هلا حبيبي
طارق : هاه وين الاقييك ؟؟؟
رسييس : انا بطلع مع صديقاتي الحييين خلها مره ثانيه
طارق و ههو معصب : وشو مررره ثانيه لااا انتي وعدتيني اليووم يعني الييوم ,, انتي وينك الحييين ؟؟
رسيس : انا في كاسبر
طارق : انا جايك بالطريق
رسيس : لا وشو تبي تفضحنا انت ؟؟
طارق: مالي دخل جهزي نفسك دقايق و اكون عندك
و سكر الخط بوجها
طلعت من الحمام و راحت لطاوله صدييقاتها
رسيس : يالله بنات انا طالعه الحيين
البنات : ليييه تو الناس ما بعد نتغدا
رسيس : و الله حاسه اني تعبانه
وحده من البنات : رسيس انا برجع معك احس فيني النوم و مو قادره اتحمل
طبعا رسيس توهقت ما عرفت كييف تصرفها
رسيس : لاا يووه مالي خلق اوصلك بيتكم بعييد عن بيتنا
البنت : بعييد عن بيتكم بس مو بعيد عن هنا
رسيس :اييي بس اخوي اللي مار علي و تعرفيين هو ما يحب يوصل احد
البنت استغربت لان سواقها كان ينتظرها برى !!
البنت : اوكي خلاص برجع مع ساره
***
طلعت رسيس من المطعم و لقت طارق برى يستناها
ركبت و ما تكلم و لا كلمه
سألته هي : طارق احنا ويين رايحييين ؟؟
ما رد عليييها
هي من جد خافت لانه بدأ يدخل منطقه مليانه عماير
سألته و عيوونها مليانه دموع : طارق الله يعافيك احنا وييين بنرووح ؟؟
دق جواله و ما رد علييييها
رد على الجوال : هلا .. ايييه …معاي لا تخاف وييين بتروح مني …. اوكي ثواني و جاي .. مع السلامه
هي حسيت بشي مو اوكي افتحت باب السياره و هي تمشي طاحت من السياره قامت تراكض ما تدري وييين تروح هو وقف السياره و قعد يلحقها
لقت تاكسي اشرت له من بعييد ووقف لها
ركبته وهي تصيييح : امش امش ايش تنتظر ؟؟؟
السواق و هو يسوق : اوكي مدام بس وييين رووه ؟؟
جا مسج لجوالها من طارق : وين بتروحين مني و الله ما اخليييك تتهنين بحياتك زي ما نكدتي على اختي عيشتها !!!
انصدمت هي مييين هو و مييين اخته وش يخربط هذا ؟؟؟!!!
****
وصلت بيتهم على طول صعدت فوق لغرفتها
رمت نفسها على السرير و قعدت تبكي
ابوها سأل امها : ايش فيها رسيس ؟؟؟؟
امها متوهقه : ما عليييك منها تلقاها متهاوشه مع احد بالمدرسه و لاشي
ابوها تطمن شوي ما يدري عن بلاوي بنته
الوالد : المهم اليوم اخوي بيجي
هيفا : الله يحيييهم ..
****
بعد العشاء جو عايلة احمد كلها و حتى شعاع جات
كانت رسيس بغرفتها اخذت لها شاور عشان تنتعش و تطلع شوي من الكابه اللي عايشتها
غيرت ملابسها لبست جينز مع تي شيرت ابيض مرسوم عليه بستراس مع نعال البيت و انتوا بكرامه و حطت ميك اب خفيف و نزلت لهم
فرح ابوها لما شافها تطمن ان ما فيها شي
سلمت على عمها اللي عرفها على بنته و ولده
عمها احمد : شوفي حبيبتي هذي بنتي ياسمين و هذا ولدي تركي ابيكم تصيرون مثل الاخوان لا تفرقكم دنيا.
سلمت عليهم و صفطت زوجه عمها شعاع تحسبها الخدامه لانها قعدت بعبايتها و ما فصختها
بس عمها تدارك الموضوع و قال لها : سلمي على عمتك شعاع شكلك من زمان ما شفتيها و نسيتيها .
سلمت عليها و جلست جنب امها بعدين ابوها قالها تروح تجلس جنب بنت عمها خليهم يتعارفون.
ياسمين فرحت ان في احد بالعايله طبيعي زيها و زي تفكيرها مو مثل بنات عمها عبد الله
و قعدت تسولف معاها ,, اما تركي مرره عجبته رسيس و حطها في باله .

بعد مده جات الخدامه تناديهم على العشا
و هم على العشاء جا مسج لجوال رسيس ,, لقته من طارق !!
قامت عن العشاء بسرعه : عن اذنكم و طلعت ما اعطتهم فرصه يردون عليها
كلهم استغربوا حركتها بس ما احد رد الا امها : اكييد راحت تكلم بالتليفون و بترجع ,, بنات هالجييل بس ماسكين جوالاتهم و مسج وراه مسج ولا السماعه على اذنهم
ردت علييها شعاع : هذا من الدلع الزايد !!

