أرجو من كل الأخوة الرد على مشكلتي رأيكم يهمني جداً

1. تزوجت بشخص وبعد 3 أشهر حدثت مشاكل كرهته بشكل لا يصدق (عشت معه 3 أشهر فقط والباقي في بيت اهلي بس ما حابه أدش في التفاصيل) وبعدها بسنتين حصل الطلاق. تقدم لي شخص وأحسست براحه أتجاه تزوجنا الحين صار لنا 6 سنوات وعندي ولدين ورغم كل سلبياته والله أحبه جدا جدا ولاأتخيل حياتي بدونه. واحد من عيلتي ما زال على تواصل بطليقي وقبل سنة ونص تقريبا عزم طليقي في عرسه بحكم معرفته بيه وطبعا عزم زوجي بحكم أنه صار من العيلة وصادف أنه زوجي شاف طليقي لأول مرة والكل كان يسلم عليه وقاله أخوي الله يسامحة بحسن نية تعرف من ذا هذا طليق أختي اللي هي زوجتك ومن يومها أنقلب 360 درجة تغير علي هجر البيت صار ما يجي الا قليل ويغيب بالأيام وهجرني حتى بالفراش مع أنه قبل ما كان يستغنى عني أبداً حتى صلاة الجماعة أهمل فيها صار أحيانا يصلي في البيت وهو أول ما يسويها حتى لو فاتته الجماعة يصلي بالمسجد. واجهته عشان أعرف السبب وبعد ضغط قال من يوم ما شفت طليقك صرحت ما أحس بشئ اتجاهك وأحس ما لي رغبة بالجنس لا منك ولا من غيرك صدمني والله وقال ما أعرف هالمسالة تأخذ شهور والا سنين يا تصبري أو أطلقك ما اريد أظلمك معاي أنا أحبه وروحي فيه ولا أقدر أعيش كذا. ما رضى يروح لشيخ عشان يقراء عليه ولا لدكتور حاولت معاه يقول خلي الموضوع للوقت أهم شئ بينا الأحترام . الموضوع صارله أكثر من سنة ونص ومع الوقت الوضع يسؤ أكثر وأنا صابرة . مؤخرا بداء يرجع شوي شوي للبيت يعنى أحسن شوي من أول . حاولت أتقرب منه يعنى أجيه في الشهر مرة أو مرتين يقول يمكن يكون مشتاق أحيانا يصدني وأحيانا يجي بس ما يقدر ينزل أو ما يبي يمكن مرة وحده نزل وصار حمل وأحس أنه يتهرب مني وينام قبل الأولاد عشان ما أجيه أحس نفسي رخيصة . أسالكم بالله اللي هو فيه وضع طبيعي ما قادرة أستوعب؟ ويش الحل؟ نفسيتي تعبانه مرة وبعد الحين حامل وأحاول أرضيه قدر ما اقدر.

2. أنا عاملة ومن البداية ما كان فيه فرق بيني وبين زوجي نحط رواتبنا مع بعض ومقسمينها دفعنا دينه للبنك ودخلنا جمعيات للتوفير عشان البيت لأنه متفقين ما نأخذ ربا من البنك والحمد لله بنينا البيت صحيح دور واحد بس بدون بنك أكتشفت بالصدفة أنه ماخذ قرض كبير من البنك سألت ويش هذا طبعا هزني إني فتشت وراءه وأنا والله شفته بالصدفه قال جزء دفعت عشان نخلص قسط السيارة ومبلغ حطيته في البيت طيب والمبلغ الباقي أكثرمن اللي صرفته وين راح قال عطيته لشخص كان في ضيقة كبيرة وقلت له لا ترده لأنه ما يقدر يرده وخليتها صدقة عن رأس أولادى. بالله عليكم هذا كلام واحد عاقل. بس زوجي يسويها مسرف جداااااااااااااااا ولو يجيه حد ما يرده ولو يستلف. الله يعيني عليه ركب على رأسنا الديون من وراء هالشئ وأضطرينا نأجر البيت فترة لحد ما تقل الديون على الأقل عشان نقدر نعيش ما بقى من الرواتب شئ لا وبعد يقول لي أنتي متسلطة. ويش أسوي معاه شوروا علي

