تكرمت الاخت الغاليه بسمة ملاك بكتابة موضوع راااااائع
اودعت فيه بكل اخلاص المعلومات التي استقتها من دورة (اسرار العشيقات)
طمعا في الاجر من الله ثم في دعائكم لها
( الدكتوره ظ†ط§ط¹ظ…ظ‡ ط§ظ„ظ‡ط§ط´ظ…ظٹ )
الموضوع يخدم جانب اساسي في العلاقه الزوجيه بين المرأه والرجل
ويدرس ويوضح اسباب توجه الرجل المتزوج لاحضان عشيقته دون زوجته الغافله
تحياتي لكل بنات المنتدى 00
دخلت دورة وكانت لمدة يوم واحد فقط واسمها ( اسرار العشيقات ) 00
بكتب كل اللي استفدته من هاذي الدوره 00 وأتمنى البنات يستفيدوا
الدوره تتحدث عن سبب تعلق الرجل بإمرأه اخرى غير زوجته وتكون هاذي المرأه ( عشيقته )
وعشيقته = حبيبته
وياللأسف يابنات ان اللي ألقت اللمحاظره تقول أن الكثير الكثير من العشيقات هم في حقيقة الأمر
متزوجات
والبعض مطلقات وأرملات
والبعض بنات ناس وجمعتها الصدفه مع زوجك سواء كان في دوام او اي فرصه ألتقوا فيهاا
يعني مب شرط تكون من بنات ال0000
علعموم يابنات المحاظره فيها نوع من المواضيع الجرئيه نوعااا ما ولكن مفيده جدا جدا وخصوصا في عصرنا الحالي 00
انا بحط النقاط اللي ينقال عنها مفاتيح الوصول لقلب الرجل 000 على لسان وحده محاظره دارسه في فرنسا ولها محاظرات وندوات كثيره 00000
وهالنقاط عباره عن 12 نقطه بكتب عنها نقطه نقطه مع الشرح والايضاح وفي حال وجود مثال او قصه بسردهاااااا لكم 000 لان القصص اللي قالتها من خلال العشيقات اللي يزورونها للعلاج انا قلت العشيقات 000000
وتسمى عشيقه لانها تحب 00 وياللاسف انه احتمّال يكون هذا اللي تحبه زوجك
لانها على قولة المحاظره 00 تحبه بكل ذره موجوده فيه تهيم فيه هيام 00
بسرد لكم قصه قالتها لنا هذي المحاظره قبل اقول النقاط وقبل ابدا بشرحها 000
تقول ياطويلات العمر 000
جتها امرأه متزوجه وكانت بالفعل ( ملكة جمال ) تقول جتني تشتكي من خيانة زوجها مع وحده تشتغل وياه في الدوام 000 وان هالمتزوجه انصدمت بخيانة زوجها لها ( لاتستعجلوا بالحكم على الزوج ) 00
المهم 0000000 تقول المحاظره
ان هاللي كانت وياه في الدوام قبيحه بكل معنى الكلمه ومافيها ذرة جمال 00 اعجبت بهذا الرجل وحبته وحطوا تحت حبته مية خط
في البدايه حاولت تلفت انتباهه 00 ساعه تروح تقوله ابيكم تكلم لي فلان وساعه تقول له ممكن تشرحي هالنقطه المهم ماخلت عذر الى وسعت عشان توصل لهالرجل 0000
كل هذا وهي تعرف انه متزوج 00 بس حبته وتبي توصل له بأي طريقه
المهم
الرجل حسّ ان فيه شي مب طبيعي 00 قالها يافلانه انا متزوج وأحب زوجتي 00 قالت مابي منك شي
بس ابيك تعطيني القليل من وقتك اذا كنت متضايقه اكلمك فيه <0000 شفتوا دهاء ومكر الحريم عشان توصل لقلبه بالهداوه
طبعا هو انحرج وما أبدى اي اعتراض
بعد فتره 00000
طلبت منه انها تقابله وقابلته 00 وماصار بينهم اي شي تطورت العلاقه لأن وصلت انه
