من ابداع الشاعر // حامد زيد (كحيلان))
يــا شـعـر تبـقـى فــي نظـرهـم كحـيـلان
وبنـظـرتـي تـســوى عــيــال الـحـمـايـل
حنـا الاثنيـن اخـوان واكثـر مـن اخــوان
لــو مــا اجتمعـنـا بالـنـسـب والـسـلايـل
لـو نختلـف بأسمـاء وعــروق وأوطــان
يـبـقــى الـتـشـابـه بـيـنـنـا بـالـخـصـايـل
وانــا لـيـا مـنـي نـويـت أكـسـب إنـسـان
أسـعــى لـــه بـكــل الـسـبـل والـوسـايـل
أعــرف كـيـف ارد الاحـســان بـاحـسـان
وكيـف احصـد بــذور الفضـايـل فضـايـل
عايـش زمـن عاصـرت بـه كـل الازمـان
مــا اعـيـل بــس انـطـح ثمانـيـن عـايــل
اكسـب عـدو واحـرق بـه قلـوب عـدوان
اشـعــل فـتـيـلـه بــــس أطــفــي فـتـايــل
إن خفت ضعف أخاف من ضعف الإيمان
وإن عفـت حمـل أعـاف حـمـل الجمـايـل
ما أضمى على الساحل ولو مـت غرقـان
لــو مـركـبـي تـابــوت والـمــوج هـايــل
أغرق شهيـد أرحـم مـن أمـوت عطشـان
طـيـحـة شـمــوخ ولا وقـــوف مـتـمـايـل
ودك لـيـامـن جـيــت فـــي كـــل مـيــدان
لـو مــا انــت الاول بالصـفـوف الأوايــل
خـلـك لـيـا عـــودت خـســران خـســران
ينـقـال عـنــك عـامــل(ن) لـــك عـمـايـل
لا صــرت تحـلـم احـلـم تـكـون سلـطـان
وان جـيــت تـقـنـع اقـنــع بـحـلـم زايـــل
الـوقـت غـربـة وآخــر الـــدرب عـنــوان
والـعـمـر رحــلــه والـتـجــارب رحــايــل
وانــا كـثـر مـالـي مــن الـنــاس خـــلان
الــلــي صـفــولــي بـالـشـدايــد قــلايـــل
شايف حسد.. قل شايـف اشكـال والـوان
قـابـلــت ظــلــم.. الا لـقـيــت الـهــوايــل
وإن عشعش بصدري من الغبن شيطـان
وتـســددت دونــــي جـمـيــع الـوسـايــل
بلـقـى مـــن عـيــال الحـمـايـل كـحـيـلان
الـلــي يـكـفـي عـــن عــيــال الـحـمـايـل
مـــرات ربـــك يـرزقــك خـــوة إنــســان
واحــد ويـســوى فـــي عـيـونـك قـبـايـل
المشاركة الأصلية كتبت بواسطة خليفة برزن بريك 
يسلمووووووووووو ع مرورك الرااااائع 
انا احد المعجبين بهذا الشاعر