لما سكرت باب غرفتها جلست على سريرها و فتحت المسج بأناملها اللي ترتجف
((رسيس كلميني الحييين ضروري و خلينا نتفاهم احسن لك ))
قالت في نفسها ايش يبي هذا اي تفاهم اي خرابيط ردت علييه و هي ميته خوووف
(( اي تفاهم ؟؟,,انت لو تتفاهم كان ما سويت اللي سويته ,,اللي بينا انساه !!,, و مييين اختك هذي الي انا دمرت حياتها ؟؟))
انسدحت على السرير و جلست تراقب جوالها بخوف
فجأه .. دق جوالها شافت الشاشه لقتها امها هدت شوي تخرعت حسبته طارق
ردت عليها بصوت متقطع من الخوف : هلا ماما
امها : رسيس هلّلا تنزلي تحت شو بيقول عمك اذا ما نزلتي ؟؟
رسيس: طيب طيب بس اصبري علي شوي
و هي تكلم جاتها مكالمه بالانتظار
شافت الشاشه لقته (( حبيب عمري )) اللي هو طارق !!!
سكرت بوجه امها و ردت علييه بدون ما تحس
رسيس : الوو
طارق : تبين تعرفين اي وحده اختي ؟؟ لييه انتي كم وحده عذبتيها و كرهتييها بعيشتها ؟؟
رسيس : بتقول ميين اختك ولا لا ؟؟
طارق : اذا تبين تعرفين مييين اختي خليني اشوفك و اورييك مين هي ؟؟
رسيس : ليييه فاكرني حما ره و لا غبيه عشان تكذب علي ؟؟اذا انت فكرت اني بصدقك فهذا معناته انو محد حمار الا …
قاطعها : انتبهي لالفاظك يا رسيس لا و الله لا اخليييك تندمييين
رسيس ما قدرت تستحمل سكرت بوجهه و غرقت وجها دموعها و خوفها من اللي بيسويه هذا المتوحش اللي ما عنده اي احساس ,, هو لييه يسوي فيني كذا ؟؟ ,, بعد ما وثقت فييه هذا جزاي ؟؟,, هذا جزاء المعرووف ؟؟,, انا ايش سويت له ؟؟ ايش سويت باخته ؟؟
لازم اعرف ميين هي اخته
وبنشووف من اخته في تكمله للفصل الاول
وبكمله لكم بعد ماشووف ردودكم