افقدها عذريتهااااااا
وهنيه ربطته 000
والقهر يابنات انه راح وياها في الحرام ووقع في الزنا 00 اثناء فترة نفاس زوجته في بيت اهلهااا
وهي استغلت هالفرصه زين 000000
هالقصه من قصص كثيره بتقرونها في الموضوع قصص حقيقيه واقعيه تحدث في بيوتناااااا
انا ماقوووول اننا نتشبه في العشيقات 000 اناااا بس بقولكم كيف قدروا يخطفوا ازواجكم
مستغلات نقاط ضعفكم الكثيررررره واللي تمارسونها بشكل يومي ويا ريلج وتخليه يهجّ 000 ويلقى وياها راحته اللي فقدها وياج
موضوع جرئ اعيد وأكرر 00 وبيكون هناك تلميحات وكل امرأه ومتزوجه وحتى مقبله على الزواج بتفهمها بذكائها الفطري
بنات انا قلت ( لاتستعجلي بالحكم على الزوج ) ليش ؟؟
تدرون ليش 00
لأن بعد فتره اكتشف الرجل ان زوجته تزور هالمركز للعلاج وللاستشارات الاسريه عشان تنقذ بيت الزوجيه من هالمرأه
تدرون شسوى ؟؟
ارسلهم فاكس يقول فيه
زوجتي ماتريحني في ال00000 وهالمرأه ذقت وياها كل انواع الراحه لانها تستمتع وياي 00
تعيش وياي اللحظه بكل جوارحها 00 انا زوجتي اذا طلبتهاااا لل 0000 تحاول تمثل عليّ انها تستمتع ونا رجل وأفهم انه مجرد تمثيل في تمثيل
انا اذا زرت فلانه يقصد العشيقه <—— وتقول المحاظره انه كتب هاذي دنيتي وحياتي كلهااا
كلام ماقدر اكتبه بس افهموها 000 انه يعرف بكل نظره في عيونها وبخطوتها وبلمستها له انها تبيه
هههههههه اسفه ماقدرت اكتب الكلام اللي وضحته
بس يبين يابنات مدى تولع الرجل بال 0000 ومهم جدا استجابة المرأه له ويشعر وياها انها ماتمثل انها فعلا عايشه وياه بمشاعرها وبعواطفها وناسيه كل شي في تلك اللحظه
يقول زوجتي ساعه تقولي يوووووه خلص بسرعه00 او تقول كل يوم اغسل شعري 00 او يحس انها شارده في تفكيرها ويوم ينتهي يسئلها ماكنتي وياي 00 تقوله كنت افكر بولدي كان تعبانه واحليله
انا ما ألتمس العذر لهذا الزوج واللي مثله 00 ابدا
بالعكس يبيله قطع رقبه 00 بس هو لقى له عذر يبرر له خيانته وزوجته هي اللي عطته هالعذر
أكبر خطأ ترتكبونه بحق ازواجكم
عيشي وياها اللحظه بكل جوارحها واستمتعي بكل ثانيه فيه 00 خليه يحس انج انتي اللي ترغبين فيه مب بس هو اللي يرغب 00 لان هالشي يثيره جنسيا ويخليه يشعر بالراحه
تخيلوا يابنات ان الرجل عده طاقه جنسيه ضعف المرأه احنا نتكلم عن الرجل الطبيعي في رجل طاقته اكبر من المعدل الطبيعي تخيلوا 0000
الزمن تغير يابنات وحريم 00 وانتوا مجبرين تغيرون اسلوبكم مب عشان ريلج وبس عشانج انتي بع د
بنات ببدأ بكتابة النقاط ال12 وبكتبها نقطه نقطه ويا الشرح والتوضيح 000
1- العشيقه تؤسس علاقه لتسعد فيها فقط فتنتقي كل تفاصيلها بدقه 0
شلون ؟
الشرح 00
انتي وغيرج من المتزوجات أو حتى المخطوبات والمقبلات على الزواج 00
قبل الارتباط كانت حياتنا وأوقاتنا 00