سامحوني على الإطالة والله من قهري من وين القاءها منه والا من العمل والا من العيال والا والا بس الا مصبرني حبي له حتى عند أهلي مخلته كأنه ملاك ما أحب أحد يقول عنه كلمة شينه أريد صفحته دائما بيضاء وقربي من ربي ومناجاتي له ودعائي أنه الله يفرج كربي عاجل غير آجل وإن شاء أنا محتسبه الأجر عن رب العالمين بساعده في سدا دينه ولو ظل متغير علي أسال الله أن يجعل عاقبة صبري خيراً

اختي انتي تقولي احبه ولا اقدر اعيش من دونه وهذا الغلط وهو مستغل هذه النقطه حبك له بشده والحب وحده بالزواج لايكفي

وهل اهماله حقوقك الشرعيه والواجبه عليه تظلي ساكته لانك تحبيه ؟؟؟؟؟؟؟؟؟؟؟؟؟؟؟ اختي انتي لك حقوق ويجب ان يوفرلها لك

وخصوصآ هجره لك با الفراش هذا بحد ذاته سبب مقنع لكي تتخذي قرار حازم وصارم وهل تنتظري ان تفعلي لاسمح الله الحرام بهجره

لك بسبب حبك الزايد له الحب شي واجحاف الحقوق شي اخر انتي لاتتكلمي بقرض وغيره هذه امور بالنسبه لهجره لك تافه وبسيطه

وحلها ليس بالصعب وهل يترك البيت بااليوم واليومين شي ايجابي وحلو ؟؟؟؟ اختي يجب عليك ان تتخذي قرار وباسرع وقت

وهل تنتظري عندما يغيب عن البيت با الايام تنجرفي في وقت فراغك لكي تسدي ماحرمك اياه اختي انظري لنفسك ودعي حبك ونظرتك

با العاطفه في امور ثانيه وليس في شي بحياتك وحرمان

دعواتي لك بالتوفيق

دمتي بكل خير ومحبه

بس ع رأي الاخ يزيد …فيه نآآس مطلقين وعآدي بشوفوآ مطلقين زوجآتهم وعآآدي جدآ ولآ كأنه مر عليهم حدآ ..

بس الله أعلى واعلم زوجك فيه شي مو طبيعي .. ولاتجيبي سيرة طليقك سمعيه كلآم حب حتى لو مآبده يسمع سمعيه … ،،

حسسيه أنك مهتمه بيه وبحيآآته لو مو ملآحظ طبعآآ …

أحكي معه مرة تآآنية .. حآولي .. والله أجرك هآد بتلآقيه قدآم وخصوصآ حفظ سر جوزك أختي

.. بحكي ع حسب رأي ولآ يوجد خبرة للرجآل عندي ..

بس أصبري ان الله مع الصآبرين ..

الله يفرج همك وينور طريقك يآآرب ويحن قلب جوزك عليكيم تل مابتحبيه يحبك يآآرب

أختي heba91 – أخوي النمر العربي وفارس بدون فرس ردكم خفف عني صدقوني أنا ماني أتذمر هذه إبتلات ومحن يمتحن الله بها عبده أيصبر أم لا ودائما ما أنظر لها نظرة إيجابية أن ربي يشتاق لسماع صوتي ودعائي فنحن نكون أقرب وأحوج له في المحن وتذكير منه سبحانه أنه من ذكر الله في الرخاء أعانه الله في المحن . الموضوع إني مستغربه والكل أكد أنه هذا مو ممكن يكون سبب وهو عارف هذا الشئ ومستغرب من نفسه ومتضايق ليش أنه وصل لهذا الحد يعنى معقوله من زود ما يحبني ما قادر يتخيل أن هذا الشخص لمس زوجته في يوم من الأيام ترى زوجي نفسه عزيزة كثير . قلته هي كانت فترة بسيطة حتى ما أذكر منها شئ كأنها ضباب بس كل شئ بيد الله هو قادر على كل شئ وما أقول غير "اللهم يا مقلب القلوب ثبت قلبي على دينك". أسال كل من يدخل أن يدعيلي بالفرج القريب لعل منكم من له دعوة لا ترد بفضل الله عليه .. وجزاكم الله خيراً