انا بختصر لكم مشكلتي
زوجي مسافر عمَان من يومين طبعا انا بالبيت لحالي والبارح جاني فضول وفتحت اللاب توب حقه ودخلت على الصور ولقيت ملف خاص فتحته ولقيت فيه صورة بنت الصوره باين انها من تصوير جوال يعني باختصار البنت واضح انه يحبها وله علاقه فيها لاني سمعت انه كان يحب وحده قبل يتزوجني وحاطها بملف لحالها
انا لما شفت الصورة انصدمت وجلست ابكي لين اعصابي انهارت وقلت يمكن ان هذا السبب اللي يخليه 24 ساعه برى البيت مايجي غير وقت الغداء بس اكيد يكلمها طول ماهو برى ؛؛؛بس ليه يربطني معه وهو يحب غيري انا ماني قادره استمر معه وانا شفت اللي شفته المصيبه ان اهلي ماهم بديرتي ولا رحت عندهم من غير رجعه لأن الزم ماعلى الواحد كرامته وانا ماقدر استمر معه وهو يحب غيري صععععب احس انه جرححححني بقوووه وماني قادره اتقبله ولاحتى اسمع صوته وانا طبعي اذا عفت مستحيل ارجع احب المصيبه اني احبه بجنوووووون ومن قبل الزواج حتى اخوي الحين بديرتنا وقررت اني اسافر معه لأهلي وحضرت لزوجي رساله برسلها له مع صورة البنت وطلبت منه ان كل واحد مننا يكون بطريق مادري انا تسرعت ولا لا بس والله ماني قادره استوعب اللي شفته وخسسسارة الحب اللي حبيته اياها مع اننا ماصار لنا متزوجين 4 شهور والمصيبه اني حامل بالشهر ال 3 آآآآآآآه بس من جد تعبت الله يسسسسامحه
كل هذا بتسوينه بمجرد شوفتك لصورة البنت
قرارات وتخطيطات ورساله وكل واحد بطريق وتهدمين حياتك على شكوك مو متأكده منها
والرجال مسااافر ..
يابنت الحلال اهدي وهدي نفسك .. قدر الامكان والانفعال مو زين عليك وانت ببداية حملك .. على الاقل فكري باللي بطنك ..
وانتظريه يجي وكوني راايقه ولاتنفعلي وافتحي معه الموضوع مع انه الموضوع غلط من الاساس لما فتحتي اغراضه الشخصيه … لكن بما انك اكتشفتي لاتخلينها في بالك
وتفهمي منه الموضوع بهدااوة اذا وصل بالسلامه .. مو من المصلحه تكوني منفعله ومتنرفزة اثناء نقاشكم .. بردي اعصابك واعرفي وش القصه منه .. وادعي ربك يسهل امورك.. ويدلك على الطريق الصحيح
انتي وجدتي صورة فقط
وجلستي تخططين للرحيل وكرامتك وماادري ايش
لا تتسرعي اهدي وفكري بعقلك
انا معك في انو غلط لما احتفظ بالصورة
لكن هذا ليس دليلا على انه يخونك معها
لاتخربي بيتك بسبب اوهام انت لم تتاكدي من صحتها
اما قضية خروجه من البيت وعدم عودته الا للاكل
اتمنى تراجعي نفسك يمكن مقصرة في شيء
ربي يسخر لك زوجك ويرزقك الذرية الصالحة التي ترضيه
وهل سالتي نفسك وحسيتي بالذنب عندما فتحتي اللاب وفتشتي عن خصوصياته
هل انتي غلطانه ام لا ؟؟؟؟؟؟
اختي انتي تسرعتي من المفترض ان تتركي اموره الخاصه ولما ذا تقولي انا شاكه
انه يحب وحده ويكلمها برى البيت يعني كل ماحصل معك مجرد شكوك وظن لا اكثر
ولكنك تعيشي ضغوطات ووجدتي هالشي فرصه لكي تفرغي ما بداخلك …
اختي وهل يعقل انك الوحيده من زوجات هالعالم التي وجدت شي على زوجها
كثير غيرك ولكنهن بحكمه وعقل ولا فعلن مثل مافعلتي رساله وصوره عرفن
كيف يحافظن على بيتهن .. اختي اصلحي مافسدتيه واعتذري وافعلي المستحيل
لكي ترجعي له ونصيحه الاشياء الخاصه لاتفتشي فيها
دعواتي لك بالتوفيق
ودي