نقضيها 0000000000000 ويا الأهل ويا الصديقات ويا ممارسة الهوايات بالاهتمام بنفسي بشخصيتي بتطويرها بقرائة الكتب وغيره وغيره 00 كنا نقضي أوقات طويله لأنفسنا ونشعر بالسعاده فهاللحظات اللي نقضيها ويا اهلنا وخواتنا وصديقاتنا ويا هواياتنا اللي نمارسها ويا دراستنا ويا كل شي نحبه ونستمتع فيه 00
بعد الزواج 000000000 والكثير منكم للأسف
تعطي زوجها كل وقتهااااا 000 وحتى البعض تهمل بظهرها وبنفسها بمجرد انها شاغله تفكيرها بوين راح وويا منو جالس وياترا شو يسوي الحين وحتى تلقينها يالسه ويا أطفالها تدق عليه
وينك ؟؟
ياحريم ويابنات ترا الضغط يولد إنفجار
وحتى حبج الزايد له واهتمامج المبالغ فيه ودلعج له يعتبر أحد انواع الضغط اللي يولد انفجار ومن ثم يؤدي الى مرحلة الطفش ومن ثم الهروب
العشيقه هو اللي يدلعهااااا 000 صحيح انها تدلله بس بأشياء معينه تلقى هي فيها متعتهااااا 00
بس تجبره انه هو اللي يدلعها ويهتم فيهااا والبعض منهم ياخواتي يكتب اللي وراه واللي قدامه عشانها
ماسئلتوا نفسكم ليش ؟؟
المطلوب من كل وحده من خلال الفكره السابقه ( 1 ) يعني اللي نبي نوصله 00
إنج لاتتخلين عن صديقاتج ولا تتخلين عن ممارسة هواياتج ولا تتخلين عن أهلج ولاتتخلين عن اي شي تحسين في المتعه فيه بمجرد اني تزوجت لا000 ممكن انج تخففين بس انج تلغين هلأشياء اكبر خطأ ترتكبينه في حق نفسج
حاولي تخلقين معادله بين اهتمامج بنفسج واهتمامج بريلج انا ماقلت روحي الصالون وسوي تنظيف بشره عشان تنعمين جلدج عشانه 00000 لأ لأ
سوي هالتنظيف عشان تشعري انتي بالاسترخاء عشان تشوفين ويهج في المرايه ونتي واثقه بنفسج تحسين انج يالسه ترفهين عن نفسج
بتقولين ماعندي وقت ؟؟
ياخواتي لو تدرون انتوا كم تضيعون اوقاتكم في التلفونات ومشاهدة التلفزيون بتنجنون
ماظن ان ماعندج وقت ولو مره في الشهر للترفيه عن نفسج يعني 12 مره في السنه معقووووووووووووووووول ماعندج
واذا انشغلتي بممارسة هواياتج الي تحبينها وتنظيم وقتج لج انتي وزيارة صديقاتج واهلج وحتى أهله وزيادة الروابط بينج وبينهم 0000 بتحسين انج سويتي شي لنفسج
( يعني بصحيح العباره : مايكون الزوج هو أكبر همي وإنشغالي )
واللي تهمّل ذاتها يا إخواتي مستحيل تقنع زوجها بذاتهااا وبوجودهااا 000
إمليئ حياتج واشغليهااا بكل مايعود بالفائده لج انتي لج انتي لج انتي وحطوا تحتها مية خط
يابنات حاولي انج ماتكوني على طبيعتج قدام ريلج 00 عشان مايعتبرج واحد من الربع
ترا العشيقه ماعمرها كانت على طبيعتها قدامه 0000 مستحيل
حسي من داخلج انه هالريال غريب عنج بتقولين صعب 000 وليش أرهق نفسي ؟؟
يمكن في البدايه صعب بس بتتعودين عليه 00 لأنج متى ماطيحتي الميانه بينج وبينه شلتي كل الحواجز والحدود المفروض تكون موجوده في نطاق وإطار عش الزوجيه
بقولكم مثال بسيط وشوفوا الفرق بين إمرأتين متزوجتين يعني ولا وحده فيهم عشيقه
الزوجه الأولى : مطيحه الميانه ويا ريلها بقوه