راحت دقت عللى صديقتها ريوف
رسيس بصووت مبحوح من الصياح : الوو ريوف
ريوف كانت نايمه يعني مخها بالمررره مقفل و مو معها
ريوف : خيير ايش تبين داقه علي مصحياتني من النووم ؟؟ و الله ياويللك اذا ما عندك سالفه ترى بسكر بوجهك (( امحق من صديقه )
رسيس : ريووف وجع هذي انا صديقتك اذا ما قمتي عشاني تقومين عشان ميين ( المسكينه كانت تدور حنان و مواساة بس راحت للانسان الغلط )
ريوف : و الله اني عارفه انو ما عندك سالفه
قاطعتها رسيس قبل ما تسكر الخط بوجهها : و رب الكعبه عندي سالفه
ريوف : اخلصي قولي اللي عندك
رسيس كانت بتمهد الموضوع : احنا في وحده عذبناها و كرهناها بعيشتها ؟؟
ما سمعت الا طوووط طووط طووط
ريوف تحسب انو ما عندها سالفه و سكرت الخط بوجهها!!
رجعت تصيييح رسيس
دخلت علييها امها وهي معصبه منها : شو رسيس لييه لهلا ما نزلتي تحت ؟؟ تلعبي علي لكااان ؟؟؟
لفت علييها رسيس اللي كانت معطيتها ظهرها : نعم ماما
انفجعت امها لما شافتها تبكي : شووو ؟؟ شو بيييك ؟؟ ميين عمل فييك هيك ؟؟ الله يخرب بيتووه اللي نزل دموع حبيبت ألبي ؟؟
ابتسمت رسيس من قلب على امها : لا يا ماما ما فيني شي دقايق و نازله
و هي طالعه امها متحطمه ان بنتها الوحييده تخبي عنها بلاوييها و ما تشاركها همومها
قالت لها رسيس بحنيه و هي مبتسمه : و الله يا مامي مافيني شي لا تاخذين علي تعرفيني انا دلوعه و ابكي عللى اي شي
لما شافت امها تضحك عليها كملت تبي توسع صدرها : كلا منكم انتو تدلعوني و انا اكلها .
****
يوم الخميس الساعه 7 مساء
اتصلت ياسمين على رسيس
رسيس و هي تناظر شاشه الجوال : ميين هذا الرقم غريب
ردت عليييها ريوف الي كانت توها واصله بيتهم : ما عليك منه تلقين احد غلطان يا كثرهم هاذي الايام .
رسيس : اوكي طيب انتي افصخي عبايتك عشان اقولك ايش صار مع طارق الخسيس الي ما يستحي على وجه .. مالت عليه و على اخته اللي غثني فيها .
حكت رسيس لريوف اللي صار معاها
ريوف و وجها مصدوم : يممممممااااااه ايش سويتي طيب ؟؟
رسيس : ما سويت شي ,, ايش تبيني اسوي بعد ؟؟
ريوف : يعني لو انا كان جاني انهيار عصبي
رسيس : هييييييء و تبيني افضح نفسي ؟؟ و بعدين ميين هوو عشان اعذب نفسي عشانه ؟؟
ريوف : بس و الله انك قويه لو انا كان ما تجرأ ت انقز من السياره
رسيس : و الله بوقتها مع الخرعه تسوين اي شي !!
و شوي و يدق جوال رسيس
رسيس : هذا نفس الرقم!.. و الله ما صرت ارد على ارقام غريبه و السبب اخاف يطلع لي ذا المهبول !!
ريوف : اعطيني انا ارد ,, الوو
…..: الوو ,,امم هذا جوال رسيس ؟؟
ريوف : اييه بس ميين اقوول لها ؟؟
…. : لا خلاص اكلمها بعدين
ريوف : طيب دقيقه شوي
نزلت الجوال و اصابعها على السماعه عشان ما تسمع : شكلها احد من طرف طارق
رسيس : يممه وش دراك ؟؟
ريوف : مدري و الله اجل ورى مو راضيه تعلم من هي ؟؟
رسيس : خلاص بكلمها و بشوف وش تبي ,, الووو الووو
شافت الشاشه لقتها مسكره !!
ريوف : الحمد الله و الشكر وش فيها ذي ,, اجل اكيييد هي ما غيرها اخت طارق و لا من طرفه
رسيس: يا حماره لا تخرعيني و الله انا مو ناقصه تخرييع
وشوي يجي مسج لجوالها
(( اهليين بس حبيت اسلم علييك ,, ياسمين ))
رسيس : يووووه اشوا طلعت بنت عمي احمد و الله خرعتني
ريوف : اشوا ,, مالت علييها ورى ما قالت ميين هي خرعتني حسبي الله عليها
رسيس : ما ادري خليني ادق عليييها
…..( بصوت ذكوري ) : الووو
رسيس مصدومه : الوو السلام علييكم
….: عليكم السلام ,, نعم اختي ؟؟
رسيس : مو هذا جوال ياسمين
رد عليييها بصوت فيه ضحكه : رسيس ؟؟
رسيس تخرعت و ما عرفت ايش ترد
قال لها : الووو رسيس ويينك ؟؟
بعد ما صحت من صدمتها : هها
….: انا تركي ولد عمك احمد ايش فييك اخترعتي ؟؟
رسيس : اييه هلا ,, بس هذا مو جوال ياسمين ؟
تركي : لا ياسمسن منقطع جوالها و دقت علييك من جوالي
رسيس : اها طيب هي جمبك الحييين ؟؟
تركي : اييه جمبي
سكتت هي تنتظر يعطيها السماعه و بعدين قالت : طيب اقدر اكلمها .. الحييين ؟؟
تركي : اكييد .. يالله مع السلامه
قالت في نفسها ايش فيه هذا يستهبل ولا ايش قصته ؟؟
ردت علييها ياسمين : اهلييييين
رسيس : هلا و غلا كيفك ؟؟
ياسمين : تمااام بس و الله زهقانه من جيينا هنا و انا ما طلعت و السبب ما عندي احد اطلع معه فقلت خليني اشوف حبيبتي بنت عمي مو رادتني ؟؟
رسيس و هي تضحك : ايييه الحيين جيتيني و قبل ما تعرفيني يممه منكك بس .. شوفي انا الحيين بطلع مع ريوف صديقتي تبين تجيين معنا ؟
ياسمين : ايييه ايييه ايييييه
رسيس و هي ميته ضحك على بنت عمها الخبله : طيب اعصابك بس ,, يالله بنمر علييك الحيين تجهزي .
*******
راحوا يتعشون برا و هم هناك
جى لرسيس مسج و هي كانت بالحمام و انتوا بكرامه
ريوف : هذا جوالك ولا جوال رسيس ؟
ياسمين : لا جوالها ,, خليني اشوفه عادي بنت عمها و امون 🙂
فتحته و تقرى وهي مصدومه
ياسمين : ريوف عمي يدري عن رسيس ؟؟
ريوف تخرعت من سؤالها : يدري عن ايش ؟؟ّّ!!!!!
ياسمين : عن اللي تسويه
ريوف و البسمه على شفايفها مستغربه من سؤالها : ايش قصدك مو فاهمه علييك ؟
ياسمين : ريوف انا مو فاضيه لأسلتك البايخه ,, لان حرام لييه كذا يكلمها خليها تعلم ابوها اصرف لها و قبل لا تصير مشكله اكبر !!
ريوف : اووووص لا يسمعك احد هييي انتي فاكره نفسك لسه في كندا ؟؟ يا ماما انتي في السعوديه ,, يعني لو يدرون اهلك يدفنونك و انتي حييه !!
ياسمين و هي مستغربه : ليييه هي ما سوات شي غلط ,, اصلان انا من امس و ملاحظه ان فيها شي مو طبيعي هذي البنت بس فكرتها متخلفه كذا !!
ريوف : اوص خلاص جات نكمل نقاشنا بعدين !
رسيس : يالله بنات نمشي ؟
البنات : يالله
طلعوا برى لقوا السواق يحوس بكفر السياره
رسيس : خيير عبد القادر ايش فيها السياره ؟
عبد القادر : خيير يا عمتي بس الكفر شوي يبيله تبين اكلم لك سواق الوالد ؟؟
ياسمسن و لقتها فرصه لانها تدري عن اخوها اللي مييت على بنت عمها : لا يا رسيس ماله داعي الحيين اكلم تركي يمر عليينا
رسيس : لا وشو فشله من جدك انتي ؟؟ لا ويين سواقكم ؟؟
ياسمسن : لحد الحيين ما جانا سواق
ريوف اللي مصره يروحون مع تركي عشان تشوفه لان رسيس مدحته لها : اقوول تراه ولد عمك لا تسوين فيها سالفه امشي بس عادي
رسيس اللي درت عن نوايا ريوف : هاه طيب خلاص انتي كلميه الحيين و خلينا نتمشى بالكورنيش على بال ما يجي
ياسمين : اوكي من عيوني 🙂
دقت علييه و ما رد علييها عارف ان ما راح تدق علييه الا تبي منه شي
رجعت دقت علييه مره ثانيه
تركي : الناس لما ما ترد اول مرره يعني ما يبون يردون علييك .. انتي لييه غيير عن هذول الناس لازم تنشبين لي بكل شي ؟؟
ياسمسن : طيب بلاول سلم
تركي : اخلصي ايش تبين ؟
ياسمين : طيب و الله اذا عرفت بتشكرني لبكره
تركي : اقوول قولي اللي عندك و خلصيني
ياسمسن : ابيك تمر علي في الكورنيش
تركي : و انشالله على وشو بشكرك ؟ و بعدين لييه انتي فاكرتني بطالي زيك ما عندي لا شغل و لا مشغله بس قاعد لك سواق ؟؟
ياسمين : عشااااان رسيييييييييييييييييييس معاي و سيارتهم خربانه فقلت خليني ادق على اخوي حبيبي اونسه شوي بشوفة حبيبت قلبه
تركي وهو يضحك ميت فرحه : افففاااا عليييك اذا ما فضيييت لك افضي لميين ؟؟
*********
وصل لهم ودق على ياسمين ما ردت لقاها فرصه عشان يدق على رسيس
رسيس عرفت انه جوال تركي : ياسمين هذا اخووك ردي علييه اكييد يبيك
ياسمين اللي كانت متعمده تترك جوالها وما ترد عليييه : طيب ردي علييه تراه مو ماكلك !!
رسيس اللي تفشلت من حركتها : اييه طيب خلاص لا تاكليني انتي بعد ترى ما قلت شي !
رسيس : الوو
تركي : هلا رسيس ,, انتوا وييينكم ؟

