سوالف حريم مع فنجان قهوه

شلونكم بنات ان شاء الله طيبين :015: اليوم بطرح لكم موضوع ان شاء الله يعجبكم شفته في احدى ال******* واعجبتني الفكره فقلت اطرحها عليكم ونستفيد من خبرات وتجارب بعض,,,,,,,,,,,,

الفكره والموضوع ,,,
ان كل وحده مرت بتجربة حمل ,او تنتظر حمل , او قاعده تتعالج مثلا , تتفضل هنا وتكتب مغامراتها وتجربتها الي مرت فيها اوقاعده تمر فيها, ومنها نتبادل الخبرات, ونرفه عن انفسنا شوي , بدل ما تكون سيرة الحمل تنكد على الوحده وتذكرها بآلامها تكون مجال لتوسيع الصدر والتخفيف من الهموم ,,,,,,,, :yaaahoooo

وانا اولكم بكتب لكم معاناتي في المرتين اللي حملت فيهم وما توفقت والحمدلله على كل حال ,,,,,,,,,,,,,,

يا حبايبي انا لي سنتين متزوجه , اول حمل لي كان بعد اول شهر من زواجي (عروس باقي ما تهنيت) المهم لما عرفت اني حامل , ما ادري جاني شعور غريب , ما ادري اضحك ولا ابكي , طبعا زوجي اكييييييد كان مستانس بيتشقق من الفرحه :clap[1]: , المهم تميت على هالحال , يعني عادي الوضع , ما كاني حامل , تصورو حتى صاحباتي يمكن مادروا عني الا في الشهر الرابع يمكن , المهم لما وصلت للشهر الخامس وحسيت بالحركه وسويت الاشعه :207: , ما تصدقون حسيت اني طايره من الفرحه :cheer: كاني اول مره اعرف اني حامل , واستمرت مشاعر الفرح والبهجه هذه لمدة شهرين فقط , اكييد بتقولون لييييييييييييييه !!!!!!!!!!

انا اقولكم , طبعا نسيت اقول لكم اني طالبه في الكليه :035: , المهم هذاك اليوم كنت في الكليه وفرحانه ومستانسه لاني كنت بخلص الشهر السادس وبابتدي في الشهر السابع من الحمل وقاعده مع البنات لا لي ولاعلي احكيلهم اشلون يتحرك الجنين في بطني واشلون يسهرني وما يخليني انام :001: ,
المهم حبيباتي انتهى الدوام , ورجعنا للبيت , اخذت لي دش وريحت بعدها شوي , لاحظو اني طول هالفتره ما اشتكيت من اي الم , المهم اذن العصر وقمت ابي اتوضا واصلي , دوبي قمت ,,,,,,,,,,,,,,,
والا احس بها الالم اسفل البطن , اتقلب يمين يسار قلت يمكن قاعد يتحرك ولا شي , ابد الالم ماله الا يزيد , وزوجي يناظرني وهو خايف , هااااه اوديك المستشفى ,,,
وانا ويين خبر خير ,ماني معاه الالم ماسك فيني , اخر شي قمت ابكي واصارخ , ما قدرت اصبر ,,, كلها دقايق والا احس بامي والدكتوره على راسي ,,,,,,,,
خلاص مافي امل الرحم انفتح وبدت الويه تنزل,,بعد كلها دقايق الا وانا بالاسعاف وعلى المستشفى ,,,,,,,,,,,,,,,,,,,,,
قاموا الدكاتره يكشفون ويسوون الاشعه ,,,,,,,,
وبعدها تلقيت الخبر اللي كسر ظهري ,,,,,,,,,,,,,,,,,,,,,,

الجنين توفى,,,,,,,,,,,

ما ادري يا بنات جاتني حاله ,تلقيت الخبر بكل صمت العالم ,دون صراخ او بكاء : ,تدرون ليش ,لاني اساسا ماني مستوعبه كل الحوسه اللي صارت , والله يا بنات الولاده كانت طبيعيه من خلال الطلق الصناعي ,والله لحد اخر لحظه وانا عندي امل ني اسمع صوته , ما ادري حسيت ان كلهم قاعدين يكذبون على وان ولدي بعده حي ,,,,,,,
الحمدلله على كل حال ,,,,,,,,,,,,,,
صحيح اني قعدت في حاله من الكآبه والحزن مع الخوف والذعر مما حصل لي استمرت لمدة شهور,لكن الحمدلله كلها تلاشت عندما اسبشرت بحملي الثاني ,,,,,,,,,,,,,,,,

هااااااه لا تنتظرون اقولكم اخبار حملي الثاني الا بعد ما اشوف تفاعلكم مع الموضوع ويكون عجبكم باذن الله ,,,,,,,,,,,,

والله يثبت حملك ويوصلة بمواصيله التامه وتفرحين فيه

انا في الشهر التاسع وهذا ثاني حمل لي