أول مادق عليها : هاااااا جبت الملابس من اللاندري 00 هات بطريقك حفاظات للياهل ترا ماعنده وبصوت كله خشونه وحدّه وارتفاع 000
أول مايدخل البيت ( نفس الزوجه ) 00 ها يبت الاغراض ولا نسيتها مثل كل مره 00 واللبس اللي عليها هو يوم طلع كانت لابسته ويوم رجع البيت بعد لابسته ( الرجل تهمه التفاصيل )
طلع من الحمام واقفه وراه راح يجلس يتفرج على التلفزيون راحت وجلست وياه ياربيه وين اشرد من هالحرمه
إتركيه هو اللي يناديج 000
الزوجه الثانيه 00 يدق عليها هلا روحي هااا شسويت اليوم في الدوام ( شفتوا الاهتمام ) عسا ماتعبوك يابعد روحي 00 يعل التعب في قلب عدوينك قبل لاتقفل السماعه 00 ممكن حبيبي هات لنا وياك ( قالت ممكن 00 وهات لنا ) ركزوا على العبارات ؟؟
أول مايدخل البيت 00 الابتسامه ( ولاحظوا يابنات انكم تكسبون أجر باللي تسوونه ) والابتسامه تبعث قي نفسه ونفسج البهجه والرضاا 00
لابسه لبس مختلف عن اللبس اللي شافها فيه يوم طلع وحتى لون الروج متغير 00
ابعدي نفسج عنه وبتشوفينه هو اللي ينساق لج بكل عواطفه 000
والانسان بغض النظر كان رجل او إمرأه بنت او ولد شايب ولا شاب يحبون الشخص المتفائل المبتسم
ونتي يوم تلبسين وتبتسمين وتتعطرين وتتدخنين كله عشانج انتي يابنت الناس مب عشانه هو اتفقناااااااا
تخيلوا واحد من المتزوجين يحكي للباحثه عن عشيقته يقول حتى الأندر وير ينقط دهن عود ؟؟
وجسمها خالي تماما من الشعر ( شفتوا التركيز بالتفاصيل اللي تغفلونها )
الخيانه اصبحت مرض متفشي 000 ؟؟ ونا وياج بهالنقطه للأسف اصبحت شي متفشي وبعنف
ونا حالي حال غيري 00 ومتزوجه 000 مملجه
وأبي أحافظ على زوجي 00 وأحافظ على بيتي 00 وأبعد عن كل السلبيات اللي ممكن تأثر عليّ انا شخصيااا 000
انا قلت قولي كلام حلو نابع من مشاعرج انتي مب مجرد تمثيل والله انا سويت وعملت وماباقي شي الى وسويته 0000000 قلت لج خطأ يابنت الحلال انج تضغطين على نفسج وعليه بهالحب لانه راح يكون منفر مب مقرب ابد
انا قلت حبيه واعشقي كل ذره فيه 00 وهو يمشي قدامج تأمليه اكيد هلانسان اللي هو ريلج فيه ميزه 0000000
كوني صادقه وياه بمشاعرج 00 مب تكون مشاعرج وعباراتج وسيلة ضغط لأ 000
واتركي سالفة الخيانه الزوجيه وسالفة العبارات الرومانسيه وغيرها 000
احنا نتكلم عنج انتي شخصيااا 00 ركزي بنفسج وتطويرها واستعيدي علاقاتج بربيعاتج واهلج ومارسي هواياتج واهتمامج بنفسج 000 وقوي من ذاتج وشخصيتج عشان تكونين شخصيه مستقله مب تابعه للزوج فقط 0000000
كوني شخصيه متفائله مبتسمه 00تثير البهجه
اتمنى انكم فهمتوني لاني مب يالسه اقنعكم انكم تقولون كلام حلو
ركزوا بالعبارات والنقاط زين 000
النقطه رقم ( 2 ) تدرون شو الفرق بين العشيقه والزوجه 000
الزوجه : تجعله أهم شي في حياتهااا <0000 الخطأ بعينه
