مرحبا بالصبايا والستات الي منورين هالمنتدى بطلتهم
هذي اول مشاركه لي في هالمنتدى وحابه ابدأبموضوع يفيدنا
دنيا وآخره انشاء الله
في هالايام وفي هالاجواء الباريسيه مشاءالله الي نعيشها نحن خصوصا ياسكان
الخليج والرياض تحديداومافيها من الحر ودرجات الحراره الي وصلت للخمسين وبعض
المدن يقال وصلت لستين والله اعلم نحتاج نبرد على قلوبنا بالاجر والثواب انشاءالله
بتقولون كيف ؟لاتستعجلون انا جايتكم بالكلام
فلو الواحد منا ذكر كان ام انثى اذا خرج سواء الصباح او الظهر
مافيه فرق في هلاجواء كلها حر يمر على اللتموين ويشتري مويه وعصيرات وفطيره
ويوزعها على العمال او اي احد يشوفه واقف في الشارع
ويبرد على قلوب هالضعوف كم بيحصل من الاجر والدعوات الصادقه انشاء الله ولا تنسون ان افضل الصدقه سقيا الماء كما قاله المصطفى صلوات ربي عليه
واذكر قصه قالتها وحده من الاخوات تقول رجال جاه سرطان في حلقه كفانا الله واياكم شره
وقالوله الاطباء مافيه مجال لشفاء منه الا ان يشاء الله وتوكل على الله وصار يقراء ويتصدق على الماره في الشارع بالماء
تقول والله ماخلص شهر الا وعنده موعد في المستشفى ولما راح تحاليل كالعاده
الا ويقولون له المرض ماله اي اثر
سبحان الله
داوو مرضاكم بالصدقه وهو تداوى بافضل الصدقه وهي سقيا الماء
فياليتنا نسويها في هالصيف ونستفيد من اوقاتنا دنيا واخره
واسفه حبايبي على الاطاله بس متحمسه لهلموضوع