صباحكم خير ياشهدي وياسُكر
مساءكم عطر من جوري وريحاني
يانور عيني وياقنديلي المسفر
نورك شعاعه يبدد ظلمة احزاني
زاد الغلا في خفوقي والهيام أكثر
لك ياحياة الوفا ياطير حوراني
قلبك كشفته بعين الشوق والمجهر
عاينت نفسي بقلبك مامعي ثاني
لك حق تسأل وتتحقق وتستفسر
مايوم خنت العهود وزلّة الساني
ذاتك مكانه بنون العين والمحجر
حبك طظƒظ…ظ†ظٹ وحكم الحب سلطاني
ارتو مزوني وعذب الشوق لك مُمْطر
يمك لهيب الوله والعشق وداني
حبك بقلبي ثمين وغالي الجوهر
من بدّل الأصل بالتقليد غلطاني
الحب في مذهب العذال كم يقهر
بقلوبهم شبّت الأوهام نيراني
مااظن شرواك للأيام يتكرر
ياشين يومٍ اشوفك فيه زعلاني
عنقود عشقي يناجي عشبك الأخضر
يامن سقاني بعذب الحب وارواني
للبعد لوعه ولكن للقدر نصبر
حتى يجينا يقين ٍ فيه برهاني
من رررق لي
كلمات في قمة الحب والحنين
متالق ومبدع
دمت بود
إيقاع يطرب له القلب ويُستثار به الحنين !
يعطيك اااالعاااافيه
بارك الله فيك
فنثرتها في متصفحك الرائع لنستمتع بجمالها وتألقها
فشكرا لك لهذا الطرح المميز