العشيقه : تضيفه لحياتهااا 000 يعني يعتبر شيء إضافي لا أكثر 000
والخطأ الفادح اللي تقع فيه أغلب المتزوجات وخصوصا في بداية حياتها الزوجيه انها تقول لزوجها على سبيل المثال
– والله يافلان ترا انا كنت مضطهده في بيتنا وأبيك تعوضني عن كل اللي انحرمت منه 00
– يافلان انا أخوي كان يصفعني ويطقني لين كرهت كل الرياييل أتمنى انك تفكني من هالعقده اللي سببها لي أخوي 000
– يافلان أمي وابوي حرموني من حنانهم وابوي عمره مامسح على راسي ابي احسن بهالحنان وياك
تظل تقلل من قيمتها بهالكلام وتقلل من قيمة أهلها 00
في البدايه بيعطيها حنان يمكن شهر يمكن شهرين يمكن 3 واحمدي ربج بعد 00 بس بعدين ؟؟
وعلى لسان المحاظره بالحرف الواحد 000 بيكون هو أول من يدوس عليج
ماراح يحس ان وراج ظهر 00 ومابيحس ان لج قيمه أصلا طول ماانتي محتاجه له وتظهرين له مدى حاجتج لوجوده في حياتج 000 فهمتوني ؟؟
طيب شو المفروض اقوله وشو المفروض أسويه 000 ولو كان مجرد كلام بس على سبيل تقوية فروعي 00
– تدري يافلان مره اخوي بالغلط يت ايده على ظهري بقوه وجلس طول اليوم يعتذر مني 00
– والله ابوي مامثله ريال عمري ماطلبت شي الى ووفره لي وعمره ماحرمني من شي ياليت كل الأباء والامهات مثل ابوي وامي 00
– تخيل مره من المرات ربيعتي في المدرسه سبتني ابوي وامي راحوا لأهلها لين البيت يهاوشونهم ومن يومها وهالبنيه مب قادره ترفع راسهااا
واللبيب بالإِشاره يفهم 00 واكيد راح يفهم ان وراج ظهر وسند وعزوة
حاولي تقوين من نفسج ومن ذاتج ومن شخصيتج وعلاقتج بأهلج بصديقاتج بكل من حولج 000
راح يفكر مليون مره قبل حتى يمّسج بكلمه ممكن إنها تجرحج 00
النقطه رقم ( 3 ) وهالنقطه وايد مهمه اخواتي
العشيقه : تحبه كما هو بكل مالديه من أخطاء وبدون أن توجه اليه النقد الدائم ولاتشعره ابدا بتأنيب الضمير
لزوجه : تنشغل وتصب اهتمامها باحداث تغييرات جذريه في حياة زوجها لكي يتناسب مع ذوقها ومستقبلها ومصالحها
شلون ؟
اذا كان الزوج تنقصه الشهاده الجامعيه على سبيل المثال تجلس تلّح عليه بشكل مستمر انه يكمل دراسته واحتمال كبير تكون الفكره غير وارده في ذهن الزوج فيشعر بالضغط اللي يولد للهروب
وماتتخيلون يابنات كم ان الرجل لايحب الطبع اللحوح ولا يحب ان يشعر بأنكي تفرضين عليه شيئا وخصوصا اذا كان هذا الشي هو غير مقتنع فيه تماما
يعني اتركيه على راحته وتقبليه كما هو واذا أردتي ان تطوري من شخصية زوجكي عليكي القيام بذلك بطريقة صحيحه وغير مباشره ولايشعر بأنك تضغطين عليه بها
ومتى ماضغطتي عليه عليج وعلى أرائج ومقترحاتج السلام وحتى وان قلتي انا عشان مصلحته
بحكيلكم قصه قالتها المحاظره والمحاظره اسمها ظ†ط§ط¹ظ…ظ‡ ط§ظ„ظ‡ط§ط´ظ…ظٹ 00
قالت واحد متزوج هو وزوجته في السياره 000 وكانوا رايحين عرس في منطقه بعيده عن المنطقه اللي هم ساكنين فيها مسافة ساعتين تقريبا 00