*****

;اول ما ركبوا السياره حرك تركي المرايه حقت السياره عشان تكون مقابله رسيس (
وطبعا طول ماهم قاعدين يسولفون بالسياره عين تركي ما طاحت عن رسيس ,, اما هي ولا معبرته ولا داريه عنه اصلا!!

فجأه بوسط ماهم كانوا بالسياره طارق ارسل مسج لرسيس
(( ماشاء الله علييك ما امدى سحبتي علي حولتي على تركي المسكين ,, يا حرام ترى و الله ما يستاهل اللي قاعده تسوينه فيه ))
انفجعت هي منه كيف عرف انها مع تركي ,, كيف عرف ان اللي معاي تركي ؟؟؟!!!
,,,,هم من متى يعرفون بعض ؟؟,, عشان كذا تركي يناظرني نظرات غريبه ؟؟!!!,,, لا لا لا مو معقوله
ايش قاعده اخربط انا ؟؟؟ تركي ولد عمي و مستحيل يسوي فيني شي ,, لان ببساطه اللي يمسني يمسه هو
طيب يمكن عشان يبي ينتقم مني ؟؟ ,, لا لا لا انا ما اقدر اعيييش كذا ,,
حرام عليه لييه يسوي فيني كذا ؟؟,,
مستحييل احد يعرف هذي السالفه ,, مستحيل اخلي احد يدري فيها ,, هذا الموضوع و لهنا خلاص ,,, مستحيل يصير اكبر من كذا !!

فجأة بوسط ما كانوا هم يضحكون انفجرت باكيه ,, خانتها نفسها ,, ما قدرت تستحمل اللي يصير فيها
تركي الي خاف عليها : رسيس ايش فيك ؟؟
ريوف الي كانت ساكته تنتظر اذا وصلوا تقولها ايش فيها
اما ياسمين اللي كانت خايفه عليها : رسيس بسم الله عليك ايش فيك ؟؟
ياسمين كانت متأكده ان المسج من نفس الشخص اللي ارسل لها يوم كانوا في المطعم
بس خافت انه سوا شي لان يحسب انها صافطته ما يدري انها ما قرت المسج من الاساس!!
رسيس : ما فيني شي بس حاسه اني شوي تعبانه ابي اروح البيت
تركي : سلامات ,, و هذا احنا راجعيين البيت و ما يصير خاطرك الا طيب .

