ياناس قولوا معي ياناس …… الخير في وجه عبدالله
تسلم لنا يارفيع الرأس …… يقولها الشعب لك والله
ياسيدي ماعلينا بأس ……. ياخادم الدين والمله
عطيت شعبك بدون قياس…….. والله عطاك الغلا كله
محبتك في قلوب الناس ……. تنشاف في عيون خلق الله
فضلك علينا ذهب والمأس…….. يانور شعبك وياظله
للخير باب بلا حراس ……. في وجه من يشكي الذله
العدل في مجلسك نبراس…….. سيف علي الظالم تسله
اليوم عيد وجعلها أعيادنا تزيد
في ضل أبو متعب عسى أيامنا أعياد
يوم الوطن ما فيه لا شك ترديد
نفخر بقائدنا وعيده له أمجاد
حب الوطن في الدين واجب له نقيد
نغليه ونحبه ونفدي بالأولاد
يا منبع الإ سلام فيك الأواليد
يا عز دولة يا مترخت الأجداد
المملكة تلبس حللها بلا قيد
يا درعها الواقي عبدالله سيد الأسياد
قبلة أبو تركي جمعها بتحديد
.أمن البحر ألى البحر خيرها زاد
عما الرخا والأمن ما فيه تشريد
من عهد أبو تركي إلى يومنا إسعاد
ورث فخر ما ورثوه الهرابيد
العز واضح ما نبي لا حدن إشهاد
هذي صقور العزمجد الاجاويد
مخلابها بالطيب صادر ووراد
شيوخنا وملوكنا كلهم سيد
فارس وري فارس عريبين الأشهاد
يحفظهم الرحمان عيدن ورى عيد
اخوان نوره للمعادين ميعاد
واختم قصيدي عن جميع المناقيد
دام الشعر في عزهم ما به نقاد
انا سعودي رايتي رمز الاسلام
…. وانا العرب واصل العروبه بلادي
وانا سليل المجد من بدأ الايام
….الناس تشهد لي ويشهد جهادي
دستوري القرآن قانون ونظام.
…. وسنة نبي الله لنا خير هادي
أمشي على الدنيا وانا رافع الهام
…. وافخر على العالم وانا اجني حصادي
اذا تأخرت بعضهم رحت قدام
…. واذا توارى خايف(ن) قمت بادي…
ان جيت ساحت الوغى صرت قدام
…. وان صرت بلحالي فلانيب عادي…
واظهر على غيري اذا صرت بزحام
…..عقيده قوم بالطبيعه ريادي