وصلوا للمنطقه 000 وظلوا يدورون البيت 00
راحت الزوجته قالت له : يابن الحلال لاتفرفر فينا وتصدع براسنا شوف لك تاكسي وقوله الشارع وهو بيدلك 00000 أهاااااااااا
غضب الزوج غضبا شديدا وتخيلوا انه رجعها لبيتهم وقالها والله مافي روحه هالعرس 00 شفتوا الاسلوب الخاطئ في اختيار العبارات كيف يؤدي الى توليد مشاعر الضغينه والحقد بين الزوجين الى ان تصل الى الكراهيه للأسف
الزوجه تقول 00 والله ماكنت أقصد بس انا ماكنت أبي اتعبه 00 طيب ( الأجدر بها انها تستخدم اسلوب يوضح حرصها عليه وعلى تعبه وليس بصيغة أمر أو صيغه تنقص من قدره أمامج
ومن خلال كلام المحاظره يااخواتي ان كمية كبيره من العشيقات يروحون يحضرون محاظرات فقط لكي تعزز من علاقتها بعشيقها وكيف تكسبه بأسلوبها وشطارتهاا
وكل أمرأه فينا تحمّل من الذكاء الفطري مايكفيها انها تحدد الاسلوب الصح اللي تتعامل فيه ويا ريلهااا 0000
بقولكم قصه قالتها المحاظره 0000 قبل اكتب النقطه رقم ( 4 ) 00
في البدايه وجهت سؤال للموجودات 00 وكان الأغلبيه منهم متزوجات والقليل جدا مملجات
السؤال ياحريم ويابنات 00 اذا اكتشفتي ان زوجك يخونك بتصارحينه وبتتركين له البيت
ولا بتسكتين وتفكرين بحل لهاذي المشكله 000
المعظم قالوا بصارحه واللي تقول بذبحه واللي تقول باخذ عيالي وبترك له البيت 00 واللي واللي
وغيره من الردود اللي اعتبرتهاا المحاظره انها 000
تسبب خساره لج انتي ولا تعود عليج ولا بواحد بالميه من الفائده 00 السبب ؟
– انج تركتي له البيت 00 طيب هو هذا اللي الزوج يبيه تعطينه مجال ومتسع من الوقت يقضيه ويا العشيقه وبيقول مصيرها بترد بترد 00
– انه بيقول خلاص مادامها عرفت واكتشفت الأمر صار الأمر عادي وبتتقبله رغما عنهااا 00
– من الخطأ الكبير انج تواجهينه 000
اسمعوا هالقصه وكانت لإحدى النساء المتزوجات اللي تعرضت لخيانه 00 من زوجها وراحت تتعالج عند هالمحاظره 00000 تقول
اكتشفت في يوم من الأيام ان زوجها يكلم وحده في الجوال انصدمت صدمة كبيره ولو انها تقول كانت حاسه انه يخونها
تدرون شو سوت 00 وشوفوا الذكاء والفطنه
كانت تحط له مسجل صغير وتسجل مكالماتها وبشكل يومي وبعد انتهاءه تسمع شو يقول
وفإحدى المكالمات جلس يشتم في زوجته تخيلوا يقول عنها دبيه وخايسه وغيره
المحاظره تقول ان هالزوجه كانت تتصل فيها وهي منهاره تماما
وبعد مرور فتره 000 حطت جميع الأشرطه المسجله في صندوق وكتبت عليها عباره ابيك تسمع الأشرطه
وخذت عيالها وراحت بيت أهلهااا
أول مادخل الزوج يدور على حرمته مالقاها 000 ولقى الصندوق وسمع الشريط الأول إنجن والشريط الثاني والثالث وغيره وغيره تقول المحاظره
ان الزوج كسر جميع موبايلاته لاااااا و شو سوى بعد ماخلى أحد الى وراح له يتوسط له ان زوجته ترد له لأنه شعر بأن بعد هلاشرطه والتسجيلات والكلام مستحيل ترجع له