لما وصل البيت نزلت رسيس و معها ريوف
نزل تركي و مسك يد رسيس قبل ما تدخل داخل
تركي : رسيس اذا في شي مضيق صدرك قولي ترى انا زي اخوك و اكثر
كمل و هو مبتسم بكل حنيه : اذا احد مزعلك و لاشي بس قولي لي و الله لا أغسل شراعه ,,
ضحكت هي على ولد عمها المعربج : مشكور تركي
************
لما صعدوا رسيس و ريوف لغرفتها
ريوف : يالله
رسيس اللي مالها خلق احد : يالله وشو ؟؟
ريوف : يالله ايش سالفتك ؟؟
رسيس قعدت تضحك عليها ماشاء الله و الله واثقه اني بقولها بس صرفت الموضوع و بما ان ريوف هطفة و غبيه مشت عليها

**********

في الليل كان تركي يفكر في رسيس
و الله مسكينه هذي البنت لا ابو مثل الناس يربيها و لا اخوان يكونون السند لها و لا ولد عم دايم لها!!
دخلت عليه ياسمين و هو بدوامة افكاره
تركي : خيييير ؟؟
ياسمين : يالدب قلت خليني اقعد معك اشبع منك قبل ما تروح مني
تركي : اقول اخلصي وش عندك ؟؟ ترى فلوس ما عندي 🙂
ياسمين و هي تضحك على اخوها : يالدب لا تتحرش ترى كم يوم و بتروح اقعد مع ميين انا ؟ ., اسولف مع مييين ؟؟

تركي : انا ما تحرش فييك الا عشان تكرهين عيشتك
فتحت عيونها على الاخر
كمل : عشان تكرهيني
فتحت عيونها زياده : انت لييه كذا ما عندك مشاعر الحيين اقولك بشتاق لك يالدب ترد علي كذا ؟؟,, تدري الشرهة مو عليييك الشره علي انا اللي بشتاق لواحد حمار زيك !!
رد عليها و هو يضحك : يا حماره انتي,, انا ما اسوي كذا الا عشان اذا سافرت ما تشتاقين لي بالعكس تقولين فكه منه !!:)
جلست تضحك و تبكي بنفس الوقت ,, الله يصبرني على فرقاك ياخوي .

******

مر الليل كله و هي طايحه على الدرج و محد حس فيها لان بيتهم ما فيه احد غير امها و الخدم اللي كانوا نايمين !!

في الصباح الباكر استيقظت امها على صراخ الخادمه
قامت كسلانه ناظرت في الساعه اللي جمبها لقتها على الساعه ثمنيه
رمت نفسها على السرير و هي معصبه ايش فيها الخدامه تصارخ من صباح الله خير
و الصراخ يتزايد قامت امها وهي معصبه من صراخهم ما كانت تدري ان الصراخ عشان بنتها الوحيده !!
طلعت من الغرفه متجه للصراخ : شو هاي الصراخ ؟؟ شو عنكم ؟؟!!!
لما وصلت لهم شافت رسيس طايحه و من خشمها دم : رسييييييييييييييييس ؟؟
شو بيها ؟؟؟ امي رسيس حبيبتي ؟؟ سونيا دقي على السواق شو عم تنتظري يخرب بيتك ؟؟
بعد دقايق رجعت الخدامه : ماما سواق ما في موجود !
امها : جيبي التليفون

دقت على جوال ابوها لقته مسكر ما في الا تدق على بيته
هيفا : الووو
وضحى : هلا .. ميين ؟؟ هيفا ؟
هيفا : اييه
وضحى : وجع انشالله وش تبين ؟؟ ما كفاك اللي خذتيه مني ترجعين تدقين على البيت الحيين ؟؟
هيفا : الله يخليك يا وضحى خليي مشاكلنا بعيد .. عبد الرحمن فينوه ؟؟
وضحى : بو عبد الله مو هنا وش تبين فيه ؟؟
هيفا : الله يخليك ابعتي لي السواق ولا واحد من الاولاد.. رسيس يا وضحى رسيس …
وضحى : وش فيها هذي بعد ؟
هيفا : طاحت علي و الله ما بعرف اتصرف
وضحى : عساها طيحه بلا قومه .. احلمي ارسلك السواق و لا تبين من عيالي اجل هههه و الله انك انهبلتي
هيفا اللي قعدت تترجى وضحى بس ما اعطتها فرصه و سكرت بوجهها
عبد الله كان جالس جمب امه
عبد الله : خيير وش السالفه ؟؟
امه : مافي الا كل خيير اكييد رسيس ما فيها الا العافيه بس تدلع ولا هيفوه تبي تسحب ابوك من هنا .. اعرفها انا و اعرف حركاتها.
عبدالله : اجل يالله يمه انا طالع للشغل توصين على شي
امه : لا جزاك الله خير .. الله يوفقك و يرزقك الذريه الصالحه ( امه كانت متقصده تقوله كذا عشان يتزوج على زينب اللي ما تجيب عيال )
انقلب وجه عبد الله و تضايق : يالله مع السلامه .. وصفق الباب بقوه !

ركب عبد الله السياره و توجه لبيت مرت ابوه لانه يدري مو من زود محبة مرت ابوه لابوه عشان تجره من بيته .. ويعرف انها اعقل من كذا .

