انا بصراحه من النوع اللي ماحب الخلطات واللي ما تجيب نيجه خلال شهر
يعني أي شي اجربه بعد شهر ما جاب نتيجه ارميه
ودي انزل لكم مع الموضوع صورالكريمات بس مافيني حيل
المهمممممممم
موضوعنا هو كيف يجي العيد وأنت متغيره للأحسن بشكل واضح
باقي عشرين يوم يلا نلحق عليها
للأمانه كل اللي بقوله لكم أنا مجربته بنفسي
نبدأ بسم الله
الحين قبل نستخدم أي كريمات أو أي شغلات المفروض ان نتهتم بالداخل والخارج
يعني نبدأ بالداخل
احنا برمضان نفطر بعدين عشاء بعدين سحور
صح افطري وتعشي زين عادي بس السحور هذا اللي لازم نوقف عنده شوي
السحور لازم يكون صحن فواكه وكأس حليب أو لبن أو روب
فتامين زيت كبد الحوت حبتين بعد كل وجبه
فيتامين سي حبه بعد كل وجبه
لان الحين اكلنا كله مقالي ودسوم فلازم ننبه لهالنقطه
خلاص خلصنا اللي داخل
نبدأ بالخارج
قبل لا تسوين على بشرتك او جسمك أي كريم ام ماسك لازم من التقشير
والسنفره
يعني الكريمات وين راح تروح ؟؟ راح تروح على الجلد الميت اللي مابيأثر فيه الكريم
يعني لااااااااااااااااااازم نشيل الطبقه الميته الاول ثم نبدأ بالكريمات والمساكات
اولها حمام الساونا وهذا رهيب جدا يشيل مو طبقه طبقات من الجلد الميت طبعا باستخدام الخلطات المغربيه والليفه المغربيه الاصليه
ومع الاستمرار بتشوفين نيايج روعه وبتسرك باذن الله
اذا خلصتي حمام الساونا في اليوم الثاني اخلطي
( علبة جلسوليد + ملقعتين كركم + علبه فيكس + فازلين البنفسجي + فازلين بزبده الكاكاو + زيت جلسرين (نص العلبه) )
بعد ما تخلطينهم وتحطينهم بعلبه زجاجيه وتدهنين بها جسمك كله كله ( ولو تحطين عليها عصير ليمونه يكون افضل )
تعرفين كيس الملابس بعد الكوي تأخذينه وتلبسينه وتأخذين لبسك بعده وتلبسن وحبذا يكون لبس فضفاض عشان تأخذين راحتك
وبعد اسبوعين تقريبا بتشوفين النتايج واضحه جدا وتوحيد لون وبياض ونعووووووووووووووومه
ثانيا تنظيف البشره عند صالون او بالبيت وهذا كلاً يعرفه
بعد تنظيف البشره لازم يكون لك جدول ليلي يومي والنيايج كذلك بعد اسبوعين
تأخذين 3 كريمات اللي هي
رتن ايه + الكوم + دوكين
هالخلطه دايما اقراها بالمنتديات ومتخوفه جدا منها
لكن قررت اجربها وفعلا كانت النيايج رووووووووووعه
طبعا طريقه استخدامها
تأخذين من كل كريم نسبه بسيطه اللي يكفي وجهك ورقبتك وتخلطينهم في راحت كفك
وقبل ان تضعيهم على وجهك لازم يكون مغسلته بصابونه وانا افضل البابايا
نجي لتحت العين
بتقولون ليه تحت العين لانه الحين الكريمات اللي ذكرتها ما راح تحطينها تحت العين
لان هالمنطقه حساسه جدا ويبيلها كريم مناسب لها
انا استخدمت كريم من ماركه neoatrata
لتحت العين ويحتوي على احماض الفواكه بنسبه بسيطه
والشي اللي اذهلني فعلا ان وحد لون تحت العين مع البشره بنسبة 80 %
هو صح هالماركه غاليه بس بصراحه قيمتها فيها
وكل مقشرات احماض الفواكه مفيد جدا بالتقشير
من ماركات ريكسول ولويس ويدمر ونيوستراتا وجلايكوليكس وغيرها.
الرموش بقولكم كانت رموشي تنعد ع الاصابع
وشافتني اختي قالت سوي لك شي شوفي كأنك ضب بلا رموش
انا استحيت من نفسي
واخذت هالخلطه من المنتديات
وهي تحسمين نوى التمر وتحطينه وتحطين عليه شوي زيت الخروع وتدهنين به الرموش دهن زين ما زين
قبل النوم
اما الشعر فله سااااااااااااالفه ثانيه واهتمام ثاني
اهم شي تطلعون مع العيد قمرات منورات
وهذي خلاصة تجاربي
وفي جعبتي المزيد وحياكم
واي سؤال أنا حاضره
__________________
موضوع رآئع
وننتظر جديدك
دمتو بود
