http://womenw.co/f9/
مساء الخير حبيباتي ..
كان ياماكان .. وحده دبيه إللي هي انا نوت تسوي ريجيم التمر واللبن من كثر ماقرت عنه ..
المهم .. صباح يوم حزين .. قمت وأنا براطمي شبرين لإني بأبدأ فيه ( لاحظوا باقي ماجعت أجل إذا جعت إيش بأسوي بأزأر مثل الأسد )
لبست بناتي وجهزتهم للمدرسه وانا ماخذه إجازه من الدوام ( يقال بأرجع بلوك جديد بعد الإجازه )
أخذت ثلاث حبات تمر ولبن قليل الدسم .. حسيت إن مخي بعده قليل العقل
المهم ..نمت وقمت الظهر وأكلت ثلاث حبات وسويت الغدا .. حطيته لزوجي وبناتي وطول ماهم ياكلون أقرأ عليهم خفتهم مايقومون من السفره من عيوني ..
جا العصر ونفس الطريقه ..
وبعدها جت ساعة الصفر ودقت ساعة سندريلا ..المغرب بدت أخلاقي في التدهور وصار زوجي وبناتي يمشون من حول الجدار من صياحي ..
فكرت وفكرت وقلت يابنت هذي عيشه مو إنتحار وأقوم وأنا فارده عضلاتي وأعجن عجينة خبز تنور وأطلع كمية لحمه معتبره وأسويها مرقه تهبل وأخبز خبز بر يجنن وأسوي سلطه ولاجا زوجي من صلاة العشا إلا انا متربعه على السفره وعيونكم ماتشوف إلا النور ..
وبعدها ياسلام راحت الضيقه وإنبسطت وقلت توبه من التعذيب أقصد هالريجيم ( غوانتنامو أرحم )
ورجعت لريجيمي الأول اللي يعتمد على التخفيف وخاصة النشويات واللي نزلت عليه 20 كيلو من 100 ألى 80 ..
وإنتهت عزيزاتي قصتي الحزينه إللي مابدت أصلا إلا إنتهت ..
وتقبلوا خالص حبي وإعتذاري على الإزعاج ..
أختكم ..ألمى
http://forum.mn66.com
الحمية – تخفيف الوزن – الرشاقة – ريجيم – وصفات ريجيم – تمارين – دايت شوب , الحمية , تخفيف الوزن , الرشاقة , تجارب الرجيم , وصفات واطعمه خاصه
( لاحظوا باقي ماجعت أجل إذا جعت إيش بأسوي بأزأر مثل الأسد )ههههههههههههههههههه الله ياخذ عدوك
اختي سوت ريجيم التمر واللبن نزلت بس
تقول متعب كثييير
تقبلي مروري
الله ينحفنا كلنا ونصير احسن الناس بعيون ازواجنا
تقبلي مروري