حنا الآن في الشتاء وأغلب الناس من بعد المغرب وهم قدام النار والجمر يصطلي , وأهل البر شابين ضوهم دائماً لذلك إليكم هالطريقة السهلة والجميلة لشوي البطاطس وأجزم أنها ستعجبكم بلا شك إن شاء الله
أول شي نشب الضو ونجهز الجمر وهذي الجلسة كانت في بر محيرقة قبل كم إسبوع
المقادير / بطاطس مقشر , ملح , زيت زيتون , فلفل أحمر مجروش , فلفل أحمر مطحون , ولا ننسى القصدير
أول شي نحط 3 طبقات قصدير ونحط زيت زيتون ثم نقطع البطاطس بهذا الشكل
نضيف الملح والفلفل المجروش والمطحون
نطوي القصدير على البطاطس ونلفه بشكل عكسي مثل الحلاو
الجمر جاهز والقصادير جاهزة
نفرد الجمر ونحط قصديرات البطاطس عليها ونتركها لمدة مابين 20 إلى 30 دقيقة حسب قوة النار مع مراعاة قلب القصديرة كل 5 دقايق
هذي القصيديرات جاهزة ومعها قرص مفروك بزيت الزيتون والحبة السوداء
وهذي الوجبة بعد الفتح
يم يم يم يم
نبي نشوف تجاربكم