********

هيفا : ميين هذا اللي دخل ؟؟
عبد الله : هذا انا يا خالتي ,, ايش فيها رسيس ؟؟ وينها ؟؟
هيفا : هذا هي يالله نمشي ؟
عبد الله اللي انصدم لما شافها كان يفكر انها بنت صغيره بس انصدم لواقع ان اخته كبرت و محتاجه لهم اكثر من قبل ,, يالله وين كنا عنها ؟؟ شلون كبرت بهالسرعه ,,
هيفا : يالله تشيلها ما فيني حيل اشيلها ؟

عبد الله الي انحرج يشيلها ,, بس هي اخته يعني تحل له !!,, الله يهديك يا يبه ,, معقوله اختي و ما اعرف من هي !! ,, لا وبعد استحي منها ,, اااااه ,,

*****
وصلوا للمستشفى
دخلوا رسيس داخل الغرفه اما هيفا و عبد الله جلسوا برى قدام الغرفه ينتظرون الطبيب يطلع منها

بعد مرور عدة لحظات
طلع الدكتور من الغرفه
عبد الله : بشر دكتور ؟؟
الدكتور : فين ولي امرها ؟؟
هيفا : انا امها ,, شو بها ؟؟
الدكتور : ممكن اسألك اذا في شي كان مضايق رسيس ؟؟
عبد الله : لييه دكتور انت لاحظت شي فيها مو طبيعي ؟؟
الدكتور : لا ,, بس مو معقوله بنت بعمر الزهور تجيلها جلطه .
هيفا اللي كانت تصارخ على الدكتور : شوو ؟؟,, شو جلطه ؟؟,, انت بتمزح معيي ؟؟
عبد الله : هدي بالك يا خاله و خلينا نفهم من الدكتور .
الدكتور : هي بس جلطه بسيطه ,, بس هذا مو معناته ان نهمل صحتها ,, ارجوك انسه هيفا احرصي على بنتك كتييير باين انها حساسه و ما تتحمل اي ضغط .
عبد الله : انشاء الله دكتور ,, نقدر نشوفها الحيين ؟؟
الدكتور : اكيد بس بترجاكم لا عم بتضايقوها .
عبد الله : انشاء الله.

*******

دخلوا الغرفه
عبد الله انبهر بجمال اخته اللي كان مختلف تماما عن جمال خواته البدوي
كانت نايمه على السرير و المغذي على يدها و بعض الخصل الشقراء النازله على وجهها

بعد ما شافتها امهها و تطمنت عليها
قال لها عبد الله : يا خاله انتي ارتاحي في البيت شكلك تعبانه و انا اقعد عند رسيس
هيفا : لا يا عبد الله جزاك الله خيير انت وراك شغل و انا ما وراي شي .
عبد الله : لا يا خاله انتي روحي البيت و انا اكلم الحين سعود يشوف الشغل .
هييفا : انشاء الله امري لله ,, بس ما اوصيك لا تشيل عينك منها .
عبد الله : لا توصين حريص خالتي رسيس اختي و ما راح تلاقي احرص مني ,, يالله ترى السواق برى ينتظرك .

**********

تحس بتعب شديد و ارهاق لدرجه انها ملاقيه صعوبه في فتح عينها
بعد صراع لمجرد فتح عينها تنصدم بوجود رجل يتأمل فيها
رسيس بصوت عالي و تصارخ : ااااااااااااااااااااه انت ميين ,, اطلع برى ,, ايش تسوي هنا ؟ سيستااااااااااااااااااااااااااااااااااااار
هو اللي تخرع من صراخها ما عرف كيف يتصرف معها فمسك فمها عشان ما تسوي لهم فضيحه بالمستشفى
رسيس وهي تتهاوش و تتصارع معاه عشان يتركها : اتــــ …. ركنـــ… ــــيي
ايش… تبــ..ــغى فينــــ…ــــي؟؟
عبد الله : هييييييييي انا اخوك عبد الله
رسيس : لا وبعد هيي الاخ يمون ؟؟
عبد الله : احترمي الفاظك لو سمحتي .. انا اخوك الكبير !!
رسيس : لا والله؟؟ احلف بس ؟؟,, يعني المفروض اصدقك الحيين ؟؟ ,, اقول ناد السيستر الله يعافيك ..
عبد الله : ايش فيك ترى و الله من جدي اتكلم ,, فاكرتني العب علييك يالبزر ؟؟
تفشلت هي و ماعرفت ترد شكله و الله هو : طيب و شو اثباتك؟
عبد الله : من وييين اطلع لك اثبات ؟؟؟,, تدرين شوفي الرخصه حقتي ,,
شافتها : اهه سوري بس ايش اسوي مااعرف ميين هم اخواني ,, اللي من لحمي و دمي ,,,( تحاول تستفزززه )

عبد الله تنرفز بس سوا نفسه مو متأثر : المهم ترى بعد بكره بتطلعين
رسيس : طيب ,, اممم مافي احد غيرك هنا؟؟
عبد الله : ايش قصدك ؟؟
رسيس : امي مو هنا ؟؟
عبد الله : لا راحت ترتاح في البيت وبتجي بعد شوي
رسيس اللي دمعت عينها : كنت متوقعه هالشي منها ,
عبد الله اللي استغرب : رسيس ايش فيك ؟؟,, انتي متضايقه لاني هنا ؟؟
رسيس لما سألها هاسؤال انهارت تبكي : لييه اتضايق يا خوي و انت كنت احسن من امي
عبد الله اللي كان يبي يسحب من اخته كيف عيشتهم : طيب ليه كنتي متوقعه من امك انها ما تكون هنا ؟؟
رسيس : لانها دايما لما اكون في امس الحاجه لها ما تكون حولي ..
عبد الله انكسر خاطره على اخته : معليه هي كانت تبي تجلس عندك و انا اصريت انها تروح ترتاح بالبيت لانها كانت حيل خايفه عليك .