انهار تماما 00 وقال بكتب لها البيت باسمها بس ترد لي 00 بعيش خادم تحت ريولها بس ترد لي
تخيلوا ؟؟ 000 لأنه شعر بفداحة الجرم اللي ارتكبه بحقهااا 00 وخصوصا بعد سماعه الاشرطه ولولا صبرها وتحملها ماكانت سجلت هلأشرطه وخلته يوصل لمرحلة الانهيار اللي من بعدها
تااااااااب تماما 000
النقطه اللي ابي أوصلها لكم أخواتي 000 ان اي امرأه تكتشف خيانة زوجها 00 للعلم انها اصبحت ظاهره منتشره ومتفشيه بشكل كبير يعني انتي مب اول ولا آخر وحده يخونها زوجها
لازم تصبرين وتحافظين على بيتج وبذكائج تقدرين تبعدينه عنها 00 اما تركج للبيت ومصارحتج له بأنج اكتشفتي خيانته هالشي يزيد الأمر سؤ00
النقطه الرابعه
العشيقه 00 سعيده ومبتهجه تشعر بالثقه والغرور وتشيع حولها جو من التميز لأنها بكامل ثقتهاا
الزوجه 00 بارده كئيبه شاكيه وغير راضيه عن نفسها او بيتها او حتى زوجها 000
ذكرنا في النقاط الأولى ان لازم يكون عندي اقتناع بذاتي عشان اشعر بالثقه بنفسي والشعور بالثقه بالنفس يولد الإحساس بالسعاده والتفاؤل
يعني ( الرضا عن الذات ) وأي شخص سواء كان رجل او إمرأه لم يشعر بالرضا عن ذاته فقد الثقه في نفسه ومن ثم يفقد الشعور بالسعاده والتفاؤل وهالشي ينعكس بأثاره السلبيه على حياته سواء كان في البيت او العمل
طيب احنا يهمنا الحين البيت 000
قبل تهتمي ببشرتج وقبل اهتمامج بالحركات الرومانسيه وقبل كل شي حاولي تهتمي بذاتج من الداخل
ثقي بنفسج وارضي عنها تمام الرضا
اشعري بالبهجه والتفاؤل والسعاده 00 كوني امرأه مبتسمه مشرقه
بقولكم مثال عن
الزوجه الكئيبه 00 ياربيه شوفوا كيف كرشتي طالعه 000 العيال مايدرسون 00 البيت مافيه اغراض 00 ريلي مايطلعني 00 فلانه عندها شغالتين نا ماعندي ولا شغاله
تظل تحبط من نفسها الى ان تصل الى مرحلة الاكتئاب 00 ولا تظنون ان هالشي مايوصل الى الرجل يوصل له ويكتشفه بكل سهوله وهالشي اللي يؤدي الى هروبه الى احضان إمرأه أخرى يشعر معها بالنفاؤل والسعاده امرأه ماتتشكوى امرأه تحسسه ان الدنيا بخير 00 مبتسمه عذبه رقيقه تتفجر سعاده
المطلوب من خلال هالنقطه 00 ركزي على الأشياء الإيجابيه في حياتج واصرفي النظر عن السلبيات وخلي في بالج شي واحد مافي حياة كامله على هالوجود ومتى مانظرتي الى الاشياء الايجابيه بتشعرين بالرضا عن الذات اللي بيولد لديج شعور بالثقه والسعاده
ابتسمي 00 ابتسامة رضا 00 ابتسامة سعاده 00 ابتسامة كلها تفاؤل
دخل ريلج ابتسمي له 000 قوليله نكته 00 حاولي تخلينه يشعر بالسعاده طول مانتوا جالسين سوا
ياكثر الاشياء الايجابيه من حولنا واحنا نصرف النظر عنها ونركز على السلبيات 000 ناس غاويه نكد
وعلى فكره 00 الإنسان بطبعه يميل الى الشخص المبتسم ويهرب من الكئيب 00 لاننا اصبحنا في زمن كثرت المشاكل فيه وكلن يدور على راحت باله عرفتوا ليه رجالكم يخونوكم ؟
حسيت انة مفيد ونقلتة
منقووووول كما هو
