الحـبّ ماهو بالغصب

بركان شعري ياغريبه من حروفك ثار..
من عقب ما شافت عيوني جرح خطيته ..

ردّك حبيبي وصلني والعشق اقـدار ..
ما هو بشوري لا ذكرت اللي تمنّيته ..

صدفه تلاقينا انا وانتي بدون اعذار ..
والطير رفرف لي جناحه من على بيته ..

الله يسهل لك طريقك يا غريب الدار ..
وانا طريقـي ساريٍ بي مع تناهيته ..

ادري الزمن قاسي معي يامنيتي غدّار ..
وانا غدرني حظي اللي ما تعنّيته ..

يا صاحبي صابر وبكتم داخلي اسرار ..
واكتب قصيدي في غرامك لو ترجّيته ..

الحب ماهو بالغصب وإن شبّ فيني نار ..
انا سبب ناري وانا اللي منك شبّيته ..

كمّل طريقك يا حبيبي ما بديني طار ..
وش فايدة حبٍّ عطيتك وانت ردّيته ..

باحساسي وبنبض قلبي ..
احساس " منصور " شاعر ..

تنوية : ارجو ذكر المصدر عند النقل حفاظا على الحقوق الادبية والفكرية ..

جد روووعهـ

تحياتي لكـ و لـ إحساسكـ