الشايب

كان في عجوز كبير في السن من البدو … عموم القبيلة على قولتهم كان مريض حده و كل ما يجي ليه حالته تزداد سوءا … و أولاده ما يصير يخلونه على هالحال .. كل ما يقولون ليه يا يبا خل انوديك المستشفى يعالجونك يدارونك و انشاء راح اتطيب … يقول لا حنا البدو ما انروح مستشفيات … ما نتعالج الا بالجاوية و اللاوية و بالطب الشعبي الأصيل ..

يوم صارت حالته كلش ما يدري عن روحه ودوه المستشفى بالعمبلوص و هوه خبر خير في حالة إغماء ضل جم يووم .. و لما صار زين و اوتعى من سكرة الإغماء جاف كل شي أبيض السرير و الطوف و النرس و ثيابه بيضان فكر روحه في الجنة …

الا يقول للنرس تعالي يا حورية "يفكرها حور العين" .. لما جت له قال لها وين ابو فلان ؟! .. هوه من زمان متوفي روحي … شوفيه قولي له ابو فلان يبي يعرف وش اخبارك ويسلم عليك… الفقير المسكين مفرفش يفكر انه دش الجنه خلاص ..
راحت على نياتها اتدور في السجلات وماحصلت هالاسم.. يمين يسار، فوق تحت ماكو!!
قالت له والله مالقينا صاحبك..