*******

بعد كم يوم كان فيه عزيمه في بيت عمهم احمد عشان يودعون تركي لانه بكره بيسافر

شعاع : حيا الله بهيفا و بنتها .
هيفا : الله يحيك ,, بس ليه خليتي الرجال لوحدهن في مجلس الرجال همّ مو غريبين كان خليتينا سوا و الله اشتقت لجلسة ابو تركي اللي ترد الروح 🙂 (( تجامل مو قصدها ))
شعاع االي صدقت و حدها عصبت ,, شوي و تجي تذبحها : لا كذا احسن
********

بعد العشا صعدوا ياسمين و رسيس للصاله اللي فوق و جلسوا سوالف و حشّ و ضحك
رسيس : ما كلمتك ريوف على بعد بكره ؟؟
ياسمين : لييه ايش عندها ؟؟
رسيس : مسويا لي خصوصا حفلة دي جي 🙂
ياسمين : ما اقدر على الخصوصي انا ,, لا ما قالت لي ,, انا شفت اليوم مس كال منها بس ما رجعت دقيت عليها ,, ياختي هذي البنت ادري انها صديقتك و عزيزه عليك بس ما ادري ,, الصراحه ما ارتاح لها !!
رسيس : يووه غريبه و الله انها حليييوه
ياسمين : انتوا مره صديقات ؟؟
رسيس : ايييييه مررره اللي بينا اكثر من خوات ,, من اوّل ما ولدت و هي لازقه بوجهي ..:)

ودارت السوالف سالفه تجر سالفه و شاركهم تركي اللي مل من جلسه الرجال و تعذر منهم و طلع فوق طبعا عشان رسيس موجوده ولا كان ما اعطاهم وجه 🙂

دخلت عليهم شعاع اللي ما كانت ترتاح لرسيس لانها دايم تشوف حركاتها مو مقبوله من انها تجلس مع ولد عمها كذا ,, بس رسيس كانت معتبرته حاله حال اخوها !
خزت امها ياسمين : وش تسوون هنا ؟؟
طبعا تركي فهم قصد امها و قام قبل لا يجيه الكلام و يحرج نفسه
رسيس ردت على مرت عمها اللي بالنسبه لها امها الثانيه : يا عمه قلنا نصعد فوق عشان ناخذ راحتنا بالكلام .
طبعا رسيس كان قصدها شريف 100 % بس شعاع فهمت الموضوع بقوه غلط : و لك عييين بعد ؟؟!!!
ياسمين اللي كانت تبي تدراك الموضوع قبل لا يكبر : مـــــــامي !!!
اعطتها نظره سكتتها و قالت بكل هدوء : الحيين انزلوا تحت و مره ثانيه لا عاد تطلعون فوق اذا تركي موجود!

*****

نزلوا تحت و كملوا سوالف
ياسمين : رسيس ودي اقولك شي ,, ادري انه مو وقته ,, بس ,, مممم لازم اقولك !!
رسيس : قولي عادي ؟؟
ياسمين : اههه اممم رسيس انـــا سألــــت اااههه
رسيس : وشو ؟؟ تكلمي عدل ؟؟
ياسمين :سألت تركي عن طارق قال ما يعرف عنه شي !!
رسيس اللي وجهها بدا ينقلب الوان ,, ايش عرفها هاذي بطارق ؟؟,, و مين قالها انه يعرف تركي ؟؟ ,,, و الخبله ليييه تروح تفضحني عند تركي ؟؟؟,,, يالله و الله فشله !!!!!!!
ياسمين : رسيس ايش فيك ؟؟ سوري اذا تدخلت بموضوع ما يخصني بس ايش اسوي الصراحه الوضع ما ينسكت عنه !!
رسيس اللي كانت ملامح جاده : مين قالك عن هالموضوع ؟؟
ياسمين : ريوف ,, بس لا تقولين لها شي حرام هي قالت لا أقولك !!
كانت مثل المويه البارده تنكب على جسمها و تليها مويه حاره و هكذا
وجهها حمّر,, داقت قلبها زادت ,, تحس تنفسها بدأ يضيق ,, و عيونها تدمع
رسيس بصوت مؤثر : و ريوف مين قال لها ؟؟
ياسمين : ما ادري ,, مو انتي ؟؟ اذا مو انتي اجل مين ؟؟
اه اه يا فضيحتي وصل الخبر لريوف ,, مين اللي قالها ؟؟؟,, وشلون عرفت ؟؟ ,,اكييد هي تعرف وحده تعرف طارق و لا من وين بتجيب الخبر ؟؟
قطعت حبل افكارها
ياسمين : رسيس انتي لا تقولين لريوف اني قلتلك عشان اقدر اعرف هي من ويين جايبه هالخبر ,,اوكي ؟
ما كانت تقدر تقول الا اوكي لان امها كانت تناديها عشان بيروحون بيتهم !!

