اريد ان أتوقف عن خيانة زوجي/زوجتي؟

قصتي …… ثم ياتي بعدها الحل

القصه ( تزوجت وانا على علاقه مع بعض الفتيات وكنت اتواصل معهن عبر الجوال او الرسائل او عن طريق النت وهي موجوده بجانبي ولم تشعر باي شي واستمرت علاقتي مع الفتيات اكثر من 6 شهور بعد الزواج لاني لم اجد فيها روووح الزوجه التي تدلل زوجها وتحبه واني والله لم المها على ماتفعل معي وذلك لانها صغيره وانا متاكد انها لاتعرف كيفيه تعامل الزوجه مع زوجها ولم اجرء ان افاتحها في هذا الموضوع ولجأت للخيانيه

وفي الصدفه وبدون سابق انذار قالت لي ادري انك تكلم بنات بس كنت ساكته واقول بقلبي يمكن يتغير. ومانطقت بغيرها وكانت مثل الصاعقه لي

وانهت الموضوع سريعا وما كان مني الا اني تركت البنات الاتي كنت اكلمهن ولكن ليس للابد تركتهن مايقارب الشهرين ورجعت كما كنت سابقا واكثر ومع مرور الوقت قالت لي للمره الثانيه اترك عنك هالبنات والا انا مو ماليه عينك .

طبعا قمت بالاعتذار والاسف وقلت لها انها سوف تكون الاخيره ومن هالكلام والمسكينه صدقت كلامي لانها مجبوره

واللاسف رجعت للبنات اللي كنت اعرفهن وفي المره الثاله وبعد مده قصيره يمكنت شهر او ازود شوي

قالت لي انا عازمتك على العشا بالبيت بس ابيك تطلع من العصر ولاترجع الا على الساعه 9 ونص صراحه فرحت لاني كنت اتوقع منها ليالي حمرا والشي اللي كل زوج يتمناه من زوجته وفعلن رجعت على الوقت ولقيت العشا جاهز والجلسه اللي ترد الرووووح من ورد وعطورات وكان كل شي بالبيت حلوووو واشياء ماكنت احلم فيها

وقالت لي بقولك شي وابي منك الصراحه ولا ابي منك غير الصراحه قلت انتي تامرين امر بعد اللي شفته قالت لي ادري انك للحين مع البنات اللي تعرفهن بس هذا ماهمني انا كل اللي يهمني اني اعرف وش اللي لقيته فيهن ماهو فيني مع اني انا زوجتك وانا احق منهن فيك

صراحه انحرجت من كلامها واللي يسبق سنها وقلت هالبنات ذولا سون لي اللي انتي ماسويتيه لي ودلعني ودللني وكل شي ابيه منهن يجيني وبديت انطلق بالكلام اللي بداخلي بدون قيووووووود وقلت لها نفس الشي اللي ابيه منك ابيه عليك يعني وش اللي تبين انا مستعد وجاهز وبعدها والله اني لو ابي اخون والله استحي الا والله ما اقدر لان كل اللي ابيه موجوووووووود عندي ف ليه اخوووووون

الحل :-

يا اخت روان انا شفت كل الردود اللي على موضوعك واغلبها كلام عن الخيانه وغيره واللي عطاط حلووووول ينعدون ع الاصابع لكن الحل بنظري واللي فاد معي وانشا الله يفيد معك اللي هي

( الصراحه )

كلنا فينا عيووووووب واخطا لكن اجتمعي معاه وقولي له الشي اللي لقيتيه بغيره والشي اللي ناقص فيه علشان يكمله وقولي له انت وش تبيني اكوووووووون

وكوووووووني اللي هو يبيه وخليييييييييييييه يكون اللي انتي تبين

اطلبي الطلاق ولا تخونين زوجك ..

والتصورات الي تجيك كلها من الشيطان عشان يفرق بينك وبين زوجك ..