ملاحظه*تجربة ام مع ابنتها*
راح اضع تجربتي مع بنتي الله يحفظها عمرها تقريباً 3 سنين وشوي
لاحظت انها تميل للعب بألعاب ذكورية بالرغم من عدم وجود أخ لها
مثلاً تحب تتسلق فوق الكنب او الأرفف
ماتحب احط في شعرها اي نوع من الزينة ربطات وتقلب البيت فوق تحت عليّ من البكاء إذا مسكت شعرها
تحب تصرخ بسم الله عليها , كثير تعض.
(وكلمة لا أول كلمة تعلمتها وتقولها, عنيدة جداً)>>>>> ان شاء الله بأستفيد من تجاربكم في الصفات هذه فــ أزالتها ?_؟
ماوجهتها بالكلام مثلاً سوي كذا او هذه لا.
لان الأسلوب هذا ماينفع مع الطفل العنيد وثانياً كانت توها صغيرة ماراح يفيد كثير معاها الكلام.
لاحظت انها تقلدني في اي شيء اسويه يعني مثلاً احط كريم اجي أحصل العلبة فاضية والكريم مغطيها من رأسها لرجلها
اجلس على الكمبيوتر تسوي مثلي
حاولت معاها من هذا الشيء انها تشوفني وانا اسوي او اتكلم على اساس تتعلم مني
يوم احط مكياج في وجهي او امشط شعري او احط مناكير تكون معاي >>>>> ابغى اي شيء يدل انها انثى
يوم البس شيء مرتب وحلو أوقف أمام المراية واقول ماشاء الله أو الله مرة حلو
إذا ابغى البس شيء او ألبسها ابدأ باليمين واقولها بسم الله.
صارت لمن تلبس الأول اليمين
الحين الحمدلله احس فيها توجه انثوي تحب الأرواج والعطور والمناكير >>>>>> وخربت لي اغلبهم بس يالله الحمدلله
بعض الاحيان اكون جالسة تجي عندي ماما ماما قوج = يعني ماما ابغى اروج
إذا بدلت ملابسها تجي تقولي ماما هلو=حلو ؟؟؟
طبعاً جوابي لها ماشاء الله يجنن مرة حلو البنت شوي وتشقق من الفرحة
حبيت اعودها على النظافة من بدري
اذا استخدمت مناديل اتعمد انها تشوفني وانا بعد ما اخلص ارميه في الزبالة الله يكرمكم واقولها خلاص هذا صار يــع.
صارت هي ماشاءالله عليها لو ورقه ماتبغاها على طول ترميها في الزبالة .
ترى الأطفال ماشاء الله سريعين الملاحظة وبيقلدون الشخص إلي أمامهم كثير
إذا عطسنالازم نقول الحمدلله ونسمعها .
وهي بدأت الحمدلله بعد ماتعطس تقول الحمدلله
عودتها على كلمة شكراً
إذا اعطتني شيء لازم اقول لها شكراً
وحاولت تعاملنا امامها يكون اي شيءنسويه ونساعد فيه بعض لابد كلمة شكرا والله يجزاك خير وأمامها
الحين إذا اعطيتها شيء تقولي شكناً =شكراً
وإستفدت من إسلوب المحاكاة كثير
1- يوم أشرب موية (اجلس وعلى دفعات ) الحين ماشاء الله عليها صارت تقلدني
2- يوم اصلي اجيبها معاي بعض الأحيان تدخل في شرفف الصلاة حقي وبعض الاحيان البسها شرفف لوحدها ماشاء الله عليها صارت تقلدني (اجي بعض الأحيان القاها تصلي لوحدها تركع وتنبطح=سجود ) الله يهديها ويصلحها .
كان عندها عادت البكاء إذا تبغى شيء ولازالت تستخدمه بس خفت 70% الحمدلله
في البداية كنت اخاف عليها واعطيها إلي تبغاه وصارت تستخدم الإسلوب هذا معي
اتجهت للإسلوب المضاد
تبكي من اليوم لبكرة ماراح ينفع هذا معاي ابداً
والحمدلله خفت عن اول كثير تبكي ربع ساعة وتسكت
إي حاجة كويسة تسويها امدح فيها كثير عشان يتعزز الشيء هذا عندها
هذه تجربتي مع بنتي في اشياء بسيطة استمريت اعلمها مدة ماهي قصيرة بس اهم شيء النتائج
وان شاء الله ربي يعينني اعلمها الادب في التعامل والأخلاق وفي اشياء لابد تتعلمها بس شوي شوي
ويارب اهديها واصلحها
في بعض الأمور احتسبت الأجر إن شاء الله طول ماهي تستخدمها وحتى لو كبرت ان شاء الله وتزوجت وعلمتها لإولادها
إن شاء الله يوصلني الأجر (الدال على الخير كفاعله ).
إدعوا لها بالهداية وربي يرزقني بأخ صالح لها .
(منقووول للفائده تقبلوتحياتي اختكم\ميمي)
المشاركة الأصلية كتبت بواسطة لولؤة ليبيا 
السلام عليكم اختي لؤلؤ يعطيك الف عافيه على مرورك ياعسل ,,,,,,,,
مرحباًبك في قسم الطفل...
….تحياتي اختك.ميمي
المشاركة الأصلية كتبت بواسطة شموخ $
السلام عليكم اختي شموووخ هههههههه الهم امين يارب والله يبارك في عمرك ياعسل يعطيك الف عافيه على مرورك ياعسل ,,,,,,,,
مرحباًبك في قسم الطفل...
….تحياتي اختك.ميمي