اوّل ما وصلوا بيتهم صعدت لغرفتها و رمت نفسها على السرير و اطلقت العنان لدموعها تنزل بكل حرقه و الم ,,, الم فراق الحبيب اللي بدت تفقده مع الايام مع انه انسان حقير بس للاسف وقعت في شباكه ,, الم الفضيحه اللي انصدمت فيه ,,, الم الام الحنون اللي فقدته و لا عاشته ولا عرفته ,, عرفته كمجرد كلمه تعودت تقولها ,,, امها اللي ما تدري هي لييه تناديها امي ,, امها اللي ما درت عنها و لا حتى فكرت انها تسألها مجرد تسألها عن السبب اللي خلها توصل لدرجه انها تجيها جلطه و هي بهالعمر !!

بدت تفكر ,, تخطط ,, كيف تنقذ نفسها من الورطه اللي طاحت فيها ,, عجزت تلاقي خطه ما لقت الا انها تصبر و تخلي القدر هو اللي يخطط لها ,, لان سواء خططت او لا القرار الاخير لله !!

بس حاليا مافي الا انها تتصنع قدام ريوف انها ما درت و تخلي ريوف هي اللي تقول لها لانها متأكده ان ريوف ما راح تخبي شي عنها !!

******

قامت من النوم من جوالها ردت عليه
رسيس : الوو
ريوف و هي متحمسه تصارخ : هيييي يالله تعالي وينك ؟؟
رسيس : وشو ويني ؟؟ ايش عندك ؟؟
ريوف : يالله عاد تعالي بدري عشان نبدل و نكشخ سوا مو انتي صاحبه الحفله يا حلوة 🙂
رسيس ما كان لها خلق بس لازم تجبر بخاطرها لان حرام متحمستلها و مسويه حفله عشان سلامتها : اوكي حبيبتي اتروش و اجيك
ريوف : لا لا لا تعالي تروشي عندنا .
رسيس : يوووه لا وشو من جدك انتي ؟؟
ريوف : الا يالله عاد لا تصيرين سخيفه
رسيس : اففففف منك يالله بغسل وجهي و اجيك ايش تبين بعد ؟؟

********

و هي في بيت ريوف
ريوف : خلاص انا بتروش هنا و انتي روحي للحمام اللي برى
رسيس : طيب !!

و هي تدور الحمام اللي تقصده ,, فتحت باب غرفة ولقتها غرفة نوم
و فيها حوسه ,, شكلها غرفه اخوها حسوني
لقت صور على الطاولة جلست تناظر فيهم ,, انصدمت من الانسان اللي كان في الصوره !!!!!
هذا ايش يجيبه مع ريوف ؟؟,,, ايش قاعد يسوي مع ريوف ؟؟,, ليه صورته في بيتهم ؟؟

دخلت عليها ريوف
ريوف : رسيس ايش تسوين هنا ؟؟
رسيس : ريوف ممكن تفسرين لي ايش تسوي صوره طارق في بيتكم ؟؟!!!!!
ريوف طبعاً انعقد لسانها و ما عرفت ايش تقولها الا وتسمع صوت اخوها و هو في الصاله
طارق : ايييه يمه دقايق و انزلك

دخل الغرفه و لقى رسيس بوجهه
طارق و في وجهه ابتسامه استهزاء : اظن عرفتي من هي اختي الحيين ؟؟
رسيس و عيونها مليانه دموع و صوتها مبحوح مو مصدقه اللي يجي من صديقة العمر : ريـــــــوف,,
ريوف الله يعافيك قولي اللي قاعد يصير مقلب من مقالبك السخيفه ,, قولي لي و الله ما راح ازعل
مسكتها من كتوفها تهز فيها اما ريوف تشيح وجهها عنها : ريوف طالعيني ,,, قولي انك تكذبييين ,,, ريوف لييه سويتي فيني كذا ؟؟,, انا ايش سويت عشان تسوين فيني كذا ؟؟
و قعدت تهز فيها بقوه و تصارخ : ردي علي ,, قولي لي ؟؟
ريوف : تبين اقولك عن اللي كنتي تسوينه فيني ؟؟؟,,, تبين اقولك انا ايش كثر انجرحت منك بس كنت اصبر تحت اطار الصداقه بس لكل شي حدود و انا حدود صبري معك انتهت
رسيس وهي تهمس لانها تعبت من الموقف : اجل لكل شي حدود هاه ؟؟,,, اجل حدود صداقتنا انتهت يا ريوف ,,, بس كنت ابيك تعرفين انك كنتي بالنسبه لي مو مجرد صديقه الا اكثر من اخت ,,
ريوف : اي اخوه انتي تتكلمين عنها ,,, اهاناتك لي تسمينها اخوه ؟؟… انتي بأي عالم عايشه ؟؟ ما تشوفين اللي حوالك ؟؟؟ ما تشوفينهم ايش يسموني ؟؟؟ ,,,, اصلاً هم يعرفوني عشان يسموني ,, انتي كنتي دايم تاخذين الضوء مني
و كملت وهي تصارخ و تبكي : اصلاً انتي كل شي خذتيه مني ,, و الحين جايه تطالبين بأخوي بعد ؟؟
تدخل طارق و اخيرا : خلاص يا رسيس لهنا وبس ,, كان ودي انتقم اكثر بس اللعبه خلاص انكشفت !!
رسيس : اكثر من كذا يا طارق ؟؟ ليه انت بقيت فيني شي ؟؟؟,,, يالله يا ريوف مع السلامه …

***انتهى الفصل الاول***
ونشووف ايش راح بيصير في الفصل الثااني